ଭୁବନେଶ୍ବର: ରାଜ୍ୟରେ ନାହାନ୍ତି ଟ୍ରେନଡ୍ ମାହୁନ୍ତ । ସେଥିପାଇଁ ରାଜ୍ୟ ବାହାରୁ ଆସି ହାତୀଙ୍କୁ ପ୍ରଶିକ୍ଷଣ ଦେବେ ମାହୁନ୍ତ । ହିଂସ୍ର ହାତୀଙ୍କୁ ଘଉଡ଼ାଇବା ପାଇଁ ନିୟୋଜନ ହେବେ ଟ୍ରେନଡ୍ ହାତୀ । ରାଜ୍ୟରେ ମାହୁନ୍ତ ଅଭାବ ଥିବାରୁ ବାହାର ରାଜ୍ୟ ମାହୁନ୍ତଙ୍କ ଜରିଆରେ ହାତୀଙ୍କୁ ଦିଆଯିବ ପ୍ରଶିକ୍ଷଣ । ଏଥିପାଇଁ ରାଜ୍ୟର ୪ଟି ସ୍ଥାନରେ ହାତୀ ପ୍ରଶିକ୍ଷଣ ବ୍ୟବସ୍ଥା କରାଯାଉଛି ।
ହାତୀଙ୍କୁ ଘଉଡ଼ାଇବା ପାଇଁ ନିୟୋଜନ ହେବେ ଟ୍ରେନଡ୍ ହାତୀ । ରାଜ୍ୟରେ ମାହୁନ୍ତ ଅଭାବ ଥିବାରୁ ବାହାର ରାଜ୍ୟ ମାହୁନ୍ତଙ୍କ ଜରିଆରେ ହାତୀଙ୍କୁ ଦିଆଯିବ ପ୍ରଶିକ୍ଷଣ । ରାଜ୍ୟର ୪ଟି ସ୍ଥାନରେ ହାତୀ ପ୍ରଶିକ୍ଷଣ ବ୍ୟବସ୍ଥା କରାଯାଉଛି । ସେଥିପାଇଁ ପ୍ରଥମ ପର୍ଯ୍ୟାୟରେ ଚନ୍ଦକା, ସାତକୋଶିଆ, କପିଳାସ ଓ ଶିମିଳିପାଳ ଭଳି ରାଜ୍ୟର ୪ଟି ସ୍ଥାନରେ ହାତୀ ପ୍ରଶିକ୍ଷଣ ବ୍ୟବସ୍ଥା କରାଯାଉଛି । ପରବର୍ତ୍ତୀ ସମୟରେ ଦେବ୍ରିଗଡ ଅଭୟାରଣ୍ୟରେ ମଧ୍ୟ ହାତୀ ପ୍ରଶିକ୍ଷଣ ବ୍ୟବସ୍ଥା କରାଯିବ ବୋଲି କହିଛନ୍ତି ବନ୍ୟପ୍ରାଣୀ ପିସିସିଏଫ୍ ସୁଶାନ୍ତ ନନ୍ଦ । ହାତୀଙ୍କ ପାଠଶାଳା ପାଇଁ ବିଭିନ୍ନ ରାଜ୍ୟଙ୍କ ସହ ଆଲୋଚନା ଚାଲିଥିବା ସେ କହିଛନ୍ତି ।
ବନ୍ୟପ୍ରାଣୀ ପିସିସିଏଫ୍ କହିଛନ୍ତି, "କୁଙ୍କି ହାତୀଙ୍କ ପରି ଟ୍ରେଣ୍ଡ ହାତୀ ଯେଉଁଥିରେ ତାଙ୍କର ମାହୁନ୍ତ ସେମାନଙ୍କୁ ଟ୍ରେଣ୍ଡ କରିଥାଏ । ସେମାନଙ୍କ ସହାଯ୍ୟରେ ହାତୀକୁ ଆୟତ୍ତ କରାଯାଇ ପାରିବ । ଅଭୟାରଣ୍ୟରେ ତାଙ୍କୁ ବ୍ୟବହାର କରାଯାଇ ପାରିବ । ସେଥିପାଇଁ କଥାବାର୍ତ୍ତା ଚାଲିଛି । ଆମ ପାଖରେ ମଧ୍ୟ କିଛି ଟ୍ରେଣ୍ଡ ହାତୀ ଅଛନ୍ତି । ବାହାରୁ ଅଧିକ ଆସିଲେ ଆମ ହାତୀ ଅଧିକ ଟ୍ରେଣ୍ଡ ହୋଇ ପାରିବେ । ଯାହାକୁ ହାତୀଙ୍କ ପାଠଶାଳା ବୋଲି କୁହାଯାଉଛି । ଏଥିପାଇଁ ଚନ୍ଦକା, ଶିମିଳିପାଳ, ସାତକୋଶିଆରେ ନିଜର କ୍ୟାପ୍ଟିଭ ହାତୀ ଅଛନ୍ତି । ଏହାସହ କର୍ଣ୍ଣାଟକ ଓ ଆସାମ ସହ ମଧ୍ୟ କଥାବାର୍ତ୍ତା ଚାଲିଛି ।"
ଏହା ମଧ୍ୟ ପଢନ୍ତୁ...ଶୌଚ ହେବାକୁ ଯାଇଥିବା ବେଳେ ବୃଦ୍ଧଙ୍କୁ ଦଳିଦେଲା ଦନ୍ତା
ପ୍ରକାଶ ଥାଉ କି, କପିଳାସରୁ କାର୍ତ୍ତିକ, ଉମା, ପଦ୍ମା, ଶ୍ୟାମ ଓ ଶିବା, ନନ୍ଦନକାନନରୁ ମାମା, ଶିମିଳିପାଳରୁ ଜଗନ୍ନାଥ ଆଦି ନାମିତ ହାତୀ ଚନ୍ଦକା ଆସିବେ । ଏହାସହ ଚନ୍ଦକାରୁ ଯଶୋଦା, ସାତକୋଶିଆରୁ ମହେନ୍ଦ୍ର ଓ ରାଜକୁମାର ଆଦି ହାତୀ ଶିମିଳିପାଳ ଯିବେ ବୋଲି ସୂଚନା ମିଳିଛି । ଖୁବଶୀଘ୍ର ରାଜ୍ୟର କିଛି ଜଙ୍ଗଲରେ କୁମକି ପ୍ରଶିକ୍ଷଣ ଆରମ୍ଭ କରାଯିବ । ନିକଟରେ ବାରିପଦା ଅଞ୍ଚଳରେ ଏକ ହାତୀ ସହର ମଧ୍ୟରେ ବୁଲୁଥିବାର ନଜରକୁ ଆସିଥିଲା । ପ୍ରାୟ ଦୀର୍ଘ ସମୟ ଧରି ସହରରେ ବୁଲିବା ପରେ ଜଙ୍ଗଲ ମୁହାଁ ହୋଇଥିଲା । ଏଭଳି ହାତୀଙ୍କୁ ସାବାଡ କରିବା ପାଇଁ ଏହି ପାଠଶାଳାରୁ ହାତୀମାନେ ନିୟୋଜିତ ହେବେ ।
ଇଟିଭି ଭାରତ, ଭୁବନେଶ୍ବର
