ନୂଆଦିଲ୍ଲୀ: ସ୍ୱାଧୀନତାକୁ ଆଜି 78 ବର୍ଷ । 1947 ମସିହା ଆଜିର ଦିନରେ ଭାରତରେ ଉଇଁଥିଲା ସ୍ୱାଧୀନତାର ପ୍ରଥମ ସୂର୍ଯ୍ୟ । ଅହିଂସାର ବିଜୟ ହୋଇଥିଲା, 200 ବର୍ଷର ଇଂରେଜ ଶାସନରୁ ମୁକ୍ତ ହୋଇଥିଲା ପରାଧୀନ ଭାରତ । ଦେଶବାସୀଙ୍କ ସତ୍ୟ, ଅହିଂସା ଓ ଅସହଯୋଗ ଆନ୍ଦୋଳନ ଆଗରେ ମୁଣ୍ଡ ନୁଆଁଇଥିଲେ ଇଂରେଜ ଶାସକ । କୋଟି କୋଟି ଦେଶପ୍ରେମୀ ଓ ସଂଗ୍ରାମୀଙ୍କ ତ୍ୟାଗ, ବଳିଦାନ, ସଂଘର୍ଷ, ବୀରତ୍ବ ଓ ସାହାସ ବଳରେ ଦେଶ ସ୍ୱାଧୀନତାର ସ୍ୱାଦ ଚାଖିଥିଲା । ଆଜି ଦେଶ 78ତମ ସ୍ବାଧୀନତା ଦିବସ ପାଳନ କରୁଥିବାବେଳେ ଉତ୍ସବ ମୁଖର ରହିଛି ଦିଲ୍ଲୀରୁ ପଲ୍ଲୀ । ତ୍ରିରଙ୍ଗା ରଙ୍ଗରେ ରଙ୍ଗାୟତ ଗାଁଠୁ ସହର । ଏହି ଅବସରରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ମୁଖ୍ୟମନ୍ତ୍ରୀ ମୋହନ ମାଝୀ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
सभी देशवासियों को स्वतंत्रता दिवस की ढेरों शुभकामनाएं। जय हिंद!
— Narendra Modi (@narendramodi) August 15, 2024
Independence Day greetings to my fellow Indians. Jai Hind! 🇮🇳
ଚଳିତ ବର୍ଷର ଥିମ୍ 'ବିକଶିତ ଭାରତ@2047':
ସକାଳ 7ଟା 30 ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦିଲ୍ଲୀର ଐତିହାସିକ ଲାଲକିଲ୍ଲାରୁ ପତାକା ଉତ୍ତୋଳନ କରି ଦେଶବାସୀଙ୍କୁ ସମ୍ବୋଧିତ କରୁଛନ୍ତି । ଏହି କାର୍ଯ୍ୟକ୍ରମରେ ପ୍ରାୟ 6 ହଜାର ଅତିଥିଙ୍କୁ ଆମନ୍ତ୍ରିତ କରାଯାଉଛି । ଆଶାକର୍ମୀ, କୃଷକ, ଆଦିବାସୀ ଓ ମହିଳା ଆଦି ଅତିଥି ରହିଛନ୍ତି । ପୁରୀର ଆଶାକର୍ମୀ ସୁକାନ୍ତି ଜେନା ଅତିଥି ଭାବେ ଯୋଗ ଦେଇଛନ୍ତି । ତେବେ ଚଳିତ ବର୍ଷର ସ୍ବାଧୀନତା ଦିବସ ଥିମ୍ ରହିଛି 'ବିକଶିତ ଭାରତ@2047' । ଯାହାର ଅର୍ଥ ଦେଶ ସ୍ବାଧୀନତାର ଶହେ ବର୍ଷ ପୂର୍ତ୍ତି ଅବସରରେ ଆସନ୍ତା 2047 ସୁଦ୍ଧା ଭାରତକୁ ବିକଶିତ ରାଷ୍ଟ୍ର କରିବାର ଲକ୍ଷ୍ୟ ରଖିଛନ୍ତି ।
With the nation all set to celebrate Independence Day, let me once again extend my greetings to you, particularly our brave jawans of Armed Forces who guard our freedom, risking their lives. pic.twitter.com/EXQDx5Hugm
— President of India (@rashtrapatibhvn) August 14, 2024
ପ୍ରଧାନମନ୍ତ୍ରୀ ମୋଦି ଟ୍ବିଟ୍ କରି ସମସ୍ତଙ୍କୁ ସ୍ୱାଧୀନତା ଦିବସର ଶୁଭେଚ୍ଛା ଜଣାଇଛନ୍ତି। ପ୍ରଧାନମନ୍ତ୍ରୀ କହିଛନ୍ତି, ''ସମଗ୍ର ଦେଶବାସୀଙ୍କୁ ସ୍ବତନ୍ତ୍ରତା ଦିବସର ଅନେକ ଅନେକ ଶୁଭକାମନା । ଜୟ ହିନ୍ଦ୍ ।''
ଓଡ଼ିଶା ରାଜ୍ୟପାଳ ରଘୁବର ଦାସ ଦେଶବାସୀଙ୍କୁ 78ତମ ସ୍ବାଧୀନତା ଦିବସର ଶୁଭକାମନା ଜଣାଇଛନ୍ତି ଏବଂ ସମସ୍ତେ ମିଶି ଏକ ସମୃଦ୍ଧ ଓ ମଜଭୁତ ରାଷ୍ଟ୍ର ନିର୍ମାଣ ପାଇଁ ପ୍ରତିଶ୍ରୁତିବଦ୍ଧ ହେବାକୁ ଆହ୍ବାନ କରିଛନ୍ତି।
On the auspicious occasion on 78th #IndependenceDay, Hon'ble Governor conveys his warm wishes & exhorts everyone to honour and celebrate the spirit of freedom and patriotism. Let us pledge to commit ourselves to build a prosperous and strong nation.
— Governor Odisha (@GovernorOdisha) August 15, 2024
#IndependenceDay2024 pic.twitter.com/h3RXvzaYG5
ସ୍ୱାଧୀନତା ଦିବସର ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ ମୋହନ:
୭୮ତମ ସ୍ୱାଧୀନତା ଦିବସ ଅବସରରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ସମସ୍ତଙ୍କୁ ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି। ଦେଶକୁ ସ୍ୱାଧୀନ କରିବା ପାଇଁ ବଳିଦାନ ଦେଇଥିବା ମହାନ ସ୍ୱାଧୀନତା ସଂଗ୍ରାମୀଙ୍କ ସ୍ମୃତିଚାରଣ କରିବା ସହ ସବୁ ବର୍ଗଙ୍କୁ ନେଇ ରାଜ୍ୟର ଉଜ୍ୱଳ ଭବିଷ୍ୟତ ଗଠନ ଲାଗି ସେ ଆହ୍ୱାନ କରିଛନ୍ତି।… pic.twitter.com/9TDgr9fH9O
— CMO Odisha (@CMO_Odisha) August 15, 2024
78ତମ ସ୍ବାଧୀନତା ଦିବସ ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଟ୍ବିଟ୍ କରି ସମସ୍ତଙ୍କୁ ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି । ଦେଶକୁ ସ୍ବାଧୀନ କରିବା ପାଇଁ ବଳିଦାନ ଦେଇଥିବା ମହାନ ସ୍ବାଧୀନତା ସଂଗ୍ରାମୀଙ୍କ ସ୍ମୃତିଚାରଣ କରିବା ସହ ସବୁ ବର୍ଗଙ୍କୁ ନେଇ ରାଜ୍ୟର ଭବିଷ୍ୟତ ଗଠନ ଲାଗି ସେ ଆହ୍ବାନ କରିଛନ୍ତି । ଏହାସହିତ ମୁଖ୍ୟମନ୍ତ୍ରୀ ଭୁବନେଶ୍ବର ମହାତ୍ମା ଗାନ୍ଧୀ ମାର୍ଗଠାରେ ଆୟୋଜିତ ରାଜ୍ୟସ୍ତରୀୟ ସ୍ବାଧୀନତା ଦିବସରେ ମୁଖ୍ୟ ଅତିଥି ଭାବେ ଯୋଗ ଦେଇ ଜାତୀୟ ପତାକା ଉତ୍ତୋଳନ କରିଛନ୍ତି ଓ ପରେଡ ଅଭିବାଦନ ଗ୍ରହଣ କରିଛନ୍ତି ।
