ଭୁବନେଶ୍ବର: ସ୍ମାର୍ଟ ସିଟିରେ ସ୍ମାର୍ଟ ଲଢେଇ । ଚାରି ନମ୍ବର ମାର୍କେଟରେ ଥିବା ବିଏମସି କମ୍ଲେକ୍ସ କଡ଼ରେ ଅଳିଆ ପକାଇବାକୁ ନେଇ ଦେଖାଦେଇଛି ଉତ୍ତେଜନା । ଦୀର୍ଘ ତିନିଦିନ ହେବ ଅଳିଆ ଉଠିପାରୁନି । ଯାହାକୁ ନେଇ ବ୍ୟବସାୟୀଙ୍କ ମଧ୍ୟରେ ଦେଖାଦେଇଛି ଅସନ୍ତୋଷ । ଦୁଇ ବ୍ୟବସାୟୀ ସଙ୍ଘ ମଧ୍ୟରେ ବିବାଦ ଯୋଗୁଁ ଉପୁଜିଛି ଏଭଳି ସ୍ଥିତି । ୟୁନିଟ ୪ ମାର୍କେଟରେ ଦୁଇ ବ୍ୟବସାୟୀ ଗୋଷ୍ଠୀ ସାମ୍ନାକୁ ଆସି ଉଭୟ ଉଭୟଙ୍କୁ ଖୋଲାଖୋଲି ବିରୋଧ କରିଛନ୍ତି । ଫଳରେ ମାର୍କେଟରେ ଏକ ପ୍ରକାର ଉତେଜନା ସୃଷ୍ଟି ହେବାରୁ ପରିସ୍ଥିତି ନିୟନ୍ତ୍ରଣ କରିଛନ୍ତି ବିଏମସି ଅଧିକାରୀ ଓ ଏସଆଇ ।
କାହିଁକି ବିରୋଧ:
କେଉଁଠି ଅଳିଆ ପଡିବ କେମିତି ଅଳିଆ ଉଠାଯିବ । ବିଏମସି ଓ୍ବାର୍ଡ ଅଫିସର ଓ ସାନିଟାଇଜ ଅଫିସର ଓ ସୁପରଭାଇଜରଙ୍କ ସହ ଜାଗା ଚିହ୍ନଟ କରାଯାଇଛି । ଗୋଟେ ପଟେ ଚାଉଳ ବ୍ୟବସାୟୀ ସଙ୍ଘ ତାଙ୍କ ସାମ୍ନାରେ ଅର୍ଥାତ୍ ଗେଟ୍ ପାଖରେ ଅଳିଆ ନ ପକାଇବାକୁ ଦାବି କରିବା ସହ ପରିବା ବ୍ୟବସାୟୀଙ୍କ ପାଖରେ ପକାଇବାକୁ କହିଛନ୍ତି । ହେଲେ ଏହାକୁ ବିରୋଧ କରିଛନ୍ତି ପରିବା ବ୍ୟବସାୟୀ ସଂଘ । ପରିବା ବ୍ୟବସାୟୀ ସଂଘ କହିଛି ତାଙ୍କ ପଟେ ଅଳିଆ ନପକାଇ ପୂର୍ବରୁ ଯେଉଁଠି ଅଳିଆ ପକାଯାଉଥିଲା ସେଠାରେ ପକାଯାଉ । ଦୁଇ ସଂଘର ବିବାଦ ଯୋଗୁଁ ଏପରି ପରିସ୍ଥିତି ଉପଜିଛି । ସେପଟେ ଏହାର ସମାଧାନ ପାଇଁ କଡ଼ା ଚେତାବନି ଦେଇଛନ୍ତି ସ୍ଥାନୀୟ କର୍ପୋରେଟର ।
କଣ କହିଲେ କର୍ପୋରେଟର ?
ଏନେଇ 36 ନମ୍ବର ୱାର୍ଡର କର୍ପୋରେଟର ଅଲିଅଳି ମଲ୍ଲିକ କହିଛନ୍ତି,‘ବିକାଶ ସଂସ୍ଥାକୁ ଏବେ ଅଳିଆ ଉଠାଇବାକୁ ଦାୟିତ୍ବ ଦିଆଯାଇଛି। ସେମାନେ ଘର ସାମ୍ନାରୁ ଅଳିଆ ଉଠାଇବେ । ଏନେଇ ନିୟମ ଅନୁସାରେ ଏକ ଟ୍ରାକ୍ଟର ରଖାଯିବ ମାର୍କେଟ ପାଖରେ । ସେଠାରେ ସୁଇପର ମାନେ ଏନେଇ ଅଳିଆ ନେଇ ଟ୍ରଲିରେ ଟ୍ରାକ୍ଟରରେ ପକାଇବେ। ହେଲେ ଟ୍ରାକ୍ଟରକୁ ମାର୍କେଟ ପାଖରେ ନକରିବାକୁ ଅନୁମତି ଦେଉନାହାନ୍ତି । ସକାଳ ତିନି ଘଣ୍ଟା ସନ୍ଧ୍ୟାରେ ତିନି ଘଣ୍ଟା ଟ୍ରାକ୍ଟର ରହିଲେ ସୁବିଧା ହେବ ବ୍ୟବସାୟିଙ୍କର ସହଜ ହେବ ଅଳିଆ ପକାଇବାକୁ ଫଳରେ ସେଠାରେ ଅଳିଆ ଭଲରେ ସଫା ହୋଇପାରିବ । ହେଲେ କିଛି ବ୍ୟବସାୟୀ ଅଳିଆ ଗନ୍ଧ ହେଉଛି କହି ଟ୍ରାକ୍ଟରକୁ ଭିତରକୁ ପୁରାଇ ଦେଉନାହାନ୍ତି । ସେମାନେ କହୁଛନ୍ତି ଟ୍ରାକ୍ଟରକୁ ଦୂରରେ ରଖିବାକୁ । ଏହା ସମ୍ଭବ ନୁହେଁ ସୁଇପରଙ୍କୁ ଅନେକ ବାଟ ବୋହି କି ନେଇ ଅଳିଆ ପକାଇବା। ତେଣୁ ଯଦି ଅଳିଆ ଉଠାଇବା ଗାଡି ବା ଟ୍ରାକ୍ଟରକୁ ପୂର୍ବ ଭଳି ମଦ ଦୋକାନ ସାମ୍ନା ଗେଟ୍ ପାଖକୁ ଅନୁମତି ନ ଦେବେ କେମିତି ସମ୍ଭବ ହେବ ଅଳିଆ ଉଠାଇବା। ତେଣୁ ଏନେଇ ତୁରନ୍ତ ଫାଇନାଲ ନ କଲେ ଅଳିଆ ନ ଉଠାଇବାକୁ ସୁଇପରଙ୍କୁ, ସୁପରଭାଇଜରଙ୍କୁ ସେ ନିର୍ଦ୍ଦେଶ ଦେଇଛନ୍ତି । ଫଳରେ ଅଳିଆ ଠିକରେ ତିନି ଦିନ ହେବ ନ ଉଠିବାରୁ ସମସ୍ୟା ଉପୁଜିଛି ।’
ଏନେଇ ସାନିଟାଇଜ ଅଫିସର ଭାଗ୍ୟଶ୍ରୀ ନାୟକ କହିଛନ୍ତି, କିଛି ସମସ୍ୟା ଥିଲା ସମାଧାନହୋଇଛି । ସକାଳୁ ଅଳିଆ କିଛି ଉଠିଥିଲା ଏବେ ଆଉ କିଛି ଅସୁବିଧା ହେବନି । ଯେହେତୁ ଟିକେ ପାଟିତୁଣ୍ଡ କରି କଥା ହେଉଥିଲେ । ତେଣୁ ପରେ ସମାଧାନ ହୋଇଛି । ପୂର୍ବ ପରି ସେଠାରେ ମଦ ଦୋକାନ ସାମ୍ନା କମ୍ପ୍ଲେକ୍ସ ଗେଟ୍ ପାଖରେ ଦୁଇଟି ଟ୍ରାକ୍ଟର ରହିବ । ସକାଳ ସମୟରେ ତିନି ଘଣ୍ଟ ରହିବ । ସକାଳେ ୪ଜଣ ସୁଇପର ଦୁଇ ଜଣ ଟ୍ରଲି ସହ କର୍ମଚାରୀ ଓ ଦୁଇ ଜଣ ଟ୍ରାକ୍ଟର ଡ୍ରାଇଭର ସହ ଗାଡି ସକାଳେ ସନ୍ଧ୍ୟାରେ ସେମାନେ ନିତିଦିନ ଆସି ଅଳିଆ ଉଠାଇବେ ।
ଇଟିଭି ଭାରତ, ଭୁବନେଶ୍ବର
