ଦଳରୁ ବାବର ଆଜମଙ୍କୁ ବାହାର କଲା ପାକିସ୍ତାନ; କୋହଲିଙ୍କ ସହ ତୁଳନା କରୁଥିଲେ ପାକିସ୍ତାନୀ

Babar Azam Dropped : ଇଂଲଣ୍ଡ ବିପକ୍ଷ ଦ୍ବିତୀୟ ଟେଷ୍ଟ ପୂର୍ବରୁ ବାବର ଆଜମ, ଶାହୀନ ଆଫ୍ରିଦି ଓ ନସୀମ ଶାହଙ୍କୁ ଦଳରୁ ବାହାର କଲେ ଚୟନକର୍ତ୍ତା । ଅଧିକ ପଢ଼ନ୍ତୁ

ହାଇଦ୍ରାବାଦ : ଖରାପ ସମୟ ଦେଇ ଗତି କରୁଥିବା ପାକିସ୍ତାନ କ୍ରିକେଟ୍‌ ଦଳରେ ଲଗାତାର ପରିବର୍ତ୍ତନ ଜାରି ରହିଛି । ଦଳ ଗୋଟିଏ ପରେ ଗୋଟିଏ କ୍ରମାଗତ ପରାଜୟର ସମ୍ମୁଖୀନ ହେଉଛି । ଏହି କାରଣରୁ ବୋର୍ଡ ଦେଶରେ କଡ଼ା ସମାଲୋଚନାର ସମ୍ମୁଖୀନ ହେଉଛି । ମୁଲତାନରେ ପ୍ରଥମ ଟେଷ୍ଟରେ ଇଂଲଣ୍ଡ ହାତରେ ପାକିସ୍ତାନର ଲଜ୍ଜାଜନକ ପରାଜୟ ପରେ ପୂର୍ବତନ ଅଧିନାୟକ ବାବର ଆଜମଙ୍କୁ ଦ୍ବିତୀୟ ଟେଷ୍ଟରେ ଦଳରୁ ବାଦ ଦିଆଯାଉଥିବା ଖର ପ୍ରକାଶ ପାଇଛି ।

🚨 BREAKING 🚨

BABAR AZAM DROPPED FROM THE PAKISTAN TEST TEAM...!!!!! pic.twitter.com/GfPfxw3Q28

— Johns. (@CricCrazyJohns) October 13, 2024

ଦଳରୁ ବାଦ ପଡ଼ିଲେ ବାବର :-

ଗତ କିଛି ମାସ ହେବ ବାବର କ୍ରିକେଟ୍‌ର ତିନୋଟିଯାକ ଫର୍ମାଟରେ ବହୁତ ଖରାପ ଫର୍ମରେ ଅଛନ୍ତି । ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟରେ ସେ ବ୍ୟାଟିଂ ପାଇଁ ଅନୁକୂଳ ପିଚ୍‌ ସତ୍ତ୍ବେ ଦୁଇ ପାଳିରେ ସେ ମାତ୍ର 30 ଏବଂ 5 ରନ୍ ସଂଗ୍ରହ କରିଥିଲେ । ତେବେ ମୁଲତାନ ଟେଷ୍ଟରେ ପାକିସ୍ତାନର ପରାଜୟର କିଛି ଘଣ୍ଟା ପରେ ପାକିସ୍ତାନ କ୍ରିକେଟ୍ ବୋର୍ଡ ଏକ ନୂତନ ଚୟନ କମିଟି ଗଠନ କରିଛି, ଯାହା ଦ୍ବିତୀୟ ଟେଷ୍ଟ ପାଇଁ ବାବରଙ୍କୁ ଦଳରୁ ବାଦ ଦେବାକୁ ନିଷ୍ପତ୍ତି ନେଇଛି ।

'ESPNcricinfo'ରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଅଲିମ ଦାର, ଆକିବ ଜାଭେଦ ଏବଂ ଅଜହର ଅଲିଙ୍କୁ ନେଇ ଗଠିତ ନୂଆ ଚୟନ କମିଟି କ୍ରମାଗତ ଖରାପ ପ୍ରଦର୍ଶନ ହେତୁ ପାକିସ୍ତାନର ପୂର୍ବତନ ଅଧିନାୟକ ବାବର ଆଜମଙ୍କୁ ଦଳରୁ ବାହାର କରିଦେବାକୁ ନିଷ୍ପତ୍ତି ନେଇଛି ।

BABAR AZAM DROPPED.

SHAHEEN AFRIDI DROPPED.

NASEEM SHAH DROPPED.

- Pakistan removes Babar, Shaheen and Naseem for the 2nd Test Vs England. pic.twitter.com/i44pIBVVLk

— Mufaddal Vohra (@mufaddal_vohra) October 13, 2024

ଶାହୀନ ଆଫ୍ରିଦି ଓ ନସୀମ ଶାହଙ୍କୁ ବି ବାଦ ଦେଲେ ଚୟନକର୍ତ୍ତା :-

ତେବେ କେବଳ ବାବର ଆଜମ ନୁହେଁ, ଦଳର ଷ୍ଟାର ପେସର ଶାହୀନ ଆଫ୍ରିଦି ଓ ନସୀମ ଶାହଙ୍କୁ ବି ଦ୍ବିତୀୟ ଟେଷ୍ଟ ପୂର୍ବରୁ ଦଳରୁ ବାଦ ଦେଇଛନ୍ତି ଚୟନକର୍ତ୍ତା । ତେବେ ଏହି ଷ୍ଟାର ପାକିସ୍ତାନୀ କ୍ରିକେଟରମାନଙ୍କୁ କେତେ ଦିନ ଦଳରୁ ଦୂରେଇ ରଖାଯିବ ଏବଂ ଜାତୀୟ ଦଳକୁ ଫେରିବା ପାଇଁ ସେମାନଙ୍କୁ ନିଜକୁ ପ୍ରମାଣ କରିବାକୁ ପଡ଼ିବ କି ନାହିଁ ତାହା ମଧ୍ୟ ଜଣା ପଡିନାହିଁ ।

It’s concerning to hear suggestions about dropping Babar Azam. India didn’t bench Virat Kohli during his rough stretch between 2020 and 2023, when he averaged 19.33, 28.21, and 26.50, respectively. If we are considering sidelining our premier batsman, arguably the best Pakistan…

— Fakhar Zaman (@FakharZamanLive) October 13, 2024

ବାବରଙ୍କୁ ପୁଣି କୋହଲିଙ୍କ ସହ ତୁଳନା :-

ତେବେ ପାକିସ୍ତାନରେ ବାବର ଆଜମଙ୍କୁ ବିରାଟ କୋହଲିଙ୍କ ସହ ତୁଳନା କରାଯାଏ । ଅନେକ ସମୟରେ ପାକିସ୍ତାନୀ ବାବର ଆଜମଙ୍କୁ କ୍ରିକେଟର ଅସଲୀ କିଙ୍ଗ୍‌ ବୋଲି ଯୁକ୍ତି କରିଥାନ୍ତି । ହେଲେ ବାବରଙ୍କୁ ଚୟନକର୍ତ୍ତା ଦଳର ବାହାର କରିବା ପରେ ଭାରତୀୟ କ୍ରିକେଟପ୍ରେମୀମାନେ ତାଙ୍କୁ ପ୍ରବଳ ଟ୍ରୋଲ କରୁଛନ୍ତି ।

ଅନ୍ୟପଟେ ଅନ୍ୟତମ ପାକିସ୍ତାନୀ କ୍ରିକେଟର ଫଖର ଜମାନ ବାବରଙ୍କ ସପକ୍ଷରେ ବାହାରିଛନ୍ତି । ସେ 'ଏକ୍ସ'ରେ ଏକ ପୋଷ୍ଟ କରି ଲେଖିଛନ୍ତି, "ବାବର ଆଜାମକୁ ବାଦ ଦେବା ପରାମର୍ଶ ଚିନ୍ତାଜନକ । 2020ରୁ 2023 ମଧ୍ୟରେ ଯେତେବେଳେ ବିରାଟ କୋହଲି ଖରାପ ଫର୍ମ ଦେଇ ଗତି କରୁଥିଲେ ଏବଂ ସେ ଯଥାକ୍ରମେ 19.33, 28.21 ଏବଂ 26.50 ହାରରେ ରନ କରୁଥିଲେ, ସେତେବେଳେ ଭାରତ କୋହଲିଙ୍କୁ ଦଳରୁ ବାହାର କରିନଥିଲା । ଯଦି ଆମେ ଆମର ପ୍ରିମିୟର୍ ବ୍ୟାଟରଙ୍କୁ ପୃଥକ କରିବାକୁ ଚିନ୍ତା କରୁଛୁ, ଯିଏକି ହେଉଛନ୍ତି ପାକିସ୍ତାନ କ୍ରିକେଟର ସର୍ବଶ୍ରେଷ୍ଠ ଅବଦାନ, ଏହା ଦଳ ମଧ୍ୟରେ ଏକ ଗଭୀର ନକାରାତ୍ମକ ବାର୍ତ୍ତା ପଠାଇପାରେ । ଏଭଳି ନିଷ୍ପତ୍ତି ଦବାଇବାକୁ ଏବେ ବି ସମୟ ଅଛି; ଆମର ମୁଖ୍ୟ ଖେଳାଳୀମାନଙ୍କୁ ଦୁର୍ବଳ କରିବା ପରିବର୍ତ୍ତେ ସେମାନଙ୍କୁ ସୁରକ୍ଷା ଦେବା ଉପରେ ଧ୍ୟାନ ଦେବା ଉଚିତ୍ ।"

ଏହା ମଧ୍ୟ ପଢ଼ନ୍ତୁ :-

ବ୍ୟୁରୋ ରିପୋର୍ଟ, ଇଟିଭି ଭାରତ