ଭୁବନେଶ୍ୱର: ବିଜୁ ପଟ୍ଟନାୟକ ବିମାନବନ୍ଦର ଦେଇ ସୁନା ଚାଲାଣ । DRI ହାତରେ ଲାଗିଲା ୩ କେଜି ୭୭୦ ଗ୍ରାମର ସୁନା । ମଳଦ୍ୱାର ଦେଇ ଚୋରା ଚାଲାଣ ବେଳେ ୪ ଜଣ ଗିରଫ । ସେମାନଙ୍କ ଠାରୁ ମୋଟ ୧୨ଟି ସୁନା କ୍ୟାପସୁଲ ଜବତ ହୋଇଛି । ଏନେଇ DRI ପକ୍ଷରୁ ସୂଚନା ମିଳିଛି । ମିଳିଥିବା ସୂଚନା ଅନୁସାରେ ଗତ ମେ ୬ ତାରିଖରେ ଠାବ କରଯାଇଥିଲା ସୁନା ତସ୍କରି । ଦୁବାଇରୁ ଭୁବନେଶ୍ୱର ଆଣିଥିଲେ ସୁନା । ୪ଜଣ ବିମାନ ଯାତ୍ରୀଙ୍କ ଜରିଆରେ ମଳଦ୍ୱାର ବାଟେ ସୁନା ଚାଲାଣ ବେଳେ ଧରିଥିଲା DRI । ସନ୍ଦେହ ହେବାରୁ ବିମାନ ଯାତ୍ରୀଙ୍କୁ ନେଇ ପଚରାଉଚରା କରାଯାଇଥିଲା ।
ତେବେ କେମିକାଲ ଯୁକ୍ତ ପାନୀୟ ଜଳ ପିଇବା ପରେ । ମଳଦ୍ୱାରରେ ଲୁଚାଇ ନେଉଥିବା ସୁନାକୁ ଜବତ କରାଯାଇଥିଲା । ଜବତ ସୁନାରର ପରିମାଣ ସାଢେ ୩ କେଜି ୭୭୦ଗ୍ରାମ ଯାହାର ଆନୁମାନିକ ବଜାର ମୂଲ୍ୟ ୨କୋଟି ୭୯ଲକ୍ଷ ହେବ ବୋଲି ଜଣାପଡ଼ିଛି । ସେପଟେ ଚାଲାଣ କରୁଥିବା ଚାରି ଜଣ ଅଭିଯୁକ୍ତଙ୍କୁ କଷ୍ଟମସ ଆକ୍ଟରେ ଗିରଫ କରାଯାଇଛି । ଏନେଇ ଡିଆର ଆଇ ଅଧିକାରୀ ପଚରାଉଚରା ଜାରି ରଖିଛନ୍ତି । ଜବତ ହୋଇଥିବା ସମସ୍ତ ସୁନାକୁ ଏକ ପ୍ରକାର କ୍ୟାପସୁଲ ଭର୍ତ୍ତି କରି ମଳଦ୍ୱାର ଦେଇ ଚାଲାଣ କରାଯାଉଥିଲା । ସମସ୍ତ ସୁନାକୁ ୧୨ଟି କ୍ୟାପସୁଲ କରାଯାଇଥିଲା ।
ଚାରି ଜଣ ଅଭିଯୁକ୍ତ ୩ଟି ଲେଖାଏଁ କ୍ୟାପସୁଲ ଜରିଆରେ ଚାଲାଣ କରୁଥିଲେ । ଏନେଇ ସୂଚନା ପାଇ ସେମାନଙ୍କର ଉପରେ ନଜର ରଖିଥିଲା । ପରେ ସେମାନଙ୍କ ଚାଲି ଓ ହାବଭାବରୁ ସନ୍ଦେହ କରି ଅଟକାଇଥିଲା DRI । ପଚାରଉଚାର ପରେ ସବୁ ସତ ପଦାକୁ ଆସିଥିଲା ସେମାନଙ୍କୁ କିଛି ଔଷଧ ଖାଇବାକୁ ଦେବା ପରେ ମଳଦ୍ୱାର ଦେଇ କ୍ୟାପସୁଲ ଗୁଡ଼ିକ ବାହାରିଥିଲା । ତେବେ ମୋଟ ୪ ଜଣଙ୍କଠୁ ୧୨ଟି କ୍ୟାପସୁଲ ଜବତ ହୋଇଛି । ଏହାକୁ ନେଇ ଏବେ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି । ଗିରଫ ଯାତ୍ରୀ କେଉଁ ଉଦ୍ଦେଶ୍ୟରେ ଦୁବାଇ ଯାଇଥିଲେ ? କିଏ ସେମାନଙ୍କୁ ଯୋଗାଯୋଗ କରିଥିଲା ? ନିର୍ବାଚନ ସମୟରେ ଏପରି ଚୋରା ଚାଲାଣରେ ଗଳାବାଟ କ'ଣ ଆପଣାଇ ଥିଲେ । ଏନେଇ ଅନୁସନ୍ଧାନ ଜରି ରହିଛି ।
ଏହା ମଧ୍ୟ ପଢନ୍ତୁ ..... ବିମାନବନ୍ଦରରୁ ଧରାପଡ଼ିଲା ସୁନା, ମଳଦ୍ୱାରରେ ଲୁଚାଇ ନେଉଥିଲେ ଯାତ୍ରୀ - GOLD SEIZED
ଭୁବନେଶ୍ୱର ବିମାନବନ୍ଦର ଦେଇ ସୁନା ଚୋରା ଚାଲାଣ ନୂଆ କଥା ନୁହେଁ । ପୂର୍ବରୁ ଅନେକ ଥର ଏପରି ସୁନା ଚୋରା ଚାଲାଣର ଫର୍ଦ୍ଦାଫାସ ହୋଇଛି । କ୍ୟାରିୟର ଭାବେ କାମ କରି ସୁନା ଚାଲାଣ କରୁଛନ୍ତି କିଛି ଲୋକ । ଏହା ପଛରେ କୋୖଣସି ବ୍ୟବସାୟିକ ପ୍ରତିଷ୍ଠାନ ବା ସୁନା ବ୍ୟବସାୟୀ ଅଛନ୍ତି ନା ନିର୍ବାଚନ ପରିଚାଳନାକୁ ଦୃଷ୍ଟିରେ ରଖି ଏପରି ସୁନା ଚାଲାଣ ହେଉଥିଲା । ସେନେଇ ତଦନ୍ତ ଜାରି ରହିଛି ।
ଇଟିଭି ଭାରତ, ଭୁବନେଶ୍ୱର
