ଶ୍ରୀନଗର: ଘାଟିରେ ଆତଙ୍କବାଦୀ ଗତିବିଧି ମଧ୍ୟରେ ପୁଲୱାମାରୁ ଠାବ ହୋଇଛି ଆତଙ୍କୀ ଗୁମ୍ଫା । ବୁଧବାର ପୁଲୱାମା ଜିଲ୍ଲାର ଜଙ୍ଗଲରୁ ହିଜବୁଲ ମୁଜାହିଦ୍ଦିନ ଆତଙ୍କବାଦୀ ଲୁଚିବା ନେଇ ନିର୍ମିତ ଏକ ଗୁମ୍ଫାକୁ ସୁରକ୍ଷାକର୍ମୀ ଠାବ କରି ତାକୁ ନଷ୍ଟ କରିଦେଇଛନ୍ତି ।
ଜଣେ ଅଧିକାରୀଙ୍କ କହିବା ଅନୁଯାୟୀ, ବିଶ୍ବସ୍ତ ସୂତ୍ରରୁ ଖବର ପାଇ ସିଆରପିଏଫ, ଆର୍ମି ଓ ଜମ୍ମୁ କାଶ୍ମୀର ପୋଲିସ ଏକ ମିଳିତ ଅପରେସନ ଜରିଆରେ ପୁଲୱାମା ଜିଲ୍ଲା ଅବନ୍ତୀପୋରାସ୍ଥିତ ପସ୍ତୁନା ଜଙ୍ଗଲରୁ ଏକ ଆତଙ୍କୀ ଲୁଚିବା ଠିକଣା ଠାବ କରି ପରେ ଏହାକୁ ନଷ୍ଟ କରିଛନ୍ତି । ତେବେ ଏହି ଗୁମ୍ଫାକୁ ହିଜବୁଲ ମୁଜାହିଦ୍ଦିନର ଆତଙ୍କବାଦୀ ଲୁଚିବା ପାଇଁ ବ୍ୟବହାର କରୁଥିବା ପୋଲିସ ଅଧିକାରୀ କହିଛନ୍ତି ।
ସୁରକ୍ଷାକର୍ମୀଙ୍କ ଦ୍ବାରା ଠାବ ହୋଇଥିବା ଗୁମ୍ଫାରୁ ଆତଙ୍କବାଦୀଙ୍କ ଦ୍ବାରା ବ୍ୟବହୃତ ବିଭିନ୍ନ ଜିନିଷ, ବାସନକୁସନ ଆଦି ଠାବ ହୋଇଛି । ତେବେ ଏସବୁକୁ ଜବତ କରି ତଦନ୍ତ ଜାରି ରହିଛି ।
