ରାଜ୍ୟର ସଂଖ୍ୟା ଗରିଷ୍ଠତା ଆଡକୁ ବଢୁଛି BJP, ବିଭିନ୍ନ ସ୍ଥାନରେ ସେଲିବ୍ରେସନ ଆରମ୍ଭ କଲେଣି କର୍ମୀ - Odisha Election Result 2024

ଭୁବନେଶ୍ୱର: ଟ୍ରେଣ୍ଡ୍ ଅନୁଯାୟୀ ରାଜ୍ୟରେ ଶାସକ ବିଜେଡିକୁ ପଛରେ ପକାଇ ମ୍ୟାଜିକ ନମ୍ବର ଆଡକୁ ବଢୁଛି ବିଜେପି  । ଏହି ଫଳାଫଳ ସାମ୍ନାକୁ ଆସିବା ପରେ ବିଜେପି କାର୍ଯ୍ୟାଳୟରେ ଆରମ୍ଭ ହୋଇଯାଇଛି ସେଲିବ୍ରେସନ । ଦିନ ୧୧ଟା ସୁଦ୍ଧା ହୋଇଥିବା ଭୋଟ ଗଣତିର ତଥ୍ୟ ଅନୁଯାୟୀ ରାଜ୍ୟରେ ଉଭୟ ବିଧାନସଭା ଓ ଲୋକସଭାରେ ବିଜେପି ବେଶ ଆଗରେ ରହିଛି । ୧୪୭ ବିଧାନସଭା ଆସନରୁ ବିଜେପି ୬୭ ଟି ଆସନରେ ଆଗୁଆ ଥିବା ବେଳେ ବିଜେଡି ୪୯ ଓ କଂଗ୍ରେସ ୧୩ ଆସନରେ ଆଗୁଆ ରହିଛି । 

ଭୁବନେଶ୍ୱର ସଂସଦୀୟ କ୍ଷେତ୍ରରୁ ବିଜେପି ପ୍ରାର୍ଥୀ ଅପରାଜିତା ଷଡଙ୍ଗୀ, ସମ୍ୱଲପୁରରୁ ଧର୍ମେନ୍ଦ୍ର ପ୍ରଧାନ, ପୁରୀରୁ ସମ୍ୱିତ ପାତ୍ର ଆଗରେ ରହିଛନ୍ତି । ଯାହାକୁ ନେଇ ଦଳୀୟ ନେତା ଓ କର୍ମୀମାନଙ୍କ ମଧ୍ୟରେ ଖୁସିର ଲହର ଖେଳିଯାଇଛି । ସମ୍ପୂର୍ଣ୍ଣ ରେଜଲ୍ଟ ଆସିବା ପୂର୍ବରୁ ସେଲିବ୍ରେସନ ଆରମ୍ଭ କରିଦେଲେଣି ବିଜେପି କାର୍ଯ୍ୟକର୍ତ୍ତା । ବିଜେପି ରାଜ୍ୟ କାର୍ଯ୍ୟାଳୟରେ ଖୁସିର ଲହର ଖେଳିଯାଇଛି । ଧିରେ ଧିରେ ଲୋକାରଣ୍ୟ ହେବାରେ ଲାଗିଛି ବିଜେପି କାର୍ଯ୍ଯାଳୟ । ନେତାମାନେ ପହଞ୍ଚି ପରସ୍ପରକୁ ଅଭିନନ୍ଦନ ଜଣାଉଛନ୍ତି ।

ଇଟିଭି ଭାରତ, ଭୁବନେଶ୍ୱର