ଢେଙ୍କାନାଳ: ଯୁକ୍ତ ଦୁଇ କଲେଜ ଛାତ୍ରୀଙ୍କୁ ବିଭତ୍ସ ଭାବେ ହତ୍ୟା । ଢେଙ୍କାନାଳ କେନ୍ଦ୍ରୀୟ ବିଦ୍ୟାଳୟ ନିକଟସ୍ଥ କାଜୁ ଜଙ୍ଗଲରୁ ମୃତଦେହ ଠାବ । ଛାତ୍ରୀଙ୍କୁ ଜଣଙ୍କ ମୁଣ୍ଡରେ ଗଭୀର ଆଘାତ ଲାଗିଥିବା ଜଣାପଡ଼ିଛି । ମୃତ ଛାତ୍ରୀ ଜଣଙ୍କ ଗତକାଲି ଠାରୁ କୋଚିଂ ସେଣ୍ଟର ଯାଇ ଆଉ ଘରକୁ ଫେରିନଥିଲ । ମୃତକ ଜଣଙ୍କ ସଦର ଥାନା ଅନ୍ତର୍ଗତ ମଙ୍ଗଳପୁର ଅଞ୍ଚଳର ବୋଲି ଜଣାପଡ଼ିଛି । ପୋଲିସର ତଦନ୍ତ ଆରମ୍ଭ ।
ଢେଙ୍କାନାଳରେ ଜଣେ କଲେଜ ଛାତ୍ରୀଙ୍କୁ ଅତି ବିଭତ୍ସ ଭାବେ ହତ୍ୟା କରାଯାଇଥିବା ଅଭିଯୋଗ । ଛାତ୍ରୀଙ୍କ ମୃତଦେହ ଢେଙ୍କାନାଳ କେନ୍ଦ୍ରୀୟ ବିଦ୍ୟାଳୟର କିଛି ଦୂରେଥିବା କାଜୁ ଜଙ୍ଗଲରେ ଦେଖିବାକୁ ମିଳିଛି । ସଦର ଥାନା ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ପରିବାର ଲୋକଙ୍କୁ ଖବର ଦେଇଛି । ଘଟଣା ସ୍ଥଳରେ ସନ୍ଧାନୀ କୁକୁର ଓ ସାଇଣ୍ଟିଫିକ ଟିମ ପହଞ୍ଚି ଛାନଭିନ ଆରମ୍ଭ କରିଛନ୍ତି ।
ମୃତ ଛାତ୍ରୀ ଜଣଙ୍କ ମୁହଁ ମାଡ଼ି ତଳେ ପଡିଥିବା ବେଳେ ପଖରେ ଏକ ରକ୍ତ ଭିକା ପଥର ଓ କିଛି ମଦ ବୋତଲ ପଡ଼ିଥିବା ଦେଖିବାକୁ ମିଳିଛି । ପାଖରେ ତାଙ୍କର କଲେଜ ବ୍ୟାଗ ଓ ପୋଷାକ ଓଢଣୀ ପଡ଼ିଥବା ଦେଖିବାକୁ ମିଳିଛି । ଛାତ୍ରୀଙ୍କୁ କେହି ପଥରେ ଛେଚି ହତ୍ୟା କରିଥିବା ସନ୍ଦେହ କରାଯାଇଛି । ଏବଂ ଘୋଷାରି ଘୋଷାରି ତାକୁ ରାସ୍ତା ପାର୍ଶ୍ୱ ଏକ ବୁଦାରେ ଫିଙ୍ଗି ଦେଇଥିବା ଅନୁମାନ କରାଯାଉଛି । ସେ ଢେଙ୍କାନାଳ ମହିଳା ମହାବିଦ୍ୟାଳୟର ଯୁକ୍ତ ଦୁଇ ପ୍ରଥମ ବର୍ଷ ବିଜ୍ଞାନ ଛାତ୍ରୀ ବୋଲି ଜଣାପଡିଛି ।
ଏହା ମଧ୍ୟ ପଢନ୍ତୁ .....ପରକୀୟା ପ୍ରୀତିରୁ ମାଆ-ପୁଅକୁ ହତ୍ୟା ଘଟଣା, ମାଇଁ ଓ ଭଣଜା ଗିରଫ
ସେ ଗତକାଲି(ଗୁରୁବାର) ଦିନ ୨ଟା ସମୟରେ ସହରର କୁଞ୍ଜକାନ୍ତ ସ୍ଥିତ ଏକ ଘରୋଇ କୋଚିଂ ସେଣ୍ଟରକୁ ଯାଇଥିଲେ । ସେଠାରୁ ଫେରିବା ସମୟରେ ଅଧା ବାଟରୁ କୁଆଡେ ନିଖୋଜ ହୋଇ ଯାଇଥିଲେ । ଘର ଲୋକ ବହୁ ଖୋଜାଖୋଜି କରିବା ପରେ ରାତିରେ ସଦର ଥାନାରେ ଲିଖିତ ଅଭିଯୋଗ କରିଥିଲେ । ପରେ ପୋଲିସ ମଧ୍ୟ ଆଖପାଖ ଅଞ୍ଚଳରେ ଖୋଜାଖୋଜି କରିଥିଲା । ସେ କୋଚିଂ ସେଣ୍ଟରରୁ ବାହାରି ବଜାର ଦେଇ ପ୍ରଥମେ ସାଇକେଲରେ ପରେ ଚାଲିଚାଲି ଯାଉଥିବାର ସିସିଟିଭି ଫୁଟେଜ ପୋଲିସର ହସ୍ତଗତ ହୋଇଛି ।
ଆଜି ଅପରାହ୍ନ ପ୍ରାୟରେ ଛାତ୍ରୀଙ୍କ ମୃତଦେହ ଘର ଠାରୁ ପ୍ରାୟ ଏକକିଲୋମିଟର ଦୁରରେ ଏକ ବୁଦା ମୂଳରୁ ଠାବ ହୋଇଛି । ଖବର ପାଇ ଘଟଣା ସ୍ଥଳରେ ସଦର ଏସଡ଼ିପିଓ ଓ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ତେବେ ମୃତ ଛାତ୍ରୀ ଜଣଙ୍କ ଜଣେ ମେଧାବୀ ଛାତ୍ରୀ ବୋଲି ଜଣାପଡ଼ିଥିବା ବେଳେ ହତ୍ୟାର କାରଣଙ୍କୁ ନେଇ ଉଭୟ ପୋଲିସ ଓ ତାଙ୍କ ପରିବାର ଦ୍ଵନ୍ଦରେ ପଡିଛନ୍ତି । ସେପଟେ ବ୍ୟବଚ୍ଛେଦ ରିପୋର୍ଟ ଓ ତଦନ୍ତ ପରେ ଜଣାପଡ଼ିବ ବୋଲି ଅତିରିକ୍ତ ଏସପି ପ୍ରକାଶ କରିଛନ୍ତି ।
- " class="align-text-top noRightClick twitterSection" data="">
ଇଟିଭି ଭାରତ, ଇଟିଭି ଭାରତ
