ହାଇଦ୍ରାବାଦ: ଖୁବଶୀଘ୍ର ବାପା ହେବାକୁ ଯାଉଛନ୍ତି ବଲିଉଡର ହ୍ୟାଣ୍ଡସମ ହଙ୍କ୍ ବରୁଣ ଧାୱନ । ଅଭିନେତା ବରୁଣ ଓ ପତ୍ନୀ ନତାଶା ଦଲାଲ ଫ୍ୟାନ୍ସଙ୍କୁ ଜଣାଇଛନ୍ତି ଏହି ଖୁସି ଖବର । ରବିବାର ସୋସିଆଲ ମିଡିଆ ହ୍ୟାଣ୍ଡେଲରେ ଏକ ପୋଷ୍ଟ କରି ଏ ବିଷୟରେ ସେୟାର କରିଛନ୍ତି । ବରୁଣଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏହି ଦମ୍ପତି ନିଜର ଫଟୋ ପୋଷ୍ଟ କରିଛନ୍ତି । ଆଉ କ୍ୟାପସନରେ ଲେଖିଛନ୍ତି 'ୱି ଆର୍ ପ୍ରେଗନେଣ୍ଟ'(We Are Pregnant) । ବରୁଣଙ୍କ ଏହି ପୋଷ୍ଟ ପରେ ଅନେକ ଶୁଭେଚ୍ଛା ଓ ଶୁଭକାମନାର ବାର୍ତ୍ତା ମିଳିଛି । କରଣ ଜୋହର କମେଣ୍ଟ ବକ୍ସରେ ଲେଖିଛନ୍ତି, "ଦୁଇ ଜଣଙ୍କୁ ଅଜସ୍ର ଭଲପାଇବା, ଆମେ ଏହି ପରିବାର ପାଇଁ ଥିବା ଶୁଭ ଖବର ଶୁଣି ବହୁତ ଖୁସି"।
ସେପଟେ ଅଭିନେତା କରଣ ଜୋହର ଲେଖିଛନ୍ତି, "ଆମେ ଆଶା କରୁଛୁ ଯେ ଆପଣ ନମ୍ବର 1 ପିତାମାତା ହୁଅନ୍ତୁ"। ତେବେ ଅଭିନେତା ବରୁଣ ଧାୱନ ଓ ଫ୍ୟାସନ ଡିଜାଇନର ନତାଶା ଦଲାଲ 2021 ମସିହା ଜାନୁଆରୀ 24ରେ ବିବାହ କରିଥିଲେ । କିଛି ବର୍ଷ ଧରି ପରସ୍ପରକୁ ଡେଟିଂ କରିବା ପରେ ସେମାନେ ବିବାହ ନିଷ୍ପତ୍ତି ନେଇଥିଲେ । ବର୍ତ୍ତମାନ ସେମାନେ ସମ୍ପର୍କର ଆଉ ଗୋଟିଏ ପାଦ ଆଗକୁ ଯାଇ ପିତାମାତା ହେବାର ସୌଭାଗ୍ୟ ଅର୍ଜନ କରିବେ ।
ଏହା ମଧ୍ୟ ପଢନ୍ତୁ...ମା' ହେବେ ୟାମୀ ଗୌତମ, 'ଆର୍ଟିକିଲ ୩୭୦' ଟ୍ରେଲର ଲଞ୍ଚ ଇଭେଣ୍ଟରେ ଦେଲେ ଖୁସି ଖବର
ଏହା ମଧ୍ୟ ପଢନ୍ତୁ...ଝିଅର ପ୍ରଥମ ଝଲକ ଦେଖାଇଲେ ରାହୁଲ-ଦିଶା
ଏହା ମଧ୍ୟ ପଢନ୍ତୁ...ଖ୍ରୀଷ୍ଟମାସରେ ଫ୍ୟାନ୍ସଙ୍କୁ ଭେଟି ଦେଲେ ଆଲିଆ-ରଣବୀର, ଝିଅ ରାହାଙ୍କ ଦେଖାଇଲେ ଚେହେରା
ବରୁଣଙ୍କ ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ସେ ଆକ୍ସନ ଫିଲ୍ମ 'ବେବି ଜନ'ରେ ନଜର ଆସିବେ । ବରୁଣ ଧାୱନ ଷ୍ଟାରର ଫିଲ୍ମର ଦମଦାର ଟିଜର ରିଲିଜ କରି ଫିଲ୍ମର ଟାଇଟଲ ଘୋଷଣା କରିଛନ୍ତି ନିର୍ମାତା । ବରୁଣ ଧୱନଙ୍କ ଏହି ଫିଲ୍ମ ନାଁ ପୂର୍ବରୁ 'VD 18' ରହିଥିଲା । ପରେ ଫିଲ୍ମର ଟାଇଟଲ ପରିବର୍ତ୍ତନ କରାଯାଇ 'ବବି ଜନ' ରଖାଯାଇଛି । ତେବେ ମେ ୩୧ ତାରିଖରେ ଏହା ପ୍ରେକ୍ଷାଳୟରେ ରିଲିଜ ହେବ ବୋଲି ଜଣାପଡ଼ିଛି । ଏହାର ଟିଜର ଦେଖିବା ପରେ ଫ୍ୟାନ୍ସ ଉତ୍ସାହର ସହ ଏହି ଫିଲ୍ମ ଦେଖିବାକୁ ଅପେକ୍ଷା କରିଛନ୍ତି । ବଲିଉଡରେ ରାଜ୍ କରୁଥିବା ବରୁଣ ଫ୍ୟାନ୍ସଙ୍କୁ ଦେଇଛନ୍ତି ଖୁସି ଖବର। ଏହା ଜାଣିବା ପରେ ଫ୍ୟାନ୍ସ ମଧ୍ୟ ବରୁଣ ଓ ନତାଶାଙ୍କୁ ଜଣାଇଛନ୍ତି ଶୁଭେଚ୍ଛା।
