ମହାରାଷ୍ଟ୍ରରେ ସୁରକ୍ଷାକର୍ମୀଙ୍କ ଏନକାଉଣ୍ଟର, 5 ନକ୍ସଲ ମୃତ

ମୁମ୍ବାଇ: ମହାରାଷ୍ଟ୍ର ଗଡଚିରୋଲି ଜିଲ୍ଲା ଖୋବ୍ରାମେଣ୍ଡା ଜଙ୍ଗଲରେ ସୋମବାର ସୁରକ୍ଷାକର୍ମୀଙ୍କ ଅପରେସନରେ 5 ଜଣ ନକ୍ସଲଙ୍କ ମୃତ୍ୟୁ ଘଟିଛି । ତିନି ଦିନର ଅପରେସନ ପରେ ସୁରକ୍ଷା କର୍ମୀଙ୍କୁ ଏହି ସଫଳତା ମିଳିଛି ।

ଏହି ଅପରେସନ ସମୟରେ ପୋଲିସ ଗୋଟିଏ ରାଇଫଲ, 3ଟି ପ୍ରେସର କୁକର ବୋମା ଜବତ କରିଛି । ଏହି ଜଙ୍ଗଲରେ ନକ୍ସଲଙ୍କ ଗତିବିଧି ନେଇ ସୁରକ୍ଷାକର୍ମୀଙ୍କୁ ସୂଚନା ମିଳିଥିଲା । ଏ ସମ୍ପର୍କରେ ଖବର ପାଇବା ପରେ ଗଡଚିରୋଲି ପୋଲିସର C-60 କମାଣ୍ଡ ଦ୍ବାରା ଏହି ଅପରେସନ କରାଯାଇଥିଲା । ଉଭୟଙ୍କ ପକ୍ଷରୁ ପ୍ରାୟ 1 ଘଣ୍ଟା ଗୁଳି ଚାଳନ ହୋଇଥିଲା ।  

ବ୍ୟୁରୋ ରିପୋର୍ଟ, ଇଟିଭି ଭାରତ