ହାଇଦ୍ରାବାଦ: ବଲିଉଡ ଅଭିନେତ୍ରୀ ମଲାଇକା ଆରୋରାଙ୍କ ଉପରେ ଦୁଃଖର ବାଦଲ । ଆଜି ସକାଳେ ଅଭିନେତ୍ରୀଙ୍କ ବାପା ଅନୀଲ ମେହେତାଙ୍କ ଦେହାନ୍ତ ହୋଇଛି । ଅନୀଲ ଆରୋରା ଜୀବନ ହାରିଛନ୍ତି । ହେଲେ ଅନୀଲ ମେହେତାଙ୍କ ମୃତ୍ୟୁ ଏକ ଦୁର୍ଘଟଣା ନା ପ୍ରକୃତରେ ଏହା ଏକ ଆତ୍ମହତ୍ୟା ଜନିତ ମୃତ୍ୟୁ ସେନେଇ ପ୍ରଶ୍ନବାଚୀ ଥିବା ବେଳେ ବର୍ତ୍ତମାନ ମୁମ୍ବାଇ ପୋଲିସ ଏହା ଏକ ଆତ୍ମହତ୍ୟା ଜନିତ ମୃତ୍ୟୁ ବୋଲି ପ୍ରାଥମିକ ତଦନ୍ତରୁ ଜଣାପଡିଥିବା କହିଛି । ସେପଟେ ଏପରି ଦୁଃଖଦ ସମୟରେ ପୂର୍ବତନ ବୋହୂ ମଲାଇକାଙ୍କ ସହ ଛିଡା ହୋଇଛନ୍ତି ପୁରା ଖାନ ପରିବାର । ଏହି ଖବର ଶୁଣିବା ପରେ ଅରବାଜ ଖାନ ଏବଂ ତାଙ୍କ ଫ୍ୟାମିଲି ମଲାଇକାଙ୍କ ଘରେ ପହଞ୍ଚିଛନ୍ତି ।
#WATCH | DCP Zone 9, Raj Tilak Roshan says, " body of one anil mehta was found. he resided on the 6th floor. we are carrying out further investigation and our team is here. we are investigating all angles in detail. our teams are here, forensic teams are here as well...body is… https://t.co/KiCoOmjZQ8 pic.twitter.com/PsYhjUwSCt
— ANI (@ANI) September 11, 2024
ଜୀବନ ହାରିଛନ୍ତି ଅନୀଲ ଆରୋରା
ମୁମ୍ୱାଇ ଜୋନ-9 ଡିସିପି ରାଜ ତିଲକ ରୋଶନ କହିଛନ୍ତି, ''ଅନୀଲ ମେହେତାଙ୍କ ମୃତଦେହ ମିଳିଛି । ସେ ଷଷ୍ଠ ମହଲାରେ ରହୁଥିଲେ । ଆମେ ବିସ୍ତୃତ ଭାବରେ ଯାଞ୍ଚ କରୁଛୁ, ଆମର ଟିମ ଏଠାରେ ଉପସ୍ଥିତ ରହିଛନ୍ତି । ଆମେ ସବୁ ଦିଗରୁ ବିସ୍ତୃତ ଭାବରେ ଯାଞ୍ଚ କରୁଛୁ । ଆମର ଟିମ ଏବଂ ଫୋରେନସିକ୍ ଟିମ୍ ଏଠାରେ ଉପସ୍ଥିତ ଅଛନ୍ତି । ମୃତଦେହକୁ ପୋଷ୍ଟମର୍ଟମ ପାଇଁ ପଠାଯାଇଛି । ଆମେ ସମସ୍ତ ବିବରଣୀ ଉପରେ କାର୍ଯ୍ୟ କରୁଛୁ । ପ୍ରାଥମିକ ତଦନ୍ତରୁ ଏହା ଆତ୍ମହତ୍ୟା ମାମଲା ପରି ଜଣାପଡିଛି । ଘଟଣାର ଆମେ ଅଧିକ ତଦନ୍ତ ଜାରି ରଖିଛୁ ।''
ମଲାଇକାଙ୍କ ଘରେ ପହଞ୍ଚିଲେ ଖାନ ପରିବାର
ସେପଟେ ମଲାଇକାଙ୍କ ବାପାଙ୍କ ଦେହାନ୍ତ ଖବର ଶୁଣି ପୂର୍ବତନ ସ୍ୱାମୀ ଅରବାଜ ଖାନ ଏବଂ ପୁରା ଖାନ ପରିବାର ତାଙ୍କ ଘରକୁ ପହଞ୍ଚିଛନ୍ତି । ପ୍ରଥମେ ଅରବାଜ ଖାନ ମଲାଇକାଙ୍କ ଘରେ ପହଞ୍ଚିଥିବା ବେଳେ ପରେ ପୁଅଙ୍କ ସହ ସୋହେଲ ଖାନ, ସଲିମ ଖାନ, ସୁଶୀଲା ଚରକ ଏବଂ ମଲାଇକା ଓ ଅରବାଜଙ୍କ ପୁଅ ଅରହାନ ଖାନ ମଲାଇକା ଘର ବାହାରେ ନଜର ଆସିଛନ୍ତି । ପରେ ପରେ ସୈଫ ଅଲ୍ଲି ଖାନ, କରୀନା କପୁର ଖାନ ଏବଂ ଅନ୍ୟନ୍ୟା ପାଣ୍ଡେଙ୍କ ଚଙ୍କି ପାଣ୍ଡେ ମଧ୍ୟ ମଲାଇକାଙ୍କ ଘରେ ପହଞ୍ଚିଛନ୍ତି । କହିରଖୁଛୁ କି, ପୂର୍ବରୁ ରୁମର ବୟଫ୍ରେଣ୍ଡ ଅର୍ଜୁନ କପୁର ମଧ୍ୟ ମଲାଇକାଙ୍କ ଘରେ ପହଞ୍ଚିଛନ୍ତି ।
ଏହା ମଧ୍ୟ ପଢନ୍ତୁ: ଚରମ ନିଷ୍ପତ୍ତି ନେଲେ ମଲାଇକାଙ୍କ ବାପା ଅନୀଲ ଆରାରୋ, କାରଣ ଅସ୍ପଷ୍ଟ
ଅନୀଲ ମେହେତାଙ୍କ ଆତ୍ମହତ୍ୟା ଜନିତ ମୃତ୍ୟୁର କାରଣ ଅସ୍ପଷ୍ଟ
ସୂଚନା ଅନୁସାରେ, ଆଜି ସକାଳ 9 ଟା ସମୟରେ ବାନ୍ଦ୍ରା ସ୍ଥିତ ଘରେ ଜୀବନ ହାରିଛନ୍ତି ଅନୀଲ ମେହେତା । ତେବେ ଆତ୍ମହତ୍ୟା ଜନିତ ମୃତ୍ୟୁର କାରଣ ଅସ୍ପଷ୍ଟ । ମୁମ୍ବାଇ ପୋଲିସ କହିଛି ଯେ ଘଟଣାସ୍ଥଳରେ କୌଣସି ଆତ୍ମହତ୍ୟା ନୋଟ୍ ମିଳିନାହିଁ । ତେବେ ସେ କେଉଁ କାରଣରୁ ଏଭଳି ନିଷ୍ପତ୍ତି ନେଲେ ତାହାର କାରଣ ସ୍ପଷ୍ଟ ହୋଇନାହିଁ । ଏଣୁ ତଦନ୍ତ ପରେ ହିଁ କାରଣ ଜଣାପଡିବ ବୋଲି କହିଛି ପୋଲିସ ।
ଏହା ମଧ୍ୟ ପଢନ୍ତୁ: ଆରପାରିରେ ମଲାଇକା ଆରୋରାଙ୍କ ବାପା, ରୁମର୍ ଗାର୍ଲଫ୍ରେଣ୍ଡଙ୍କ ଘରେ ପହଞ୍ଚିଲେ ଅର୍ଜୁନ କପୁର
ବ୍ୟୁରୋ ରିପୋର୍ଟ, ଇଟିଭି ଭାରତ
