ଶ୍ରୀନଗର: ଆସନ୍ତା 29 ତାରିଖରୁ ଆରମ୍ଭ ହେବ ଜମ୍ମୁ କାଶ୍ମୀରର ପ୍ରସିଦ୍ଧ ଅମରନାଥ ଯାତ୍ରା । ଗୁମ୍ଫା ଭିତରେ ଦିବ୍ୟ ଦର୍ଶନ ଦେବେ ମହାଦେବ । ବରଫ ଲିଙ୍ଗ ଦର୍ଶନ କରବେ ଲକ୍ଷାଧିକ ଶ୍ରଦ୍ଧାଳୁ । 22 ଦିନ ଧରି ଆରମ୍ଭ ହେବାକୁ ଥିବା ଏହି ଯାତ୍ରା ଅଗଷ୍ଟ 19 ତାରିଖରେ ଶେଷ ହେବ । ଯାତ୍ରା ଆରମ୍ଭ ହେବାକୁ ଆଉ ଗୋଟିଏ ଦିନ ଥିବା ବେଳେ ମନ୍ଦିର ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି ।
ଶ୍ରଦ୍ଧାଳୁଙ୍କ ତୀର୍ଥଯାତ୍ରାକୁ ସୁଗମ କରିବା ପାଇଁ ପଞ୍ଜୀକରଣ, କ୍ୟାମ୍ପିଂ ସୁବିଧା, ଚିକିତ୍ସା ସୁବିଧା, ଟ୍ରାକ୍ ଅପଗ୍ରେଡ୍, ବିଦ୍ୟୁତ, ଜଳ ଯୋଗାଣ ଏବଂ ମୋବାଇଲ ଫୋନ୍ ବ୍ୟବହାର ନେଇ ସମସ୍ତ ବ୍ୟବସ୍ଥା ଗ୍ରହଣ କରାଯାଇଛି । ସମସ୍ତ ତୀର୍ଥଯାତ୍ରୀଙ୍କୁ RFID କାର୍ଡ ଦିଆଯିବ ବୋଲି ଆଶା କରାଯାଉଛି । ଯାହା ଦ୍ବାରା ଯାତ୍ରା ସମୟରେ ସେମାନେ କେଉଁ ସ୍ଥାନରେ ପହଞ୍ଚିଛନ୍ତି ତାହା ଜଣାପଡିବ । ଯାତ୍ରା ପୂର୍ବରୁ ତୀର୍ଥଯାତ୍ରୀଙ୍କ ସୁରକ୍ଷାକୁ ସୁନିଶ୍ଚିତ କରିବା ଏବଂ ସୁରକ୍ଷା ସମ୍ବନ୍ଧରେ ଚିନ୍ତାଧାରାକୁ କମ୍ କରିବା ପାଇଁ ମନ୍ଦିର ପ୍ରଶାସନ ନିର୍ଦ୍ଦେଶନାମା ଜାରି କରିଛି ।
ଏହା ମଧ୍ୟ ପଢନ୍ତୁ-Amarnath Yatra: ଆଖି ବୁଜିଲେ ଆଉ 2 ଶ୍ରଦ୍ଧାଳୁ ମୃତ୍ୟୁସଂଖ୍ୟା 36କୁ ବୃଦ୍ଧି, ବେସ କ୍ୟାମ୍ପରେ ଉପରାଜ୍ୟପାଳ
ଯାତ୍ରା ସମୟରେ କଣ କରିବେ ?
- ତୀର୍ଥଯାତ୍ରୀମାନେ ଯାତ୍ରା ଆରମ୍ଭ କରିବା ପୂର୍ବରୁ ଜମ୍ମୁ କାଶ୍ମୀରର ଏକ ନିର୍ଦ୍ଦିଷ୍ଟ ସ୍ଥାନରୁ ସେମାନଙ୍କର RFID କାର୍ଡ ସଂଗ୍ରହ କରିବା ଜରୁରୀ ।
- SASB ଦ୍ବାରା ଜାରି କରାଯାଇଥିବା RFID କାର୍ଡ ଯାତ୍ରା ସମୟରେ ପିନ୍ଧିବା ଉଚିତ ।
- ଆରାମଦାୟକ ପୋଷାକ ଏବଂ ଟ୍ରେକିଂ ଜୋତା ପିନ୍ଧନ୍ତୁ ।
- ଯାତ୍ରା ସମୟରେ ସମୟ ନିଅନ୍ତୁ ଓ ସୁରକ୍ଷିତ ଭାବେ ଧିରେ ଧିରେ ଯାତ୍ରା କରନ୍ତୁ ।
- ହାଇଡ୍ରେଟେଡ୍ ରହିବା ପାଇଁ ପର୍ଯ୍ୟାପ୍ତ ଜଳ ପିଅନ୍ତୁ ।
- ଯାତ୍ରା ସମୟରେ ଯଦି ନିଶ୍ୱାସ ପ୍ରଶ୍ୱାସ ନେବାରେ କଷ୍ଟ ଅନୁଭବ କରୁଛନ୍ତି ତେବେ ଚିକିତ୍ସା ପାଇଁ ଯୋଗାଯୋଗ କରିବେ ।
- ଟ୍ରେକିଂ ସମୟରେ ବିଶ୍ରାମ ନିଅନ୍ତୁ, କିଛି ସମୟ ପରେ ଯାତ୍ରା କରନ୍ତୁ ।
ଯାତ୍ରା ସମୟରେ କଣ କରିବେନି ? :
- ଟ୍ରେକିଂ ସମୟରେ ଧୂମପାନ କିମ୍ବା ମଦ୍ୟପାନ କରନ୍ତୁ ନାହିଁ ।
- କ୍ୟାଫିନ ଥିବା ପାନୀୟ ପିଅନ୍ତୁ ନାହିଁ ।
- ମନ୍ଦିରରେ ପହଞ୍ଚିବା ପାଇଁ ସଟକର୍ଟ ରାସ୍ତା ଆପଣାନ୍ତୁ ନାହିଁ ।
