ହାଇଦ୍ରାବାଦ: ସନ୍ଧ୍ୟା ଥିଏଟର ଦଳାଚକଟା ମାମଲାରେ ଅଲ୍ଲୁ ଅର୍ଜୁନଙ୍କୁ ଶୁକ୍ରବାର ଦିନ ଗିରଫ କରାଯାଇଥିଲା । ହାଇକୋର୍ଟଙ୍କ ଜାମିନ ପ୍ରଦାନ ସତ୍ତ୍ୱେ ଜେଲରେ ରାତି କାଟିଥିଲେ ଅଭିନେତା । ବର୍ତ୍ତମାନ ଶନିବାର, ଆଜି ସକାଳେ ଜେଲରୁ ଅଭିନେତାଙ୍କୁ ମୁକୁଳିଛନ୍ତି । ବର୍ତ୍ତମାନ ଘଟଣା ନେଇ ଅଭିନେତାଙ୍କ ପ୍ରଥମ ପ୍ରତିକ୍ରିୟା ସାମ୍ନାକୁ ଆସିଛି । ସେ ଏନେଇ ଦୁଃଖ ପ୍ରକାଶ କରିବା ସହ ସେ ପୀଡିତାଙ୍କ ପରିବାର ସମ୍ପର୍କରେ ଏକ ବିବୃତ୍ତି ଦେଇଛନ୍ତି ।
'ମୁଁ 20 ବର୍ଷ ହେଲାଣି...'
ଗଣମାଧ୍ୟମ ସହ କଥାବାର୍ତ୍ତା କରି ଅଲ୍ଲୁ ଅର୍ଜୁନ କହିଛନ୍ତି, 'ଫ୍ୟାନ୍ସଙ୍କ ଭଲପାଇବା ଏବଂ ସମର୍ଥନ ପାଇଁ ଧନ୍ୟବାଦ । ମୁଁ ଭଲ ଅଛି ଏବଂ ଚିନ୍ତା କରିବାର କିଛି ନାହିଁ । ଘଟିଥିବା ଦୁର୍ଘଟଣା ଅତ୍ୟନ୍ତ ଦୁଃଖଦ । ଏହା ହେବାର ନଥିଲା । ତଦନ୍ତରେ ମୁଁ ପୋଲିସକୁ ସମ୍ପୂର୍ଣ୍ଣ ସାହାଯ୍ୟ କରିବି । ଏହା ଏକ ଦୁର୍ଘଟଣା । ସେଠାରେ, ମୋ ଅଧୀନରେ କିଛି ନଥିଲା । ଯାହା ଘଟିଲା ସେଥିପାଇଁ ଦୁଃଖିତ । ମୁଁ 20 ବର୍ଷରୁ ଅଧିକ ସମୟ ଧରି ପ୍ରେକ୍ଷାଳୟକୁ ଯାଉଛି ଏବଂ ଏହିପରି କୌଣସି ଜିନିଷର ସମ୍ମୁଖୀନ ହୋଇନାହିଁ । ଏହା ଏକ ଅପ୍ରତ୍ୟାଶିତ ଏବଂ ଦୁର୍ଭାଗ୍ୟଜନକ ଘଟଣା ଥିଲା । "
#WATCH | Hyderabad | Actor Allu Arjun says, “…We are extremely sorry for the family. I will personally be there to help them in whatever way possible. I was inside the theatre watching a movie with my family and the accident happened outside. It has no direct connection with me.… pic.twitter.com/CJxd2JMxVK
— ANI (@ANI) December 14, 2024
'ମୁଁ ଯେତେ ସମ୍ଭବ, ପୀଡିତାଙ୍କ ପରିବାରକୁ ସାହାଯ୍ୟ କରିବି'
ଅଲ୍ଲୁ ଅର୍ଜୁନ ଆହୁରି କହିଛନ୍ତି, ''ମୋର କୌଣସି ଉଦ୍ଦେଶ୍ୟ ନଥିଲା ଯେ ସେଠାରେ ଏହିପରି କିଛି ଘଟିବା ଉଚିତ୍ । ମୃତ୍ୟୁ ହୋଇଥିବା ମହିଳାଙ୍କ ପରିବାର ଦ୍ୱାରା ହୋଇଥିବା କ୍ଷତି ପୂରଣ ହୋଇପାରିବ ନାହିଁ । କିନ୍ତୁ ଯେତେ ସମ୍ଭବ ମୁଁ ପୀଡିତାଙ୍କ ପରିବାରକୁ ସାହାଯ୍ୟ କରିବି । ପୁଣି ଥରେ ମୁଁ ଏହି ଲୋକମାନଙ୍କୁ ଧନ୍ୟବାଦ ଦେବାକୁ ଚାହେଁ ଯେଉଁମାନେ ମୋତେ ଏହି କଠିନ ସମୟରେ ସମର୍ଥନ କରିଥିଲେ । ମୁଁ ଜଣେ ଆଇନ ମାନୁଥିବା ନାଗରିକ, ଏବଂ ମୁଁ ନ୍ୟାୟ ଉପରେ ବିଶ୍ୱାସ କରେ । ମୁଁ ଭଲ ଅଛି । କେହି ଚିନ୍ତା କରିବା ଉଚିତ୍ ନୁହେଁ । ମୁଁ ବର୍ତ୍ତମାନ ପର୍ଯ୍ୟନ୍ତ ମୋର ମନ୍ତବ୍ୟ ସଂରକ୍ଷଣ କରିବି କାରଣ ମୁଁ ଅନୁସନ୍ଧାନରେ ହସ୍ତକ୍ଷେପ କରିବାକୁ ଚାହୁଁ ନାହିଁ ।"
ଏହା ମଧ୍ୟ ପଢନ୍ତୁ: ଜେଲରୁ ବାହାରିଲେ ଅଲ୍ଲୁ ଅର୍ଜୁନ, ଜାମିନ ପରେ ବି ହେପାଜତରେ କାଟିଲେ ରାତି
❤️❤️ #AlluArjun pic.twitter.com/8aXyoxzq5c
— Sai Mohan 'NTR' (@Sai_Mohan_999) December 14, 2024
ଅଲ୍ଲୁ ଅର୍ଜୁନଙ୍କୁ ଦେଖି ଭାବୁକ ହେଲେ ପରିବାର
ଶନିବାର ସକାଳେ ଅଲ୍ଲୁ ଅର୍ଜୁନ ଘରକୁ ଫେରିବା ପରେ ତାଙ୍କ ପତ୍ନୀ ଅଲ୍ଲୁ ସ୍ନେହା ରେଡ୍ଡୀ ଭାବପ୍ରବଣ ହୋଇଥିଲେ । X (ପୂର୍ବରୁ ଟ୍ୱିଟର) ରେ ସେୟାର ହୋଇଥିବା ଏକ ଭିଡିଓରେ ସ୍ନେହା ସେମାନଙ୍କ ପିଲାମାନଙ୍କ ସହି ବାହାରେ ଅପେକ୍ଷା କରିଥିବା ଦେଖିବାକୁ ମିଳିଛି । ଅଲ୍ଲୁ ଅର୍ଜୁନ ତାଙ୍କ ନିକଟକୁ ଆସିବା କ୍ଷଣି ସ୍ନେହା ତାଙ୍କୁ ଆଲିଙ୍ଗନ କରିଛନ୍ତି । ସ୍ନେହାଙ୍କ କାନ୍ଦୁଥିବାର ନଜର ଆସିଥିଲେ । ଝିଅ ମଧ୍ୟ ବାପାଙ୍କୁ ଦେଖି ଇମେସନାଲ ହୋଇଥିଲେ ।
ଅଲ୍ଲୁ ଅର୍ଜୁନଙ୍କ ସମର୍ଥନରେ ସେଲିବ୍ରିଟି
ଅଲ୍ଲୁ ଅର୍ଜୁନଙ୍କ ଗିରଫଦାରୀ ଘଟଣା ଏବେ ସାରା ଦେଶରେ ଆତଙ୍କ ସୃଷ୍ଟି କରିଛି । ସୁପରଷ୍ଟାରଙ୍କ ଗିରଫକୁ ନେଇ ଫ୍ୟାନ୍ସ ସମେତ ସେଲିବ୍ରିଟି ଦୃଢ ବିରୋଧ କରିବା ସହ ଅଲ୍ଲୁ ଅର୍ଜୁନଙ୍କ ସମର୍ଥନରେ ଆଗେଇ ଆସିଛନ୍ତି । ସୋସିଆଲ ମିଡିଆରେ ବଲିଉଡରୁ ସାଉଥ ସେଲିବ୍ରିଟି ଗିରପଦାରୀକୁ ନିନ୍ଦା କରିବା ସହ ନିଜ ପ୍ରତିକ୍ରିୟା ଦେଇଛନ୍ତି । ବଲିଉଡ ନିର୍ମାତା ଭିପୁଲ ଅମୃତ ଶାହା, ଅଭିନେତା ରଜା ମୁରାଦଙ୍କ ଠାରୁ ଆରମ୍ଭ କରି ସାଉଥ ତାରକା ରଶ୍ମିକା ମନ୍ଦାନା, ନାନୀ ସମସ୍ତେ ଅଲ୍ଲୁ ଅର୍ଜୁନଙ୍କ ସମର୍ଥନ କରିଛନ୍ତି ।
ଏହା ମଧ୍ୟ ପଢନ୍ତୁ: ଅଲ୍ଲୁ ଅର୍ଜୁନଙ୍କ ଗିରଫକୁ ସେଲିବ୍ରିଟିଙ୍କ ବିରୋଧ, କହିଲେ 'ଆଇନ ସମସ୍ତଙ୍କ ପାଇଁ ସମାନ ହେଉ'
ସୂଚନା ଥାଉ କି, ସ୍ଥାନୀୟ କୋର୍ଟ ତାଙ୍କୁ 14 ଦିନିଆ ହେପାଜତକୁ ପଠାଇବା ପରେ ଅଭିନେତା ଏକ ରାତି ନ୍ୟାୟିକ ହେପାଜତରେ ରହିଥିଲେ, କିନ୍ତୁ ତେଲେଙ୍ଗାନା ହାଇକୋର୍ଟ ତାଙ୍କୁ ଅନ୍ତରୀଣ ଜାମିନ ପ୍ରଦାନ କରିଥିଲେ। 50,000 ଟଙ୍କା ବ୍ୟକ୍ତିଗତ ଭାବେ ପ୍ରଦାନ କରିବା ପରେ ସେ ଜାମିନ ପାଇଥିଲେ । ତାଙ୍କର ମୁକ୍ତି ତାଙ୍କ ପ୍ରଶଂସକ, ପରିବାର ଏବଂ ସହକର୍ମୀମାନେ ପାଳନ କରିଥିଲେ ଯେଉଁମାନେ ତାଙ୍କୁ କଷ୍ଟ ସମୟରେ ତାଙ୍କୁ ସମର୍ଥନ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
