ନୂଆଦିଲ୍ଲୀ : ଟିମ୍ ଇଣ୍ଡିଆର ପୂର୍ବତନ ୱିକେଟ୍-କିପର ଓ ବ୍ୟାଟର ଦୀନେଶ କାର୍ତ୍ତିକ ଏବେ ସବୁ ଫର୍ମାଟରୁ ଅବସର ନେଇ ସାରିଛନ୍ତି । ଏପରିକି 2024 ଆଇପିଏଲ୍ ମଧ୍ଯ ତାଙ୍କର ଶେଷ ଆଇପିଏଲ୍ ଥିଲା । ଏବେ ଆର୍ସିବି ତାଙ୍କୁ ବ୍ୟାଟିଂ କୋଚ ଭାବେ ନିଯୁକ୍ତ କରିଛି । ଅନ୍ୟପଟେ ସାଉଥ ଆଫ୍ରିକାର ଘରୋଇ କ୍ରିକେଟ ଲିଗ୍ SA20 2025ରେ ସେ ଖେଳିବେ ବୋଲି ସ୍ପଷ୍ଟ ହେବା ପରେ ଚର୍ଚ୍ଚାକୁ ଆସିଥିଲେ କାର୍ତ୍ତିକ । ଏବେ ସେ ତାଙ୍କ ପସନ୍ଦର ସର୍ବକାଳୀନ ଭାରତୀୟ କ୍ରିକେଟ୍ ଦଳ ଘୋଷଣା କରି ପୁଣି ଚର୍ଚ୍ଚାକୁ ଆସିଛନ୍ତି । କାରଣ ସେ ତାଙ୍କ ଦଳରେ ପୂର୍ବତନ ଅଧିନାୟକ ଏମଏସ ଧୋନୀଙ୍କୁ ସ୍ଥାନ ଦେଇ ନାହାନ୍ତି ।
Dinesh Karthik's all time India XI (Cricbuzz):
— Mufaddal Vohra (@mufaddal_vohra) August 16, 2024
1. Virender Sehwag.
2. Rohit Sharma.
3. Rahul Dravid.
4. Sachin Tendulkar.
5. Virat Kohli.
6. Yuvraj Singh.
7. Ravindra Jadeja.
8. Ravi Ashwin.
9. Anil Kumble.
10. Jasprit Bumrah.
11. Zaheer Khan. pic.twitter.com/ZLxXeeHFCf
ଡିକେ ବାଛିଲେ ସର୍ବକାଳୀନ ଶ୍ରେଷ୍ଠ ଭାରତୀୟ ପ୍ଲେଇଂ 11 :-
ଟିମ୍ ଇଣ୍ଡିଆର ପୂର୍ବତନ ୱିକେଟ୍-କିପର ଓ ଧୂଆଁଧାର ବ୍ୟାଟର ଦୀନେଶ କାର୍ତ୍ତିକ ତାଙ୍କର ସର୍ବକାଳୀନ ଶ୍ରେଷ୍ଠ ଭାରତୀୟ ଦଳ ଘୋଷଣା କରିଛନ୍ତି । 78 ତମ ସ୍ବାଧୀନତା ଦିବସ ଅବସରରେ ଦୀନେଶ କ୍ରିକବଜ୍ରେ ସମସ୍ତ ଫର୍ମାଟ ପାଇଁ ନିଜ ପସନ୍ଦର 11 ଜଣିଆ ଭାରତୀୟ ଦଳ ଘୋଷଣା କରିଥିଲେ । ତେବେ ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀ ଏବଂ ପୂର୍ବତନ କ୍ରିକେଟର ତଥା ବର୍ତ୍ତମାନର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀରଙ୍କୁ କିନ୍ତୁ ଡିକେ ନିଜ ପସନ୍ଦର ଦଳରେ ସ୍ଥାନ ଦେଇ ନାହାନ୍ତି । ସେ ଭାରତୀୟ କ୍ରିକେଟ୍ ଦଳର ବର୍ତ୍ତମାନର ସିନିୟର ଦଳରୁ 5 ଜଣ ଖେଳାଳିଙ୍କୁ ଚୟନ କରିଛନ୍ତି । ଏଥି ସହିତ ଦ୍ବାଦଶ ଖେଳାଳି ଭାବରେ ସେ ଭେଟେରାନ ସ୍ପିନର ହରଭଜନ ସିଂହଙ୍କୁ ସ୍ଥାନ ଦେଇଛନ୍ତି । ତେବେ ଏହି ପ୍ଲେଇଂ -11 ରେ ସେ ଅଧିନାୟକ ଏବଂ ୱିକେଟ୍ କିପରଙ୍କ ବିଷୟରେ ଉଲ୍ଲେଖ କରିନାହାଁନ୍ତି ।
ସଚିନଙ୍କଠାରୁ କୋହଲିଙ୍କୁ ମିଳିଛି ସ୍ଥାନ :-
ଦୀନେଶ କାର୍ତ୍ତିକ ତାଙ୍କ ଦଳରେ ଓପନିଂ ବ୍ୟାଟର ଭାବରେ ବୀରେନ୍ଦ୍ର ସେହୱାଗ ଏବଂ ରୋହିତ ଶର୍ମାଙ୍କୁ ଚୟନ କରିଛନ୍ତି । ଏମାନଙ୍କ ବ୍ୟତୀତ ରାହୁଲ ଦ୍ରାବିଡ, ସଚିନ ତେନ୍ଦୁଲକର ଏବଂ ବିରାଟ କୋହଲି ତାଙ୍କ ଦଳରେ ରହିଛନ୍ତି । ଡିକେ ଯୁବରାଜ ସିଂ ଏବଂ ରବୀନ୍ଦ୍ର ଜାଡେଜାଙ୍କୁ ଦଳରେ ଅଲରାଉଣ୍ଡର ଭାବରେ ସ୍ଥାନ ଦେଇଛନ୍ତି । ରବିଚନ୍ଦ୍ରନ ଅଶ୍ବିନ ଏବଂ ଅନୀଲ କୁମ୍ବଲେଙ୍କୁ ସ୍ପିନର ଭାବରେ ଦଳରେ ସ୍ଥାନ ଦେଇଥିବାବେଳେ ଯସପ୍ରୀତ ବୁମରା ଏବଂ ଜାହିର ଖାନଙ୍କୁ ଦ୍ରୁତ ବୋଲର ଭାବରେ କାର୍ତ୍ତିକ ନିଜ ପସନ୍ଦର ଦଳରେ ସ୍ଥାନ ଦେଇଛନ୍ତି ।
ଏନେଇ କାର୍ତ୍ତିକ କହିଛନ୍ତି, "ଦଳରେ ଦୁଇଜଣ ଅଲରାଉଣ୍ଡର ରହିବା ଉଚିତ୍ । ତେଣୁ ମୁଁ ଦୁଇଜଣ ସମାନ ଖେଳାଳି ବାଛିଲି । ଦ୍ବାଦଶ ଖେଳାଳି ହେଉଛନ୍ତି ହରଭଜନ । ଗମ୍ଭୀରଙ୍କ ପରି ଆହୁରି ଅନେକ ଖେଳାଳି ଅଛନ୍ତି । କିନ୍ତୁ ସମସ୍ତଙ୍କୁ 11 ଜଣିଆ ଦଳରେ ଅନ୍ତର୍ଭୁକ୍ତ କରିବା ସମ୍ଭବ ନୁହେଁ । ତେଣୁ ଏହା ହେଉଛି ସମସ୍ତ ଫର୍ମାଟରେ ମୋର ସର୍ବୋତ୍ତମ ପ୍ଲେଇଂ 11 ।
ଦୀନେଶ କାର୍ତ୍ତିକଙ୍କର ସର୍ବକାଳୀନ ଶ୍ରେଷ୍ଠ ପ୍ଲେଇଂ 11 :-
ବୀରେନ୍ଦ୍ର ସେହୱାଗ, ରୋହିତ ଶର୍ମା, ରାହୁଲ ଦ୍ରାବିଡ, ସଚିନ ତେନ୍ଦୁଲକର, ବିରାଟ କୋହଲି, ଯୁବରାଜ ସିଂହ, ରବୀନ୍ଦ୍ର ଜାଡେଜା, ରବିଚନ୍ଦ୍ରନ ଅଶ୍ବିନ, ଅନୀଲ କୁମ୍ବଲେ, ଯଶପ୍ରୀତ ବୁମ୍ରା, ଜାହିର ଖାନ
ଦ୍ବାଦଶ ଖେଳାଳି : ହରଭଜନ ସିଂହ
ବ୍ୟୁରୋ ରିପୋର୍ଟ, ଇଟିଭି ଭାରତ
