ହାଇଦ୍ରାବାଦ: ଭାରତୀୟ ସିନେମାରେ ଏକ ଚଳଚ୍ଚିତ୍ର ପାଇଁ ସର୍ବାଧିକ ଫି ନେଉଥିବା ଅଭିନେତାଙ୍କ ମଧ୍ୟରେ ସାଉଥ ସୁପରଷ୍ଟାର ପ୍ରଭାସ ଏକ ନମ୍ବରରେ ରହିଛନ୍ତି ଏବଂ ସେ ତାଙ୍କ ଚଳଚ୍ଚିତ୍ରର କଲେକ୍ସନରେ ମଧ୍ୟ ଏକ ନମ୍ବରରେ ଅଛନ୍ତି । କେବଳ ଏତିକି ନୁହେଁ ପ୍ରଭାସଙ୍କୁ ପ୍ରଥମ ପାନ-ଇଣ୍ଡିଆ ସୁପରଷ୍ଟାର ଭାବେ ବିବେଚନା କରାଯାଏ । ଆଜି ପ୍ରଭାସ (ଅକ୍ଟୋବର 23) ତାଙ୍କ 45ତମ ଜନ୍ମଦିନ ପାଳନ କରୁଛନ୍ତି । ତେବେ ତାଙ୍କ ଜନ୍ମଦିନ ଅବସରରେ, ଜାଣନ୍ତୁ ପ୍ରଭାସ କିପରି ଏକ ପ୍ୟାନ୍ ଇଣ୍ଡିଆ ସୁପରଷ୍ଟାର ହୋଇଥିଲେ ଏବଂ ବକ୍ସ ଅଫିସରେ ତାଙ୍କ ଚଳଚ୍ଚିତ୍ର କେତେ କଲେକ୍ସନ କରିଛି ।
ପ୍ରଭାସ ଏମିତି ବନିଲେ ପାନ ଇଣ୍ଡିଆ ଷ୍ଟାର୍
ପ୍ରଭାସ 'ବାହୁବଳୀ: ଦ ବିଗନିଂ' ସହ ଜାତୀୟ ତଥା ଆନ୍ତର୍ଜାତୀୟ ସ୍ତରରେ ପ୍ରଶଂସା ସାଉଁଟିବା ସହ ବକ୍ସ ଅଫିସରେ ରେକର୍ଡ ଭାଙ୍ଗିବାରେ ସଫଳତା ହାସଲ କରିଥିଲେ । ଏହା ପରେ ସେ 'ବାହୁବଳୀ ୨: ଦ କନକ୍ଲୁଜନ'ରେ ଏକ ଡବଲ୍ ଭୂମିକା ଗ୍ରହଣ କରିଥିଲେ ଯାହା ବକ୍ସ ଅଫିସରେ ରେକର୍ଡ ଭାଙ୍ଗିବା ସଫଳତା ହାସଲ କରିଥିଲା । 'ବାହୁବଳୀ ୨' ହେଉଛି ଆଜି ପର୍ଯ୍ୟନ୍ତ ସର୍ବାଧିକ ଆୟ କରିଥିବା ଭାରତୀୟ ଚଳଚ୍ଚିତ୍ର । ସେବେଠାରୁ ପ୍ରଭାସ ଏକ ପାନ ଇଣ୍ଡିଆ ତାରକା ଭାବରେ ସ୍ୱୀକୃତି ପାଇଲେ ।
100 କୋଟି ଟଙ୍କା ସହ ଓପନିଂ କରିଥିବା ପ୍ରଭାସଙ୍କ 5ଟି ଚଳଚ୍ଚିତ୍ର
ବାହୁବଳୀ ବ୍ୟତୀତ ପ୍ରଭାସଙ୍କ ଚଳଚ୍ଚିତ୍ର ମଧ୍ୟ ବକ୍ସ ଅଫିସରେ ଭଲ ପ୍ରଦର୍ଶନ କରିଥିଲା, ଯେଉଁଥିରେ ଆକ୍ସନ୍ ଥ୍ରୀଲର ସାହୋ ଏବଂ ସାଲାର: ପାର୍ଟ-1 ଅନ୍ତର୍ଭୁକ୍ତ । ଉଭୟ ଫିଲ୍ମ ସର୍ବାଧିକ ଆୟ କରିଥିବା ଭାରତୀୟ ଚଳଚ୍ଚିତ୍ର । କହିରଖୁଛୁ କି, ପ୍ରଭାସ ହେଉଛନ୍ତି ଏକମାତ୍ର ଅଭିନେତା ଯିଏ 100 କୋଟି ଟଙ୍କା ଓପନିଂ ସହ 5 ଟି ଫିଲ୍ମ ଦେଇଛନ୍ତି । ଯେଉଁଥିରେ ବାହୁବଳୀ 2, ସାହୋ, ସାଲାର, ଆଦିପୁରୁଷ ଏବଂ କଲ୍କି 2898AD ଅନ୍ତର୍ଭୁକ୍ତ । ଗଣମାଧ୍ୟମ ଏବଂ ତାଙ୍କ ପ୍ରଶଂସକମାନେ ପ୍ରଭାସଙ୍କୁ ରିବେଲ ଷ୍ଟାର ଏବଂ ଡାର୍ଲିଂ ନାମରେ ଡାକନ୍ତି । ବର୍ତ୍ତମାନ ପର୍ଯ୍ୟନ୍ତ ପ୍ରଭାସ 20 ରୁ ଅଧିକ ଚଳଚ୍ଚିତ୍ର କରିସାରିଛନ୍ତି।
ଏହା ମଧ୍ୟ ପଢନ୍ତୁ: ପ୍ରଭାସଙ୍କ ଫ୍ୟାନ୍ସଙ୍କୁ ସରପ୍ରାଇଜ୍; 'ଦ ରାଜା ସାବ୍' ନୂଆ ପୋଷ୍ଟର ଆଉଟ୍, ଜନ୍ମଦିନରେ ସାମ୍ନାକୁ ଆସିବ ଖାସ୍ ଝଲକ
ସବୁଠାରୁ ଅଧିକ ଆୟ କରିଥିବା ଟପ୍ ୧୦ଟି ଟଲିଉଡ୍ ଚଳଚ୍ଚିତ୍ର
- ବାହୁବଳୀ 2- 1810 କୋଟି ଟଙ୍କା
- RRR- 1300 କୋଟି ଟଙ୍କା
- କଲ୍କି 2898 AD- 1100 କୋଟି ଟଙ୍କା
- ବାହୁବଲୀ- 650 କୋଟି ଟଙ୍କା
- ସଲାର୍ ଭାଗ 1- 700 କୋଟି ଟଙ୍କା
- ସାହୋ - 439 କୋଟି ଟଙ୍କା
- ଦେବରା: ପାର୍ଟ-1- 408 କୋଟି ଟଙ୍କା (ବର୍ତ୍ତମାନ ପ୍ରେକ୍ଷାଳୟରେ ଜାରି ରହିଛି)
- ପୁଷ୍ପା ଦି ରାଇଜ୍ - 373 କୋଟି ଟଙ୍କା
- ହନୁମାନ
- ଆଦିପୁରୁଷ- 350 କୋଟି ଟଙ୍କା
ଏହା ମଧ୍ୟ ପଢନ୍ତୁ: 'ସ୍ପିରିଟ୍'ରେ ପୋଲିସ ବନିବେ ପ୍ରଭାସ, ଫିଲ୍ମର କାହାଣୀ ଉପରୁ ବି ଉଠିଲା ପରଦା
ଟପ୍ 10ରେ ଏହି ତାରକା
ପ୍ରଭାସଙ୍କ ପରେ ଜୁନିଅର ଏନଟିଆର-ରାମ ଚରଣଙ୍କ ଚଳଚ୍ଚିତ୍ର ଟଲିଉଡର ସର୍ବାଧିକ ଆୟ କରିଥିବା ଚଳଚ୍ଚିତ୍ର ମଧ୍ୟରେ ଅଛି । ଦେବରା ବର୍ତ୍ତମାନ ଥିଏଟରରେ ଜାରି ରହିଛି । ଯାହା ଟପ୍ 10 ତାଲିକାରେ ଏକ ସ୍ଥାନ ସୃଷ୍ଟି କରିସାରିଛି । ଏହିପରି ପ୍ରଭାସ ଶ୍ରେଷ୍ଠ ତାରକା ତାଲିକାରେ ସାଉଥ ଅନେକ ତାରକାଙ୍କୁ ପଛରେ ପକାଇଛନ୍ତି । ପ୍ରଭାସଙ୍କ କଲ୍କି 2898 AD ରେ ଶେଷଥର ଦେଖିବାକୁ ମିଳିଥିବା ବେଳେ ବର୍ତ୍ତମାନ ତାଙ୍କ ଆଗାମୀ ଚଳଚ୍ଚିତ୍ରଗୁଡ଼ିକ ହେଉଛି ସ୍ପିରିଟ, କନ୍ନପ୍ପା, ଦ ରାଜା ସାବ, ସାଲାର୍ ପାର୍ଟ 2 ।
ବ୍ୟୁରୋ ରିପୋର୍ଟ, ଇଟିଭି ଭାରତ
