ଅଯୋଧ୍ୟା: ବହୁ ପ୍ରତିକ୍ଷୀତ ଅଯୋଧ୍ୟା ଶ୍ରୀରାମ ମନ୍ଦିର ଉଦଘାଟନୀ ଉତ୍ସବକୁ ଆଉ ମାତ୍ର 10 ଦିନ ବାକି । ଜାନୁଆରୀ 22ରେ ଅଯୋଧ୍ୟାରେ ରାମଲାଲାଙ୍କ ପ୍ରାଣ ପ୍ରତିଷ୍ଠା ମହାସମାରୋହ । ଏହି ଭବ୍ୟ ସମାରୋହ ଉପରେ ସାରା ବିଶ୍ବବାସୀଙ୍କ ନଜର । ମନ୍ଦିର ଉଦଘାଟନୀ ସମାରୋହକୁ ନେଇ ପ୍ରସ୍ତୁତି ଜୋରଦାର ଚାଲିଛି । ଏହାମଧ୍ୟରେ ଭକ୍ତ ତଥା ସମାରୋହରେ ଯୋଗ ଦେବାକୁ ଥିବା ମାନ୍ୟଗଣ୍ୟ ବ୍ୟକ୍ତିମାନଙ୍କ ପାଇଁ ଚାଲିଛି ଲଡୁ ପ୍ରସ୍ତୁତି । ଗୁଜରାଟ ଓ ବନାରସୀର କାରିଗରମାନେ ଏହି ଲଡୁ ପ୍ରସ୍ତୁତି କାର୍ଯ୍ୟରେ ଲାଗି ପଡିଛନ୍ତି । ପ୍ରାଣ ପ୍ରତିଷ୍ଠା ସମାରୋହ ପୂର୍ବରୁ 450 କ୍ୱିଣ୍ଟାଲ ଲଡୁ ତିଆରି ନେଇ ଲକ୍ଷ୍ୟ ରଖାଯାଇଛି । ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ସମାରୋହରେ ପ୍ରସାଦ ଭାବେ ଲାଗି ହେବ ଏହି ଶୁଦ୍ଧ ଦେଶୀ ଘିଅରେ ପ୍ରସ୍ତୁତ ଲଡୁ ।
ଏହାମଧ୍ୟ ପଢନ୍ତୁ..ରାମ ମନ୍ଦିର ପ୍ରତିଷ୍ଠା ଉତ୍ସବ: କେମିତି ଚାଲିଛି ପ୍ରସାଦ ପ୍ରସ୍ତୁତି ? ଦେଖନ୍ତୁ
ରାମ ମନ୍ଦିର ପ୍ରତିଷ୍ଠା ସମାରୋହରେ ପ୍ରସାଦ ଆକାରରେ ଲାଗି ହେବ ଶୁଦ୍ଧ ଦେଶୀ ଘିଅରେ ପ୍ରସ୍ତୁତ ଲଡୁ । ଗୁଜରାଟ ଓ ବନାରସୀ କାରିଗର ଦ୍ବାରା ଏହି ଲଡୁର ପ୍ରସ୍ତୁତି କାର୍ଯ୍ୟ ଜାନୁଆରୀ 6 ତାରିଖରୁ ଆରମ୍ଭ ହୋଇଥିବା ବେଳେ ଜାନୁଆରୀ 22ରେ ପର୍ଯ୍ୟନ୍ତ ଚାଲିବ । ଗୋଟିଏ ଦିନରେ ପାଖାାପାଖି 1200 କେଜି ଲଡୁ ତିଆରି ହେଉଥିବା ବେଳେ ଶ୍ରୀରାମ ମନ୍ଦିର ପ୍ରାଣ ପ୍ରତିଷ୍ଠା ଉତ୍ସବ ଅବସରରେ ପାଖାପାଖି 45 ଟନ ଲଡୁ ତିଆରି କରାଯିବା ନେଇ ସୂଚନା ରହିଛି । ଏହି ଲଡୁଗୁଡିକ ଶୁଦ୍ଧ ଦେଶୀ ଘିଅରେ ପ୍ରସ୍ତୁତ ହେଉଥିବା ବେଳେ ଶ୍ରୀରାମ ମନ୍ଦିର ଉଦଘାଟନୀ ମହାସମାରୋହରେ ଯୋଗ ଦେଇଥିବା ଶ୍ରଦ୍ଧାଳୁ ତଥା ମାନ୍ୟଗଣ୍ୟ ବ୍ୟକ୍ତିଙ୍କୁ ଏହି ଲଡୁ ପ୍ରସାଦ ଭାବେ ଦିଆଯିବ ।
ଏହାମଧ୍ୟ ପଢନ୍ତୁ..ରାମଲାଲାଙ୍କ ପ୍ରାଣ ପ୍ରତିଷ୍ଠା ନେଇ ମୋଦିଙ୍କ ସ୍ବତନ୍ତ୍ର ଅଡିଓ ସନ୍ଦେଶ; ପାଳିଲେ ୧୧ ଦିନିଆ ବ୍ରତ
ରାମ ମନ୍ଦିର ପ୍ରତିଷ୍ଠା ଉତ୍ସବ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି 11 ଦିନିଆ ବ୍ରତ ପାଳନ କରିଛନ୍ତି । ଏହି ଐତିହାସିକ ଦିନ ଉପରେ ସମଗ୍ର ବିଶ୍ବର ନଜର ରହିଛି। ଏହି ଉତ୍ସବରେ ଦେଶ ବିଦେଶର ଅନେକ ମାନ୍ୟଗଣ୍ୟ ବ୍ୟକ୍ତି ଯୋଗ ଦେବାକୁ ସେମାନଙ୍କ ନିକଟକୁ ନିମନ୍ତ୍ରଣ ପତ୍ର ପଠାଯାଉଛି । ଶ୍ରୀରାମ ଜନ୍ମଭୂମୀ ତୀର୍ଥକ୍ଷେତ୍ର ଟ୍ରଷ୍ଟ ପକ୍ଷରୁ ଦିଆଯାଇଥିବା ସୂଚନା ଅନୁଯାୟୀ, ଅଯୋଧ୍ୟାରେ ପାଖାପାଖି 10 ହଜାରରୁ 15 ହଜାର ଲୋକଙ୍କ ପାଇଁ ବ୍ୟବସ୍ଥା କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
