ହାଇଦ୍ରାବାଦ: ଅଭିନେତ୍ରୀ ମଲାଇକା ଆରୋରା ଏବଂ ଗାୟକ ହିମେଶ ରେଶମିଆଙ୍କ ବାପାଙ୍କ ଦେହାନ୍ତ ଖବର ଏପର୍ଯ୍ୟନ୍ତ ମନରୁ ଲିଭିନଥିବା ବେଳେ ସାଉଥ ସିନେ ଜଗତରୁ ଆଉ ଏକ ଦୁଃଖଦ ଖବର ଆସିଛି । ବର୍ତ୍ତମାନ ଦୁନିଆକୁ ଅଲବିଦା କହିଛନ୍ତି ମାଲାୟାଲମ୍ ଚଳଚ୍ଚିତ୍ର ଇଣ୍ଡଷ୍ଟ୍ରିର ଭେଟେରାନ ଅଭିନେତ୍ରୀ କାବିୟୁର ପୋନ୍ନମ୍ମା । କାବିୟୁର ପୋନମ୍ମା ଦୀର୍ଘ ସମୟ ଧରି କର୍କଟ ରୋଗରେ ଚିକିତ୍ସିତ ହେଉଥିବା ବେଳେ ଗତକାଲି ସନ୍ଧ୍ୟାରେ ତାଙ୍କର ମୃତ୍ୟୁ ହୋଇଛି । ତେବେ ତାଙ୍କ ଦେହାନ୍ତରେ ପରିବାର ଏବଂ ଫିଲ୍ମ ଇଣ୍ଡଷ୍ଟ୍ରିରେ ଶୋକର ଛାୟା ଖେଳିଯାଇଛି । ମୁଖ୍ୟମନ୍ତ୍ରୀ ସମେତ ବିଭିନ୍ନ ସେଲିବ୍ରିଟି ସୋସିଆଲ ମିଡିଆ ଜରିଆରେ ତାଙ୍କୁ ଶ୍ରଦ୍ଧାଞ୍ଜଳୀ ଜଣାଇଛନ୍ତି ।
An important chapter in Malayalam cinema comes to a close with the passing of Kaviyoor Ponnamma, who embodied the essence of motherhood on screen for decades. Her effortless portrayals of Malayali women have left an indelible mark on our collective memory. Heartfelt condolences… pic.twitter.com/obEkqtezMq
— Pinarayi Vijayan (@pinarayivijayan) September 20, 2024
ଆରପାରିରେ କାବିୟୁର ପୋନମ୍ମା
ରିପୋର୍ଟ ଅନୁସାରେ, ଗତ ମେ' ମାସରେ କାବିୟୁର ପୋନମ୍ମା କର୍କଟ ରୋଗରେ ଆକ୍ରାନ୍ତ ହୋଇଥିବା ଜଣାଇବାକୁ ପାଇଥିଲେ । ପରୀକ୍ଷଣରୁ ଜଣାପଡିଥିଲା ଯେ ଅଭିନେତ୍ରୀ 4ର୍ଥ ଷ୍ଟେଜରେ କର୍କଟ ରୋଗରେ ପୀଡିତ ଅଛନ୍ତି । ସେବେଠାରୁ ତାଙ୍କ ଚିକିତ୍ସା ଜାରି ରହିଥିଲା । ତାଙ୍କ ଅବସ୍ଥା ବିଗିଡିଯିବା ପରେ ସେପ୍ଟେମ୍ବର 3 ରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ତେବେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।
ଆଜି ଅନ୍ତିମ ସଂସ୍କାର
ଆଜି ମାଲାୟାଲମ୍ ଅଭିନେତ୍ରୀ କାବିୟୁର ପୋନମ୍ମାଙ୍କ ଅନ୍ତିମ ସଂସ୍କାର କରାଯିବ । ଅନ୍ତିମ ସଂସ୍କାର ଅପରାହ୍ନ 4 ଟା ସମୟରେ ଆଲୁଭା କରିମାଲୁରର ବାସଭବନରେ ହେବ । ସକାଳ 9 ଟାରୁ 12 ଟା ପର୍ଯ୍ୟନ୍ତ କଲାମାସେରି ଟାଉନ ହଲରେ ତାଙ୍କର ଶେଷ ଦର୍ଶନ କରିବେ ଲୋକେ । ମାମୁତି, ମୋହନଲାଲ ଏବଂ ଅନ୍ୟାନ୍ୟ ସେଲିବ୍ରିଟି ଏବଂ ନେତା ତାଙ୍କୁ ଟାଉନ ହଲରେ ଶେଷ ଶ୍ରଦ୍ଧାଞ୍ଜଳି ଅର୍ପଣ କରିବେ ।
ଏହା ମଧ୍ୟ ପଢନ୍ତୁ: ଦୁନିଆକୁ ଅଲବିଦା କହିଲେ ହିମେଶ ରେଶମିଆଙ୍କ ବାପା ବିପିନ ରେଶମିଆ
1000 ଫିଲ୍ମରେ କାମ କରିଛନ୍ତି କାବିୟୁର
2011ରେ କାବିୟୁରଙ୍କ ସ୍ୱାମୀଙ୍କର ମୃତ୍ୟୁ ହୋଇଥିଲା ଏବଂ ତାଙ୍କର ଏକ ଝିଅ ଅଛି ଯିଏ ଆମେରିକାରେ ରୁହନ୍ତି । କାବିୟୁର ପୋନମ୍ମା 1960 ମସିହାରେ ଅଭିନେତ୍ରୀ ଭାବେ ଅଭିନୟ କ୍ୟାରିଅର ଆରମ୍ଭ କରିଥିଲେ । ତାଙ୍କର ଚମତ୍କାର ଅଭିନୟ ଆଧାରରେ ସେ ଦୀର୍ଘ ଦଶନ୍ଧି ଧରି ସାଉଥ ସିନେମାର ରାଜ୍ କରିଥିଲେ । ଏହି ଅବଧି ମଧ୍ୟରେ, ସେ ସମସ୍ତ ଭାଷା ସମେତ ପ୍ରାୟ 1000 ଚଳଚ୍ଚିତ୍ରରେ ଅଭିନୟ କରି ଲୋକପ୍ରିୟତା ହାସଲ କରିଛନ୍ତି । ସେ 'ମା' ଚରିତ୍ରରେ ଲୋକଙ୍କ ମନ ଜିତିଥିଲେ । ସେ ମାମୁତି, ମୋହନଲାଲ, ସୁରେଶ ଗୋପୀ ଏବଂ ଅନ୍ୟମାନଙ୍କ ପରି ଲୋକପ୍ରିୟ ଅଭିନେତାମାନଙ୍କ ପାଇଁ ‘ମାତା’ ଅଭିନୟ କରିଛନ୍ତି ।
ଏହା ମଧ୍ୟ ପଢନ୍ତୁ: ଚରମ ନିଷ୍ପତ୍ତି ନେଲେ ମଲାଇକାଙ୍କ ବାପା ଅନୀଲ ମେହେତା, କାରଣ ଅସ୍ପଷ୍ଟ
ବ୍ୟୁରୋ ରିପୋର୍ଟ, ଇଟିଭି ଭାରତ
