ଶ୍ରୀନଗର: ଜମ୍ମୁ କାଶ୍ମୀରରେ ସରକାର ଗଢିବାକୁ ଯାଉଛି ନ୍ୟାସନାଲ କନଫରେନ୍ସ(NC) ଏବଂ କଂଗ୍ରେସ ମେଣ୍ଟ । ଏହାରି ମଧ୍ୟରେ ଏକ ବଡ ଖବର ସାମ୍ନାକୁ ଆସିଛି । ଜମ୍ମୁ କାଶ୍ମୀରର ପରବର୍ତ୍ତୀ ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି ଓମାର ଅବଦୁଲ୍ଲା । ଏନସି ଅଧ୍ୟକ୍ଷ ତଥା ଜମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲା ଏନେଇ ଘୋଷଣା କରିଛନ୍ତି । ଗଣମାଧ୍ୟମ ସହ ଆଲୋଚନା ବେଳେ ଫାରୁକ କହିଛନ୍ତି କି ଜମ୍ମୁ-କାଶ୍ମୀର ପରବର୍ତ୍ତୀ ମୁଖ୍ୟମନ୍ତ୍ରୀ ହେବେ ଓମାର ଅବଦୁଲ୍ଲା ।
କଣ କହିଲେ ଫାରୁକ ଅବଦୁଲ୍ଲା ?
ଗଣମାଧ୍ୟମକୁ ପ୍ରତିକ୍ରିୟା ଦେଇ ଫାରୁକ ଅବଦୁଲ୍ଲା ଘୋଷଣା କରିଛନ୍ତି କି, ‘ଓମାର ଅବଦୁଲ୍ଲା ଆଗାମୀ ମୁଖ୍ୟମନ୍ତ୍ରୀ ହେବେ । କ୍ଷମତା ବଣ୍ଟନର କୌଣସି ପ୍ରସଙ୍ଗ ନୁହେଁ । ଜମ୍ମୁକାଶ୍ମୀର ବାସିନ୍ଦାଙ୍କ ପ୍ରତି ମୁଁ କୃତଜ୍ଞ । ଲୋକେ ନିଜର ଜନାଦେଶ ଦେଇଛନ୍ତି । ଜନମତ ସାବ୍ୟସ୍ତ କରିଛି କି, ୨୦୧୯ ମସିହା ୫ ଅଗଷ୍ଟକୁ ନିଆଯାଇଥିବା ନିଷ୍ପତ୍ତିକୁ ସେମାନେ ସ୍ବୀକାର କରିନାହାନ୍ତି ।’ ସୂଚନା ଥାଉକି, ଅଗଷ୍ଟ ୫, ୨୦୧୯ରେ କେନ୍ଦ୍ର ସରକାର ଜମ୍ମୁ-କାଶ୍ମୀରରେ ବହୁ ଚର୍ଚ୍ଚିତ ଧାରା ୩୭୦କୁ ହଟାଇ ଦେଇଥିଲେ । ଏହା ସହ ଲଦାଖକୁ ଅଲଗା କରି ଦେଇଥିଲେ ।
ଦୁଇଟି ଆସନରୁ ଲଢୁଛନ୍ତି ଓମାର:
ଏଥର ନିର୍ବାଚନରେ ଓମର ଅବଦୁଲା ଦୁଇଟି ଆସନରୁ ଲଢେଇ କରୁଛନ୍ତି । ବଡଗାମ ଓ ଗାନ୍ଦରବଲ ଆସନରୁ ନିର୍ବାଚନ ମଇଦାନକୁ ଓହ୍ଲାଇଛନ୍ତି । ଏଥିସହ ଦୁଇଟି ଆସନରୁ ବିଜୟୀ ମଧ୍ୟ ହୋଇଛନ୍ତି । ବଡଗାମରୁ ଓମାରଙ୍କୁ ୩୬୦୧୦ ଖଣ୍ଡ ଭୋଟ ମିଳିଛି । ସେହିପରି ଦ୍ବିତୀୟ ଆସନ ଗାନ୍ଦରବଲରୁ ତାଙ୍କୁ ୧୮୧୯୩ ଭୋଟ ସହ ବିଜୟ ହାସଲ କରିଛନ୍ତି ।
#WATCH | Budgam: JKNC Vice President and winning candidate from Budgam, Omar Abdullah says, " entire result hasn't come yet, we will talk about this after that. the way nc has got victory, we are thankful to the voters. people have supported us more than our expectations. now our… pic.twitter.com/MDP1Q7VjIN
— ANI (@ANI) October 8, 2024
ପୁଣି ମୁଖ୍ୟମନ୍ତ୍ରୀ ହେବେ ଓମାର:
୧୦ ବର୍ଷ ପରେ ପୁଣି କ୍ଷମତା ଡୋରି ଓମାର ଅବଦୁଲାଙ୍କ ହାତରେ । ଗତ ୨୦୦୯ରୁ ୨୦୧୫ ପର୍ଯ୍ୟନ୍ତ ମୁଖ୍ୟମନ୍ତ୍ରୀ ହୋଇଥିଲେ ଓମାର । ସେ ପ୍ରଥମେ ୧୯୯୮ରେ ଲୋକସଭା ନିର୍ବାଚନ ଲଢିଥିଲେ । ମାତ୍ର ୨୮ ବର୍ଷ ବୟସରେ ସାଂସଦ ହୋଇଥିଲେ । ତତକାଳୀନ ବାଜପେୟୀ ସରକାର ସମୟରେ ସେ କମର୍ସ ଓ ଇଣ୍ଡଷ୍ଟ୍ରି ରାଷ୍ଟ୍ରମନ୍ତ୍ରୀ ଭାବେ କାର୍ଯ୍ୟ କରିଥିଲେ । ପରେ ୨୦୦୯ରେ ରାଜ୍ୟର ସବୁଠୁ କମ ବୟସର ମୁଖ୍ୟମନ୍ତ୍ରୀ ହୋଇଥିଲେ ଓମାର ।
- ୨୦୦୯ରୁ ୨୦୧୫ ପର୍ଯ୍ୟନ୍ତ ମୁଖ୍ୟମନ୍ତ୍ରୀ ଥିଲେ ଓମାର ଅବଦୁଲ୍ଲା
- ୧୯୯୮ରେ ଲୋକସଭା ନିର୍ବାଚନ ଲଢିଥିଲେ
- ମାତ୍ର ୨୮ ବର୍ଷ ବୟସରେ ସାଂସଦ ହୋଇଥିଲେ
- ଅଟଳ ବାଜପେୟୀ ସରକାରରେ ରାଷ୍ଟ୍ରମନ୍ତ୍ରୀ
- ୨୦୦୯ରେ ରାଜ୍ୟର ସବୁଠୁ କମ ବୟସର ମୁଖ୍ୟମନ୍ତ୍ରୀ ହୋଇଥିଲେ ଓମାର
#WATCH | Srinagar, J&K | National Conference chief Farooq Abdullah says, " after 10 years the people have given their mandate to us. we pray to allah that we meet their expectations...it will not be 'police raj' here but 'logon ka raj' here. we will try to bring out the innocent… pic.twitter.com/j4uYowTij4
— ANI (@ANI) October 8, 2024
୧୦ ବର୍ଷ ପରେ ଜମ୍ମୁକାଶ୍ମୀର ହୋଇଛି ନିର୍ବାଚନ:
#WATCH | Srinagar, J&K | National Conference chief Farooq Abdullah says, " people have given their mandate, they have proven that they don't accept the decision that was taken on august 5...omar abdullah will be the chief minister." pic.twitter.com/qiTUaFz7zd
— ANI (@ANI) October 8, 2024
ଦୀର୍ଘ ୧୦ ବର୍ଷ ପରେ ଜମ୍ମୁକାଶ୍ମୀରରେ ବିଧାନସଭା ନିର୍ବାଚନ ହୋଇଛି । ଶେଷଥର ପାଇଁ ୨୦୧୪ରେ ହୋଇଥିଲା ବିଧାନସଭା ନିର୍ବାଚନ । ଧାରା ୩୭୦ ଉଚ୍ଛେଦ ପରେ ପ୍ରାୟ ଦଶନ୍ଧି ପରେ ତିନି ପର୍ଯ୍ୟାୟରେ ମତଦାନ ହୋଇଥିଲା ।
- ୧୦ ବର୍ଷ ପରେ ଜମ୍ମୁ-କାଶ୍ମୀରରେ ବିଧାନସଭା ନିର୍ବାଚନ
- ଶେଷଥର ୨୦୧୪ରେ ହୋଇଥିଲା ବିଧାନସଭା ନିର୍ବାଚନ
- ଧାରା ୩୭୦ ଉଚ୍ଛେଦ ପରେ ଦଶନ୍ଧି ପରେ ୩ ପର୍ଯ୍ୟାୟରେ ମତଦାନ ହୋଇଥିଲା
