ନୂଆଦିଲ୍ଲୀ: ଲୋକସଭା ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କ ବୟାନକୁ ନେଇ ଗୃହରେ ହଙ୍ଗାମା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ରାହୁଲଙ୍କ ମଧ୍ୟରେ ହେଲା କଥା କଟାକଟି । ଶାସକ ଦଳର ସାଂସଦମାନେ ରାହୁଲଙ୍କ ବୟାନକୁ ନେଇ ତୀବ୍ର ବିରୋଧ କରିଥିଲେ । ଅଷ୍ଟାଦଶ ଲୋକସଭା ଅଧିବେଶନର ଆଜି ଷଷ୍ଠ ଦିନରେ ଏପରି ଦୃଶ୍ୟ ଦେଖିବାକୁ ମିଳିଥିଲା । ରାହୁଲ ନିଜ ଅଭିଭାଷଣ ରଖିବା ସମୟରେ ମହାଦେବ, ଗୁରୁ ନାନକ ଓ ପ୍ରଫେଟ ମହମ୍ମଦଙ୍କ ଛବି ପ୍ରଦର୍ଶିତ କରିଥିଲେ । ଲୋକସଭା ବାଚସ୍ପତି ଓମ ବିର୍ଲା ଏହାକୁ ଅନୁମତି ଦେଇନଥିଲେ ସୁଦ୍ଧା ରାହୁଲ ନିଜର ଅଭିଭାଷଣ ରଖିଥିଲେ ।
#WATCH | After PM Modi objects to his remarks, LoP Lok Sabha, Rahul Gandhi says, " modi, bjp, rss not the entire hindu community." https://t.co/fw7bSSHb9H
— ANI (@ANI) July 1, 2024
ରାହୁଲ ଭାଷଣ ଦେବା ସମୟରେ କହିଥିଲେ, "ଯେଉଁମାନେ ନିଜକୁ ହିନ୍ଦୁ ବୋଲି କହୁଛନ୍ତି ସେମାନେ ଗତ ଏକ ଦଶନ୍ଧି ଧରି ସମ୍ବିଧାନ ଉପରେ ଆକ୍ରମଣ କରୁଛନ୍ତି । ନିଜକୁ ହିନ୍ଦୁ କହୁଥିବା ଲୋକେ କେବଳ ହିଂସା, ଘୃଣା ଓ ଅସତ୍ୟର କଥା କୁହନ୍ତି । ସେମାନେ କେବେ ହେଲେ ହିନ୍ଦୁ ହୋଇପାରିବେ ନାହିଁ ।" ଏହି ସମୟରେ ସେ ନିର୍ଦ୍ଦିଷ୍ଟ ଧର୍ମର ଆରାଧ୍ୟ ଦେବତାଙ୍କ ଫଟୋଚିତ୍ର ପ୍ରଦର୍ଶିତ କରିଥିଲେ । ରାହୁଲ ଏଭଳି ମନ୍ତବ୍ୟ ରଖିବା ପରେ ଅଧିକାଂଶ ବିଜେପି ସାଂସଦ ଏହାକୁ ବିରୋଧ କରିବା ସହ ଖୋଦ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜ ସ୍ଥାନରୁ ଉଠି ରାହୁଲଙ୍କୁ ବିରୋଧ କରିଥିଲେ ।
ପ୍ରଧାନମନ୍ତ୍ରୀ ମୋଦିଙ୍କ ହସ୍ତକ୍ଷେପ:- ପିଏମ ମୋଦି କହିଥିଲେ ଯେ ରାହୁଲ ସମ୍ପୂର୍ଣ୍ଣ ହିନ୍ଦୁ ସମ୍ପ୍ରଦାୟକୁ ହିଂସା ସୃଷ୍ଟିକାରୀ କହିବା ସଙ୍ଗୀନ ପ୍ରସଙ୍ଗ । ଏହାର ପ୍ରତି ଉତ୍ତର ରଖି ରାହୁଲ କହିଥିଲେ ଯେ ସେ ହିନ୍ଦୁମାନଙ୍କୁ କହୁନାହାନ୍ତି । ବିଜେପି, ଆରଏସଏସ ଓ ମୋଦି ସମ୍ପୂର୍ଣ୍ଣ ହିନ୍ଦୁ ସମ୍ପ୍ରଦାୟକୁ ପ୍ରତିନିଧିତ୍ବ କରନ୍ତି ନାହିଁ ।
#WATCH | Responding to LoP Rahul Gandhi, Union Home Minister Amit Shah in Lok Sabha says, " the leader of opposition has categorically said that those who call themselves hindu talk of violence and do violence. he doesn’t know that crores of people proudly call themselves hindu.… pic.twitter.com/yFwIsXeTN6
— ANI (@ANI) July 1, 2024
ଜବାବ ଦେଲେ କେନ୍ଦ୍ର ଗୃହମନ୍ତ୍ରୀ:- ଏହି ମାମଲାରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ମଧ୍ୟ ରାହୁଲଙ୍କ ଏଭଳି ମନ୍ତବ୍ୟ ଉପରେ କଡ଼ା ଜବାବ ଦେଇଥିଲେ । ସେ କହିଥିଲେ ଯେ କୋଟି କୋଟି ଲୋକ ହିନ୍ଦୁ ବୋଲି ଗର୍ବ କରନ୍ତି । ରାହୁଲ ଗାନ୍ଧୀ କଣ ଭାବୁଛନ୍ତି ସେମାନେ ସମସ୍ତେ ହିଂସା ସୃଷ୍ଟିକାରୀ । ରାହୁଲ ଗାନ୍ଧୀ ନିଜର ଏପରି ମନ୍ତବ୍ୟ ନେଇ କ୍ଷମା ପ୍ରାର୍ଥନା କରିବା ଉଚିତ ।
Objecting to LoP Rahul Gandhi's statement, Defence Minister Rajnath Singh says, " he rahul gandhi) should not try to mislead the house by making wrong statements. financial assistance of rs one crore is given to the family of the agniveer who sacrifices his life while protecting… https://t.co/gJLaQLFdiO
— ANI (@ANI) July 1, 2024
ରାହୁଲଙ୍କ ଅଗ୍ନିବୀର ଯୋଜନା ମନ୍ତବ୍ୟକୁ ଆପତ୍ତି:- ରାହୁଲ ଅଗ୍ନିବୀର ଯୋଜନା ନେଇ ସରକାରଙ୍କୁ ଟାର୍ଗେଟ କରିଥିଲେ । ସେ କହିଥିଲେ ଯେ ଏହି ଯୋଜନା ମୁତାବକ ଅଗ୍ନିବୀରମାନଙ୍କୁ ନା ଶହୀଦ ଘୋଷଣା କରାଗଲା ନା ପେନସନ ମିଳିଲା । ଏହି ମନ୍ତବ୍ୟ ଉପରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଆପତ୍ତି ଉଠାଇଥିଲେ । ସେ କହିଥିଲେ ଯେ ବିରୋଧୀ ଗୃହକୁ ଭ୍ରମିତ କରିବାକୁ ଯାଉଛନ୍ତି । ଯୁଦ୍ଧରେ ଶହୀଦ ହୋଇଥିବା ଅଗ୍ନିବୀରଙ୍କୁ 1 କୋଟି କ୍ଷତିପୂରଣ ଭାବେ ପ୍ରଦାନ କରାଯାଉଛି ।
କଣ କହିଲେ ନିଶିକାନ୍ତ ଦୁବେ ?
ଏହା ପରେ କଂଗ୍ରେସ ସାଂସଦ ରାହୁଲ ବେରୋଜଗାର, ବିମୁଦ୍ରୀକରଣ ଏବଂ ଜିଏସଟି ପ୍ରସଙ୍ଗ ଉଠାଇଥିଲେ । ସେ କହିଥିଲେ ଯେ ସରକାର ବିମୁଦ୍ରୀକରଣ ଏବଂ ଜିଏସଟି ଲାଗୁ କରିଛନ୍ତି । ଏଭଳି ବ୍ୟବସ୍ଥା ଜାରି ରହିଲେ ରୋଜଗାର ସୃଷ୍ଟି ହୋଇପାରିବ ନାହିଁ । ଆଦାନୀ ଏବଂ ଅମ୍ବାନୀ ପରି ଲୋକଙ୍କ ପାଇଁ ଏଗୁଡିକ ଅଣାଯାଇଥିଲା । ବିଜେପି ସାଂସଦ ନିଶିକାନ୍ତ ଦୁବେ ଏହାକୁ ନେଇ ଆପତ୍ତି ଉଠାଇ କହିଥିଲେ ଯେ ଆପଣଙ୍କ ମୁତାବକ ଯଦି କୌଣସି ସଦସ୍ୟ ନିଜର ମତ ପ୍ରକାଶ କରିବାକୁ ଚାହାଁନ୍ତି ତେବେ ତାଙ୍କୁ ତାଙ୍କୁ ପ୍ରମାଣ ଦେବାକୁ ପଡ଼ିବ ନଚେତ କ୍ଷମା ମାଗିବାକୁ ପଡିବ ।
MSP ପ୍ରସଙ୍ଗ ନେଇ ଶିବରାଜ ସିଂଙ୍କ ଜବାବ:- ରାହୁଲ ଗାନ୍ଧୀ ଚାଷୀ ଓ ସର୍ବନିମ୍ନ ସହାୟତା ମୂଲ୍ୟ (ଏମଏସପି) ପ୍ରସଙ୍ଗ ଉଠାଇବା ପରେ କେନ୍ଦ୍ର କୃଷିମନ୍ତ୍ରୀ ଶିବରାଜ ସିଂ ଏହାର ଜବାବ ଦେଇଥିଲେ । ଶିବରାଜ କହିଥିଲେ ଯେ ବିରୋଧୀ ଦଳ ନେତା ଭୁଲ ତଥ୍ୟ ଆଧାରରେ ବୟାନବାଜି କରୁଛନ୍ତି । ସରକାର ଉତ୍ପାଦନ ମୂଲ୍ୟରେ ଅତି କମରେ 50 ପ୍ରତିଶତ ଏମସିପି ଦେଉଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
