ନୂଆଦିଲ୍ଲୀ: ଚଳିତ ଲୋକସଭା ନିର୍ବାଚନରେ ବିଜେପି ଦୁଇ ପ୍ରମୁଖ ସହଯୋଗୀ ଦଳର ସମର୍ଥନରେ କେନ୍ଦ୍ରରେ କ୍ଷମତାର ତୃତୀୟ ପାଳି ଆରମ୍ଭ କରିଛି । ଏକକ ବହୁମତଠାରୁ ପଛରେ ଥିବା ଭାରତୀୟ ଜନତା ପାର୍ଟି ସରକାର ଗଠନ କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲା ଆନ୍ଧ୍ର ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କ ତେଲଗୁ ଦେଶମ ପାର୍ଟି (ଟିଡିପି) ଓ ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ନେତୃତ୍ବାଧୀନ ସଂଯୁକ୍ତ ଜନତା ଦଳ (ଜେଡିୟୁ) ।
#WATCH | On allocation for Bihar in #UnionBudget2024, Bihar CM Nitish Kumar says, " ...i have continuously spoken for this (special status), i told them as well (nda). i told them to give us either a special status or a special package...as a follow-up, they have announced aid for… pic.twitter.com/Flsl5EMtHm
— ANI (@ANI) July 23, 2024
ତେବେ ଆଜି ମୋଦି ସରକାରର ତୃତୀୟ ପାଳିର ପ୍ରଥମ ପୂର୍ଣ୍ଣାଙ୍ଗ ବଜେଟରେ ନିର୍ବାଚନୀ ଫଳାଫଳର ଛାପ ସହ ଉଭୟ ନେତାଙ୍କ ଦବଦବା ସ୍ପଷ୍ଟ ଦେଖିବାକୁ ମିଳିଛି । ବଜେଟରେ ହାତଖୋଲା ଅନୁଦାନ ପାଇଛନ୍ତି ଉଭୟ ରାଜ୍ୟ । ବିହାରକୁ ଭିତ୍ତିଭୂମି ଓ ବନ୍ୟା ନିୟନ୍ତ୍ରଣ ପାଇଁ ମିଳିଛି ପ୍ରାୟ 59ହଜାର କୋଟିର ଅନୁଦାନ । ସେହିପରି ଚନ୍ଦ୍ରବାବୁ ମଧ୍ୟ ରେକର୍ଡ ପରିମାଣାର ଅନୁଦାନ ହାତେଇଛନ୍ତି । ଏକାଧିକ ଭିତ୍ତିଭୂମି ପ୍ରକଳ୍ପ ସହ ଆନ୍ଧ୍ର ହାତେଇଛି 15 ହଜାର କୋଟିର ଅନୁଦାନ ରାଶି ।
କେତେ ପାଇଲେ ନୀତିଶ ?
ଦୀର୍ଘବର୍ଷ ଧରି ବିହାରର ସ୍ବତନ୍ତ୍ର ରାଜ୍ୟ ପାହ୍ୟା ଦାବିକୁ ମୋଦି ସରକାର ଗ୍ରହଣ କରୁନଥିଲା । ମାତ୍ର ବଜେଟରେ ଅନୁଦାନ ରାଶିକୁ ଦେଖିଲେ, ଅଘୋଷିତ ଭାବେ ନୀତିଶଙ୍କ ଦାବି ପୂରଣ ହୋଇଥିବା ପରି ଅନୁମାନ ହେଉଛି । ବିହାରରେ ଏକାଧିକ ଭିତ୍ତିଭୂମି ପ୍ରକଳ୍ପ ଓ ବନ୍ୟା ନିୟନ୍ତ୍ରଣ ବାବଦକୁ ମିଳିଛି ମୋଟ 59 ହଜାର କୋଟିର ପ୍ରକଳ୍ପ । ପାଟନା-ପୁନିଆ ଏକ୍ସପ୍ରେସଓ୍ବେ, ବକ୍ସରରେ ଗଙ୍ଗାନଦୀ ଉପରେ 2 ଲେନ ବିଶିଷ୍ଟ ଦୁଇଟି ପୋଲ ନିର୍ମାଣ, ଗୟାରେ ଇଣ୍ଡଷ୍ଟ୍ରିଆଲ ହବ, ଭାଗଲପୁରରେ 2400 ମେଗାଓ୍ବାଟର ବୃହତ୍ତ ପାଓ୍ବାର ପ୍ରୋଜେକ୍ଟ, ଏକାଧିକ ନୂଆ ବିମାନ ବନ୍ଦର, ମେଡିକାଲ କଲେଜ ଓ କ୍ରୀଡା ଭିତ୍ତିଭୂମି ପ୍ରମୁଖ ଏହି ଅନୁଦାନ ରାଶି ମଧ୍ୟରେ ରହିଛି । ଯାହାର ମୋଟ ବ୍ୟବବରାଦ ରହିଛି ପ୍ରାୟ 59 ହଜାର କୋଟି ।
Andhra Pradesh CM N Chandrababu Naidu tweets " on behalf of the people of andhra pradesh, i thank the pm
— ANI (@ANI) July 23, 2024
modi and union finance minister nirmala sitharaman, for recognising the needs of our state and focusing on a capital, polavaram, industrial nodes and development of backward… pic.twitter.com/ylF9eixIHe
ଆନ୍ଧ୍ରକୁ କେତେ ?
ସେହିପରି ଆନ୍ଧ୍ର ପ୍ରଦେଶର ପ୍ରସ୍ତାବିତ ରାଜଧାନୀ ଅମରାବତୀ ଟାଉନସିପର ଭିତ୍ତିଭୂମି ପାଇଁ 15ହଜାର କୋଟିର ଅର୍ଥରାଶି ମଞ୍ଜୁର କରାଯାଇଛି । ଆନ୍ଧ୍ର ପୁନର୍ଗଠନ ଅଧିନିୟମ ଅନୁସାରେ, କେନ୍ଦ୍ର ସରକାର ରାଜ୍ୟକୁ ସହାୟତା ଯୋଗାଇ ଦେବାକୁ ବଜେଟରେ ଅଣ୍ଟା ଭିଡିଛନ୍ତି । ଓଡିଶା-ଆନ୍ଧ୍ର ମଧ୍ୟରେ ଥିବା ବିବାଦୀୟ ପୋଲାଭରମ ପ୍ରକଳ୍ପକୁ ମଧ୍ୟ ଶୀଘ୍ର ସମ୍ପୂର୍ଣ୍ଣ କରି କାର୍ଯ୍ୟକ୍ଷମ କରିବାକୁ ବଜେଟରେ ବ୍ୟୟବରାଦ ହୋଇଛି । ଏହା ସହ ବିଶାଖାପାଟନମ-ଚେନ୍ନାଇ ଅର୍ଥନୈତିକ କରିଡର ମଧ୍ୟ ପ୍ରତିଷ୍ଠା ହେବ । ଫଳରେ ସୀମାନ୍ଧ୍ରରେ ଯୋଗାଯୋଗ, ପରିବହନ, ଶିଳ୍ପ ଓ ବାଣିଜ୍ୟ ପାଇଁ ମାର୍ଗ ପ୍ରଶସ୍ତ କରିବାକୁ ବଜେଟରେ ବିଶେଷ ଧ୍ୟାନ ଦେଇଛି ନିର୍ମଳାଙ୍କ ଟିମ । ସେହିପରି ହାଇଦ୍ରାବାଦ-ବେଙ୍ଗାଲୁରୁ ମଧ୍ୟରେ ଦ୍ବିତୀୟ ଇଣ୍ଡଷ୍ଟ୍ରିଆଲ କରିଡର ପ୍ରତିଷ୍ଠା ହେବ । ଯାହା ସର୍ବାଧିକ ଆନ୍ଧ୍ର ମଧ୍ୟ ଦେଇ ଅତିକ୍ରମ କରିବ । ଏଥିରେ ଆଭ୍ୟନ୍ତରୀଣ ଓ ଦକ୍ଷିଣ-ଆନ୍ଧ୍ର ବିଶେଷ ଭାବେ ଲାଭବାନ ହେବେ ।
#WATCH | Union Budget 2024-25, Congress President Mallikarjun Kharge says, " this budget is more for just two people...they (bjp govt) make a lot of promises but nothing happens..." pic.twitter.com/mA8du2eLg7
— ANI (@ANI) July 23, 2024
ଓଡିଶାରେ ବିଜେପି ସରକାର ଗଢିଲା, ବଜେଟରେ ଅନୁଦାନ କମିଲା:-
ଓଡିଶାରେ ବିଜେପି ଏଥର ଏକକ ବହୁମତରେ ସରକାର ଗଠନ କରିବା ସହ ଲୋକସଭାରେ ମଧ୍ୟ ଐତିହାସିକ ବିଜୟ ଲାଭ କରିଛି । ରାଜ୍ୟରେ ଦଳ 21 ସଂସଦୀୟ ଆସନରୁ 20ଟିରେ କ୍ଲିନସ୍ବିପ କରିଛି । ଓଡିଶା ବାରମ୍ବାର ବାତ୍ୟାର ସମ୍ମୁଖୀନ ହେଉଥିବାରୁ ପୂର୍ବରୁ ନବୀନ ପଟ୍ଟନାୟକଙ୍କ ଶାସନରେ ସ୍ବତନ୍ତ୍ର ରାଜ୍ୟ ପାହ୍ୟା ଦାବି କରାଯାଇ ଆସୁଥିଲା । ହେଲେ ଏଥର ବଜେଟରେ ଓଡ଼ିଶାକୁ କୌଣସି କ୍ଷେତ୍ରରେ ସ୍ବତନ୍ତ୍ର ପ୍ୟାକେଜ ମିଳିନି । କେବଳ ପୂର୍ବୋଦୟ ଅଭିଯାନରେ ଓଡ଼ିଶା ସାମଗ୍ରିକ ବ୍ୟୟବରାଦ ପାଇଛି । ସେହିପରି ପର୍ଯ୍ୟଟନ କ୍ଷେତ୍ରରେ କିଛି ଅନୁଦାନ ପାଇଛି ରାଜ୍ୟ । ଯାହାକୁ ନେଇ ରାଜ୍ୟରେ ବିରୋଧୀ ବିଜେଡି ଶାସକ ବିଜେପିକୁ ଟାର୍ଗେଟ କରିଛି । ବିଧାନସଭା ବଜେଟ ଅଧିବେଶନରେ କେନ୍ଦ୍ରୀୟ ଅବହେଳା ଅଭିଯୋଗର ତାତି ମଧ୍ୟ ଦେଖିବାକୁ ମିଳିଛି ।
#WATCH | On #UnionBudget2024, West Bengal CM Mamata Banerjee says, " directionless, anti-people, no vision, only political mission is there. i don't see any light, it is dark...they make tall claims and make promises during elections. but after they get votes, they forget… pic.twitter.com/0eREBAGewB
— ANI (@ANI) July 23, 2024
ବ୍ୟୁରୋ ରିପୋର୍ଟ, ଇଟିଭି ଭାରତ
