ଭୁବନେଶ୍ବର: ଏଣିକି କାଠ ବଦଳରେ ସ୍ୱର୍ଗଦ୍ୱାରରେ ଗୋବର ଘଷିରେ ହେବ ମୃତଦେହ ଦାହ । ଗଛ କାଠ ବଦଳରେ ବ୍ୟବହାର ହେବ ଗୋବରରୁ ତିଆରି ଘଷି। ଏଥିପାଇଁ ପ୍ରାରମ୍ଭିକ ଭାବେ ଆଲୋଚନା ଚାଲିଛି । ଏନେଇ ଯୋଜନା ପ୍ରସ୍ତୁତି କରୁଛି ରାଜ୍ୟ ମତ୍ସ୍ୟ ଓ ପ୍ରାଣୀ ସମ୍ପଦ ବିଭାଗ । ଏହି ସୂଚନା ଦେଇଛନ୍ତି ମତ୍ସ୍ୟ ଓ ପଶୁ ସମ୍ପଦ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ । ଏହା ବହୁତ ଜଲଦି ଏହା କାର୍ଯ୍ୟକାରୀ କରାଯିବ ବୋଲି କହିଛନ୍ତି ମନ୍ତ୍ରୀ ।
ଘଷିରେ ହେବ ମୃତଦେହ ଦାହ:
ପଶୁସମ୍ପଦ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ କହିଛନ୍ତି, "ହିନ୍ଦୁ ଶାସ୍ତ୍ର ଅନୁଯାଇ ଗୋବରକୁ ମୃତଦେହ ଦାହରେ ବ୍ୟବହାର କରାଯାଇପାରିବ । ଏ ବିଷୟରେ ସ୍ୱର୍ଗଦ୍ୱାର କମିଟି ସହ ଆଲୋଚନା କରାଯିବ । ବିଭିନ୍ନ ସାମାଜିକ ଅନୁଷ୍ଠାନ, ଗୋଶାଳା କରିଥିବା ବ୍ୟକ୍ତି ସହ ଆଲୋଚନା କରାଯିବ । ପରେ ଖୁବଶୀଘ୍ର ବିଚାର ବିମର୍ଶ କରି ରାଜ୍ୟ ସରକାର ପଦକ୍ଷେପ ନେବେ । ଗୋମାତା ସୁରକ୍ଷା ଓ ଗୋଶାଳା ବୃଦ୍ଧିକୁ ସରକାର ଗୁରୁତ୍ୱ ଦେଉଛନ୍ତି । ଗୋ ସୁରକ୍ଷା, ଗୋମୁତ୍ର ଓ ଗୋବରର ସଦୁପଯୋଗ କ୍ଷେତ୍ରରେ ବିଚାର ବିମର୍ଶ ପାଇଁ କମିଟି ଗଠିତ ହେବ । ଉପମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଏକ କମିଟି ଗଠନ କରାଯିବ । ୫ ଜଣ ମନ୍ତ୍ରୀ ଓ ୫ ଜଣ ସଚିବ କମିଟିର ସଦସ୍ୟ ରହିବେ । ଗୋମାତା ସୁରକ୍ଷା, ଗୋଶାଳା ବୃଦ୍ଧି, ଦୁଗ୍ଧ ଉତ୍ପାଦନ ବୃଦ୍ଧି ପାଇଁ ସରକାରଙ୍କ ପକ୍ଷରୁ 'କାମଧେନୁ' ଯୋଜନା ଆରମ୍ଭ ହୋଇଛି ।"
ଏହା ମଧ୍ୟ ପଢ଼ନ୍ତୁ...ଦୀପାବଳି/କାଳିପୂଜା ଦ୍ୱନ୍ଦ୍ୱ: ୩୧ ନା ୧? କେଉଁ ଦିନ ପାଳିବା ଉଚିତ, ଜାଣନ୍ତୁ ଏହା ମଧ୍ୟ ପଢ଼ନ୍ତୁ...ଜଗନ୍ନାଥଙ୍କ ଅଦିନିଆ ରଥଯାତ୍ରା ପ୍ରସଙ୍ଗରେ ଆଇନମନ୍ତ୍ରୀଙ୍କ ହସ୍ତକ୍ଷେପ, 'ଇସ୍କନ ସହ କଥା ହେବ ଶ୍ରୀମନ୍ଦିର ପ୍ରଶାସନ' ଏହା ମଧ୍ୟ ପଢ଼ନ୍ତୁ...ପୂରା କରିପାରିଲେନି ବ୍ରତ, କାଳିଆ ଦୁଆରେ ଉଡିଗଲା ହବିଷ୍ୟାଳୀଙ୍କ ପ୍ରାଣବାୟୁ |
ସରକାରଙ୍କ ପଦକ୍ଷପକୁ ସ୍ବାଗତ:
ସେପଟେ ଏହା ଏକ ସ୍ଵାଗତଯୋଗ୍ୟ ପଦକ୍ଷେପ ବୋଲି କହିଛନ୍ତି ପୁରୀ ମଠ ମହନ୍ତ ନାରାୟଣ ରାମାନୁଜ ଦାସ । ସେ କହିଛନ୍ତି, "ଅନ୍ୟସ୍ଥାନରେ ମଧ୍ୟ ଘଷିକୁ ମୃତଦେହ ଦାହରେ ବ୍ୟବହାର କରାଯାଉଛି । ଯେହେତୁ ଗୋମାତା ଆମ ହିନ୍ଦୁ ଧର୍ମର ମାତା ସେଥିପାଇଁ ତାଙ୍କ ଗୋବରକୁ ନେଇ ମଣିଷ ଶରୀର ଦାହ କରାଗଲେ ସେ ସ୍ଵର୍ଗକୁ ଯିବ, ଏଥିରେ କୌଣସି ସନ୍ଦେହ ନାହିଁ । ପ୍ରଦୂଷଣ ଦୂର ହେବା ସହିତ ଘସି ଧୁଆଁରେ ବାୟୁମଣ୍ଡଳ ସଫା ରହିବ । ପୁରାତନ ପଦ୍ଧତିରେ ଏହା କରାଯାଉଥିଲା । ଆଜି ମଧ୍ୟ ଦକ୍ଷିଣ ଭାରତରେ ଏହି ପଦ୍ଧତିରେ ମୃତଦେହ ଦାହ କରାଯାଉଛି । ପୁରୀ ସ୍ଵର୍ଗଦ୍ଵାରରେ କରିବା ପାଇଁ ପ୍ରଦୂଷଣ ବୋର୍ଡ ଅଛି ସେ ପଦକ୍ଷେପ ନେବେ ।" ସେହିପରି ଜ୍ୟୋତିର୍ବିଦ ପଣ୍ଡିତ ହରିଶଙ୍କର ମିଶ୍ର କହିଛନ୍ତି, "ଏହା ବହୁତ ଗ୍ରହଣୀୟ ପଦକ୍ଷେପ । ମୁଁ ଏଥିରେ ସହମତ । ସରକାର ପୁରୀରେ ବଡ଼ ଗୋଶାଳା କରି ଗୋରୁ ଗୁଡିକୁ ରଖନ୍ତୁ । ସେହି ଗୋବରରେ ମୃତଦେହ ଦାହ ପାଇଁ କାର୍ଯ୍ୟକାରୀ ହେଉ । ଏହା ଏକ ପବିତ୍ର ଯୋଜନା । ଗୋବର ପବିତ୍ର ଜିନିଷ । ଏହା ସ୍ଵାଗତଯୋଗ୍ୟ ପଦକ୍ଷେପ ।"
ଇଟିଭି ଭାରତ, ଭୁବନେଶ୍ବର
