ଢାକା: ସଂରକ୍ଷଣ ବିରୋଧରୁ ଆରମ୍ଭ ଆନ୍ଦୋଳନ ବାଂଲାଦେଶରେ ଭୟଙ୍କର ରୂପ ନେଇଛି । ଶେଖ୍ ହସିନା ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇ ଦେଶ ଛାଡିବା ପରଠୁ ସାରା ଦେଶରେ ହିଂସା, ଲୁଟ୍ପାଟ, ଆକ୍ରମଣ ଜାରି ରହିଛି । ଆଉ ଏହି ହିଂସା ମଧ୍ୟରେ ହିନ୍ଦୁଙ୍କୁ ଟାର୍ଗେଟ କରୁଛନ୍ତି ଆନ୍ଦୋଳନକାରୀ । ବାଂଲାଦେଶରେ ଥିବା ସଂଖ୍ୟାଲଘୁ ସମ୍ପ୍ରଦାୟ ବିଶେଷକରି ହିନ୍ଦୁଙ୍କ ଉପରେ ଆକ୍ରମଣ ହେଉଥିବାର ଖବର ଆସିଛି । ଆନ୍ଦୋଳନକାରୀମାନେ ସେମାନଙ୍କ ଘରେ ପଶି ଭଙ୍ଗାରୁଜା କରିବା ସହିତ ବିଭିନ୍ନ ହିନ୍ଦୁ ମନ୍ଦିରରେ ନିଆଁ ଲଗାଇ ଦେଇଛନ୍ତି । ଯାହାର ଅନେକ ସମ୍ବେଦନଶୀଳ ଚିତ୍ର ଏବେ ସୋସିଆଲ ମିଡିଆରେ ଭାଇରାଲ ହେଉଛି ।
IANS Exclusive
— IANS (@ians_india) August 6, 2024
In an exclusive interview, Charu Chandra Das Brahmachari, General Secretary of ISKCON Bangladesh, discusses the ongoing situation in Bangladesh pic.twitter.com/OPcJWnsXIL
ଏପଟେ IANSକୁ Exclusive ସାକ୍ଷାତକାର ଦେଇ ହିନ୍ଦୁମାନେ ଭୟଭୀତ ବୋଲି କହଛନ୍ତି, ବାଂଲାଦେଶ ISKCON ମୁଖ୍ୟ ସମ୍ପାଦକ ଚାରୁ ଚନ୍ଦ୍ର ଦାସ ବ୍ରହ୍ମଚାରୀ ।
ହିନ୍ଦୁ ମନ୍ଦିର ଜାଳିଲେ ବିକ୍ଷୋଭକାରୀ:
ବାଂଲାଦେଶର ଖୁଲନା ଡିଭିଜନର ମେହେରପୁରଠାରେ ଥିବା ଇସ୍କନ ମନ୍ଦିର ଏବଂ କାଳୀ ମନ୍ଦିର ଉପରେ ଆକ୍ରମଣ ହୋଇଛି । ବିକ୍ଷୋଭକାରୀମାନେ ମନ୍ଦିରରେ ପଶି ଭଙ୍ଗାରୁଜା କରିବା ସହ ନିଆଁ ଲଗାଇ ଦେଇଛନ୍ତି । ଇସ୍କନ ମନ୍ଦିରରେ ଥିବା ମହାପ୍ରଭୁ ଶ୍ରୀଜଗନ୍ନାଥ, ବଳଭଦ୍ର ଓ ଦେବୀ ସୁଭଦ୍ରାଙ୍କ ମୂର୍ତ୍ତି ଜାଳି ଦେବାର ଅତ୍ୟନ୍ତ ହୃଦୟ ବିଦାରକ ଚିତ୍ର ମଧ୍ୟ ସାମ୍ନାକୁ ଆସିଛି ।
My heart is breaking, my eyes are crying. I believe in the power of prayer, I believe God answers prayers. Everybody please say a prayer for the Hindus in Bangladesh. God really does answer prayers. Please pray and help if you can. Tell everybody to pray🙏 #BangladeshViolence pic.twitter.com/N3XRfvfMeT
— Renee Lynn (@Voice_For_India) August 6, 2024
ଏନେଇ ଇସ୍କନ ମୁଖପାତ୍ର ଯୁଧିଷ୍ଠିର ଗୋବିନ୍ଦ ଦାସ କହିଛନ୍ତି, "ମେହେରପୁରଠାରେ ଥିବା ଏକ ଇସ୍କନ ମନ୍ଦିର ଏବଂ ଭିତରେ ଥିବା ଦେବାଦେବୀଙ୍କ ମୂର୍ତ୍ତିକୁ ଜାଳି ଦିଆଯାଇଛି । ଏହି ସମୟରେ ମନ୍ଦିର ଭିତରେ ଥିବା ୩ ଜଣ ଶ୍ରଦ୍ଧାଳୁ ଥିବାବେଳେ କୌଣସି ମତେ ସେମାନେ ସେଠୁ ଖସି ଆସିବାରୁ ଅଳ୍ପକେ ବର୍ତ୍ତି ଯାଇଛନ୍ତି ।'' ସେହିପରି ରବିବାର ରଙ୍ଗପୁର ସିଟି କର୍ପୋରେସନର ଜଣେ ହିନ୍ଦୁ କାଉନସିଲ ହରଧନ ରୟଙ୍କୁ ହତ୍ୟା କରାଯାଇଥିବା ଜଣାପଡିଛି । ଏହି ଘଟଣା ସମ୍ପର୍କରେ ପ୍ରଧାନମନ୍ତ୍ରୀଙ୍କ ଅର୍ଥନୈତିକ ଉପଦେଷ୍ଟା ପରିଷଦର ସଦସ୍ୟ ସଞ୍ଜୀବ ସନୟାଲ ପ୍ରକାଶ କରିଛନ୍ତି ।
#WATCH | Bangladesh: Aftermath of looting and arson at Indira Gandhi Cultural Centre, Dhaka. Violent unrest erupted in the national capital yesterday, 5th August.
— ANI (@ANI) August 6, 2024
(Video Source: Reuters) pic.twitter.com/yObqaEbMtp
ହିନ୍ଦୁ ପ୍ରତିଷ୍ଠାନ ଉପରେ ଆକ୍ରମଣ:
ବାଂଲାଦେଶର ଜଣେ ହିନ୍ଦୁ ସାମାଜିକ କର୍ମୀଙ୍କ ଦ୍ବାରା ଜାରି ଏକ ଭିଡିଓରେ, ପିରୋଜପୁର ଜିଲ୍ଲାରେ ଜଣେ ହିନ୍ଦୁ ମହିଳା ସହାୟତା ପାଇଁ ଆକୁଳ ନିବେଦନ କରୁଥିବାର ଦେଖାଯାଇଛି । ଆଉ ଏକ ଭିଡିଓରେ ନବଗ୍ରହ ବାଡିର ଏକ ମନ୍ଦିରରେ ହିଂସୁକ ଭିଡ ନିଆଁ ଲଗାଉଥିବାର ଦେଖିବାକୁ ମିଳୁଛି । ଯାହାକୁ ନେଇ ବାଂଲାର ହିନ୍ଦୁ ସମୁଦାୟ ଖୁବ୍ ଭୟଭୀତ ଅବସ୍ଥାରେ ରହିଛନ୍ତି ।
ଜାଳିଦେଲେ ଇନ୍ଦିରା ଗାନ୍ଧୀ ସାଂସ୍କୃତିକ କେନ୍ଦ୍ର:
ବାଂଲାଦେଶ ହିନ୍ଦୁ ବୌଦ୍ଧ ଖ୍ରୀଷ୍ଟିଆନ ୟୁନିଟି କାଉନସିଲ 'ଏକ୍ସ'ରେ ଏକ ପୋଷ୍ଟରେ, ହିନ୍ଦୁ ସମୁଦାୟଙ୍କ ଘର, ପ୍ରତିଷ୍ଠାନ ଓ ମନ୍ଦିର ଆଦି ୫୪ଟି ସ୍ଥାନ ଉପରେ ଆକ୍ରମଣ ହୋଇଥିବା ସୂଚନା ଦେଇଛି । ଏହା ମଧ୍ୟରେ ଇନ୍ଦିରା ଗାନ୍ଧୀ ସାଂସ୍କୃତିକ କେନ୍ଦ୍ର ରହିଛି, ଯାହା ଭାରତ ଓ ବାଂଲାଦେଶ ମଧ୍ୟରେ ସାଂସ୍କୃତିକ ବିନିମୟକୁ ପ୍ରୋତ୍ସାହିତ କରେ । ତେବେ ହିନ୍ଦୁ ମନ୍ଦିର ଉପରେ ଏହି ଆକ୍ରମଣ ମଧ୍ୟରେ ବାଂଲାଦେଶର କୁମିଲ୍ଲା ଅଞ୍ଚଳରୁ ଏକ ହୃଦୟସ୍ପର୍ଶୀ ଭିଡିଓ ସାମ୍ନାକୁ ଆସିଛି, ଯେଉଁଠି କିଛି ବାଂଲାଦେଶୀ ମୁସଲିମମାନେ ହିନ୍ଦୁ ମନ୍ଦିର ଆଗରେ ବସି ରହି ଏହାକୁ ସୁରକ୍ଷା ଦେଉଥିବା ଦେଖିବାକୁ ମିଳୁଛି ।
ଏଠାରେ ଉଲ୍ଲେଖଯୋଗ୍ୟ ଯେ, ବାଂଲାଦେଶର ସମୁଦାୟ ଜନସଂଖ୍ୟା ମଧ୍ୟରୁ ୮ ପ୍ରତିଶତ ହେଉଛନ୍ତି ହିନ୍ଦୁ । ୧୯୫୧ରେ ଏହି ହାର ୨୨ ପ୍ରତିଶତ ରହିଥିଲା । ହିନ୍ଦୁ ଆମେରିକାରନ ଫାଉଣ୍ଡେସନ ରିପୋର୍ଟ ଅନୁସାରେ, ୧୯୬୪ରୁ ୨୦୧୩ ମଧ୍ୟରେ ଧାର୍ମିକ ଉତ୍ପୀଡନ କାରଣରୁ ୧୧ ମିଲିୟନରୁ ଅଧିକ ହିନ୍ଦୁ ବାଂଲାଦେଶରୁ ପଳାୟନ କରିଛନ୍ତି ।
