ଢେଙ୍କାନାଳ: ହାତୀ ଆକ୍ରମଣରେ ଯୁବକ ମୃତ । ମହାବିରୋଡ଼ ରେଞ୍ଜ ଅନ୍ତର୍ଗତ କୁଟୁରିଆ ସଂରକ୍ଷିତ ଜଙ୍ଗଲରେ ଏଭଳି ଏକ ଦୁଃଖଦ ଘଟଣା ଘଟିଛି । ମୃତକ ଜଣକ ହେଲେ କାମାକ୍ଷାନଗର ଥାନା କାମର୍ଦା ଗ୍ରାମର ରଞ୍ଜିତ ବିଶ୍ୱାଳ । ସୂଚନା ଅନୁସାରେ ଗ୍ରାମର ଜଣେ ସାଥୀଙ୍କ ସହ ରଞ୍ଜିତ ଆଜି ସକାଳୁ ଜଙ୍ଗଲୀ ଛତୁ ସଂଗ୍ରହ ପାଇଁ କୁଟୁରିଆ ସଂରକ୍ଷିତ ଜଙ୍ଗଲକୁ ଯାଇଥିଲେ । ରାସ୍ତାରେ ରଞ୍ଜିତ ହାତୀ ହାବୁଡ଼ରେ ପଡ଼ିଥିବାବେଳେ ସାଥୀ ଜଣକ ଜୀବନ ବଞ୍ଚାଇ ପଳାଇ ଦୌଡ଼ି ପଳାଇଥିଲେ । ହାତୀଟି ରଞ୍ଜିତଙ୍କୁ କଚାଡି ମାରିଥିଲା । ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି । ଖବର ପାଇ ବନ ବିଭାଗ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରିଛି । ସେପଟେ ମୃତ ରଞ୍ଜିତଙ୍କ ପରିବାରକୁ ଆବଶ୍ୟକୀୟ ସରକାରୀ ସହାୟତା ଯୋଗାଇବା ପାଇଁ ସ୍ଥାନୀୟ ଲୋକେ ଦାବି କରିଛନ୍ତି ।
ଇଟିଭି ଭାରତ, ଢେଙ୍କାନାଳ
