ଭୁବନେଶ୍ବର: ଜୟ ନାରାୟଣ ମିଶ୍ରଙ୍କ ବିସ୍ଫୋରକ ବୟାନ । "ବିଜେପି ଯେଉଁ ଦିନ ହୁଇସିଲ ଫୁଙ୍କିବ ସେଦିନ ବିଜେଡି ଗୁଣ୍ଡ ଗୁଣ୍ଡ ହୋଇଯିବ । ଯେଉଁଦିନ ଚାହିଁବ ବିଜେଡିକୁ ଖଣ୍ଡ ଖଣ୍ଡ କରିଦେବ । ବିଜେଡିରେ ଗୋଟିଏ ଲୋକ ରହିବେନି, ତାଙ୍କ ଦଳର ମୁଖିଆ ନବୀନ ପଟ୍ଟନାୟକ ମଧ୍ୟ ପଳେଇ ବିଜେପିକୁ ଆସିବେ" ବୋଲି କହିଛନ୍ତି ଜୟନାରାୟଣ ।
ନବୀନ ମଧ୍ୟ ବିଜେପିକୁ ପଳେଇ ଆସିବେ: ଜୟନାରାୟଣ
କିଛିଦିନ ବ୍ୟବଧାନ ପରେ ବିସ୍ଫୋରକ ବୟାନ ଦେଇଛନ୍ତି ବିଜେପି ବିଧାୟକ ଜୟନାରାୟଣ ମିଶ୍ର। ସେ କହିଛନ୍ତି, "ବିଜେଡିରେ ଗୋଟିଏ ଲୋକ ରହିବେନି, ଦଳର ମୁଖିଆ ନବୀନ ପଟ୍ଟନାୟକ ମଧ୍ୟ ବିଜେପିକୁ ପଳେଇ ଆସିବେ । କିଛିଦିନ ତଳେ ବିଜେପି ବିଧାୟକ ସରୋଜ ପାଢୀ ମଧ୍ୟ କହିଥିଲେ, "ବିଜେଡିର ଆଉ କେହି ରହିବେ ନାହିଁ । ବିଧାୟକମାନେ ମେଳି କଲେଣି । କଥା ହେଲେଣି ଯେ ବିଜେଡିର ରହି ଆଉ କିଛି ହେବାର ନାହିଁ । ତେଣୁ ବିଜେପିରେ ସାମିଲ ହେବାକୁ ସ୍ଥିର କଲେଣି ।"
'ଶତ୍ରୁ ବଞ୍ଚିରୁହନ୍ତୁ, ଅପମାନିତ ହୁଅନ୍ତୁ'
ସେହିପରି ଜୟନାରାୟଣ ମିଶ୍ର କହିଛନ୍ତି, ବିଜେପି ଚାହୁଁନି ବିଜେଡି ଭାଙ୍ଗିଯାଉ । ଶତ୍ରୁ ବଞ୍ଚିରୁହନ୍ତୁ, ଅପମାନିତ ହୁଅନ୍ତୁ। ଭଗବାନ କରନ୍ତୁ ତାଙ୍କ ପାଖରେ ଲୋକ ରୁହନ୍ତୁ । ଦଳଟା ଭାଙ୍ଗିଗଲେ ଦୁଃଖ ଲାଗିବ । ଦଳ ଥାଉ, ଦୀର୍ଘଜୀବୀ ହୁଅନ୍ତୁ ଏବଂ ଅପମାନିତ ହୁଅନ୍ତୁ । ମୁଁ ଶତ୍ରୁକୁ ମାରିବାକୁ ଚାହେଁନି । ଜୀବନରେ ମିତ୍ରର ଯେତିକି ଆବଶ୍ୟକତା ଅଛି ଶତ୍ରୁର ମଧ୍ୟ ସେତିକି ଆବଶ୍ୟକତା ଅଛି । ବିଜେପି ଚାହୁଁନି ବିଜେଡ଼ି ଭାଙ୍ଗୁ । ଆମର ଲକ୍ଷ୍ୟ ନୁହେଁ ବିଜେଡିକୁ ଶୂନ କରିବା, ସେମାନେ ଯଦି ଆସିବାକୁ ଚାହିଁବେ ତେବେ ଆମେ ସ୍ୱାଗତ କରିବୁ । ଆମର ରାଜ୍ୟସଭାରେ ଆବଶ୍ୟକତା ଅଛି । ବିଜେପି ଯେଉଁଦିନ ହ୍ବିସିଲ ଫୁଙ୍କିବ ସେଦିନ ବିଜେଡି ଗୁଣ୍ଡ ଗୁଣ୍ଡ ହୋଇଯିବ । ଆଉ ଯେଉଁଦିନ ଚାହିଁବ ବିଜେଡ଼ିକୁ ଖଣ୍ଡ ଖଣ୍ଡ କରିଦେବ, ଗୋଟିଏ ଲୋକ ରହିବେନି । ନବୀନ କ'ଣ କରିବେ ଯଦି ସବୁ ଲୋକ ପଳେଇ ଆସିବେ, ସେ ବି ପଳେଇ ଆସିବେ ।"
ଏହା ବି ପଢନ୍ତୁ...ବିଜେଡିର ଆୟୁଷ କମ, ଦଳର କିଛି ନିୟମ ନାହିଁ: ଜୟନାରାୟଣ
ଏହା ବି ପଢନ୍ତୁ...ନିର୍ଦ୍ବନ୍ଦ୍ବରେ ରାଜ୍ୟସଭା ଯିବେ ସୁଜିତ, ବିଜେପି ବିଧାୟକଙ୍କ ଦମ୍ଭୋକ୍ତି 'ଆଉ ବିଜେଡି ରହିବନି'
ଏହା ବି ପଢନ୍ତୁ...ବିଜେପି ବିଧାୟକଙ୍କ ବିସ୍ଫୋରକ ବୟାନ,'ଦଳରେ ମିଶିବେ ବିଜେଡିର ୨୭ ବିଧାୟକ'
ବିଜେପିର ସାଙ୍ଗଠନିକ ନିର୍ବାଚନ:
ସେହିଭଳି ବିଜେପି ରାଜ୍ୟ ପ୍ରଭାରୀ ବିଜୟପାଲ ସିଂ ଏହି ପ୍ରସଙ୍ଗରେ କହିଛନ୍ତି ,"ବିଜେଡି ବିଧାୟକ ଓ ସାଂସଦମାନେ ବିଜେପି ଯୋଗାଯୋଗରେ ଅଛନ୍ତି । ସୁଜିତ କୁମାର ଆମର ସାଂସଦ ଭାବରେ ରାଜ୍ୟସଭା ଯିବେ।" ଆଗକୁ କିଏ ଆସିବ ପ୍ରଶ୍ନରେ ରାଜ୍ୟ ପ୍ରଭାରୀ କହିଛନ୍ତି, "ବିଜେଡିର ବହୁ ବିଧାୟକ ସାଂସଦ ବିଜେପି ସହିତ ଯୋଗାଯୋଗରେ ଅଛନ୍ତି । ତୋମାର କହିଛନ୍ତି, "ଆମର ସାଙ୍ଗଠନିକ ନିର୍ବାଚନ ଆରମ୍ଭ ହୋଇଛି । ବୁଥ ଓ ମଣ୍ଡଳ ନିର୍ବାଚନ ଚାଲିଛି । ଏହାପରେ ଜିଲ୍ଲା ସଭାପତି ନିର୍ବାଚନ ପରେ ରାଜ୍ୟ ସଭାପତି ବଛାଯିବ । ଆଗାମୀ ମାସରେ ନୂଆ ରାଜ୍ୟ ସଭାପତି ବଛାଯିବେ । ଆମର ଗଣତାନ୍ତ୍ରିକ ଦଳ ଗଣତାନ୍ତ୍ରିକ ଉପାୟରେ ନିର୍ବାଚନ ହୋଇ ସଭାପତି ବଛାଯିବ।"
ଇଟିଭି ଭାରତ, ଭୁବନେଶ୍ବର
