ସୁନ୍ଦରଗଡରେ ଜାରି ରହିଛି ମତଦାନ, ଭୋଟ ଦେଲେ ହକି ଇଣ୍ଡିଆ ସଭାପତି - Dilip Tirkey casts his vote

Dilip Tirkey casts his vote ରାଉରକେଲା: ଓଡିଶାରେ ଦ୍ୱିତୀୟ ପର୍ଯ୍ୟାୟ ପାଇଁ ମତଦାନ ଜାରି ରହିଛି । ସକାଳ 7ଟାରୁ ମତଦାନ ଆରମ୍ଭ ହୋଇଥିବା ବେଳେ ସୁନ୍ଦରଗଡରେ ଶୃଙ୍ଖଳାର ସହିତ ମତଦାନ ଜାରି ରହିଛି । ସୁନ୍ଦରଗଡ ଲୋକସଭା ଆସନ ପାଇଁ ବିଜେଡି ପକ୍ଷରୁ ମଇଦାନକୁ ଓହ୍ଲାଇଛନ୍ତି ହକି ଇଣ୍ଡିଆ ସଭାପତି ତଥା ପଦ୍ମଶ୍ରୀ ଦିଲ୍ଲୀପ ତିର୍କୀ । ସେ ସକାଳୁ ସୁନ୍ଦରଗଡର ଏକ ମତଦାନ କେନ୍ଦ୍ରକୁ ଆସି ନିଜର ମତ ସାବ୍ୟସ୍ତ କରିଛନ୍ତି । ରାଉରକେଲାରେ ଆସି ନୀଳ ଶୈଳ ମହାବିଦ୍ୟାଳୟରେ ସେ ମତଦାନ କରିଛନ୍ତି। ସେ ମତ ସାବ୍ୟସ୍ତ କରି କହିଛନ୍ତି, "ମୁଁ ସୁନ୍ଦରଗଡବାସୀଙ୍କୁ ନିବେଦନ କରୁଛି ସେ ଆସି ଭୋଟ ଦିଅନ୍ତୁ । ଏହା ଗଣତନ୍ତ୍ରର ଏକ ପର୍ବ ଏବଂ ସେମାନେ ଏଥିରେ ଅଂଶ ଗ୍ରହଣ କରିବା ଉଚିତ । ଲୋକମାନଙ୍କ ମଧ୍ୟରେ ଉତ୍ସାହ ଦେଖି ଭୋଟ ପ୍ରତିଶତ ବୃଦ୍ଧି ପାଇବ ବୋଲି ଆଶା କରାଯାଉଛି ।" ସୁନ୍ଦରଗଡ଼ ଲୋକସଭା ଏବଂ ସୁନ୍ଦରଗଡ଼ ଜିଲ୍ଲାର ସମସ୍ତ ସାତଟି ବିଧାନସଭା ଆସନରେ ମତଦାନ ଜାରି ରହିଛି । 

ଇଟିଭି ଭାରତ, ରାଉରକେଲା