![ପ୍ରଦର୍ଶନୀ ବୁଲିଲେ; ଏକ୍ସରେ ନମ୍ବର 1 ଟ୍ରେଣ୍ଡ କରୁଛନ୍ତି ଭିକେ ପାଣ୍ଡିଆନ](https://etvbharatimages.akamaized.net/etvbharat/prod-images/07-02-2024/od-bbsr-07-vk-pandian-trending-7209787_07022024152221_0702f_1707299541_919.jpg)
ଭୁବନେଶ୍ବର: ବିଶ୍ଵ ଓଡ଼ିଆ ଭାଷା ସମ୍ମିଳନୀରେ ଆୟୋଜିତ ପ୍ରଦର୍ଶନୀ ଆଜି ବୁଲି ଦେଖିଛନ୍ତି 5T ତଥା ନବୀନ ଓଡିଶା ଅଧ୍ୟକ୍ଷ ଭିକେ ପାଣ୍ଡିଆନ । ପ୍ରଦର୍ଶନୀରେ ଛାତ୍ରଛାତ୍ରୀଙ୍କ ସହ ଆଲୋଚନା କରିବା ସହ ସେଲ୍ଫି ମଧ୍ୟ ନେଇଛନ୍ତି । ଏହାର ଫଟୋ ଓ ଭିଡ଼ିଓ ଭାଇରାଲ ହେବା ପରେ ସୋସିଆଲ ସାଇଟ ଏକ୍ସରେ ଟ୍ରେଣ୍ଡ କରୁଛନ୍ତି ପାଣ୍ଡିଆନ । ଏହାକୁ ନେଇ ପାଣ୍ଡିଆନଙ୍କୁ ନେଇ ସୋସିଆଲ ସାଇଟରେ ଦେଖିବାକୁ ମିଳିଛି କ୍ରେଜ । ଏକ୍ସରେ ଟ୍ରେଣ୍ଡ କରୁଛି #VKpandianInMetaverse ।
ଅଧିକ ପଢନ୍ତୁ- ପ୍ରତି ୫ ବର୍ଷରେ ବିଶ୍ୱ ଓଡିଆ ଭାଷା ସମ୍ମିଳନୀ ହେବ ଆୟୋଜିତ: ମୁଖ୍ୟମନ୍ତ୍ରୀ
ବିଶ୍ଵ ଓଡ଼ିଆ ଭାଷା ସମ୍ମିଳନୀରେ ଆୟୋଜିତ ପ୍ରଦର୍ଶନୀ ବୁଲି ଦେଖିଛନ୍ତି 5T ତଥା ନବୀନ ଓଡିଶା ଅଧ୍ୟକ୍ଷ ଭିକେ ପାଣ୍ଡିଆନ । ପ୍ରାଚୀନ ଯୁଗ, ମଧ୍ୟ ଯୁଗୀୟ ପ୍ରଦର୍ଶନୀରେ ରାଜ୍ୟ ସରକାରଙ୍କର ବିଭିନ୍ନ ବିଭାଗ ତରଫରୁ ଓଡିଆ ଭାଷାକୁ ନେଇ ଆୟୋଜିତ ସ୍ଵତନ୍ତ୍ର ପ୍ରଦର୍ଶନୀ ବୁଲି ଭିକେ ପାଣ୍ଡିଆନ ଦେଖିଛନ୍ତି । ଏହା ସହ ଓଡିଆ ଭାଷାର ପ୍ରାଚୀନତା, ବିଭିନ୍ନ ଢଙ୍ଗରେ ବିଭିନ୍ନ ରୂପରେ ଭାଷାର ବ୍ୟବହାର ବାବଦରେ ସେ ପଚାରି ବୁଝିଛନ୍ତି । ରାଜ୍ୟ ସୂଚନା ଓ ପ୍ରଯୁକ୍ତିବିଦ୍ୟା ବିଭାଗ ପକ୍ଷରୁ ଏକ ସ୍ବତନ୍ତ୍ର ଷ୍ଟଲରେ ଅତ୍ୟାଧୁନିକ ପକଳ୍ପ ଗୁଡିକୁ ପ୍ରଦର୍ଶନୀ କରାଯାଇଛି । ଏହି ପ୍ରକଳ୍ପ ସବୁ ବର୍ଗର ଲୋକଙ୍କୁ ଆକୃଷ୍ଟ କରୁଛି । 5T ଅଧ୍ୟକ୍ଷ ଭିକେ ପାଣ୍ଡିଆନ ମଧ୍ୟ ଏହା ବୁଲି ଦେଖିଛନ୍ତି । ରୋବର୍ଟ ଓ ଅନ୍ୟାନ୍ୟ ପ୍ରକଳ୍ପ ବାବଦରେ ସେ ପଚାରି ବୁଝିଛନ୍ତି । ନିଜେ ମଧ୍ୟ ଏହାର ବ୍ୟବହାର କରି ମଜା ଉଠାଇଛନ୍ତି । ପ୍ରଦର୍ଶନୀକୁ ଆସିଥିବା ସ୍କୁଲ ଛାତ୍ରଛାତ୍ରୀଙ୍କ ସହ ସମ୍ମିଳନୀ ଓ ପ୍ରଦର୍ଶନୀର ଉପାଦେୟତା ବାବଦରେ ସେ ଆଲୋଚନା କରିଛନ୍ତି ।