स्वप्निल कुसाळे आता 'ऑफिसर ऑन स्पेशल ड्युटी' ; ऑलिम्पिकमध्ये पदक जिंकताच मध्य रेल्वेनं दिली पदोन्नती - Paris Olympics 2024

Swapnil Kusale Get Promotion : महाराष्ट्राचा सुपूत्र स्वप्निल कुसाळे यानं पॅरिस ऑलिम्पिकमध्ये पदक मिळवल्यानंतर जगभरात भारताचा डंका वाजवल्या गेल्या. स्वप्निल कुसाळेनं पॅरिस ऑलिम्पिकमध्ये पदक मिळवताच मध्य रेल्वेनं त्याला पदोन्नती दिली आहे. आता स्वप्निल कुसाळे विशेष अधिकारी म्हणून रेल्वेत सेवा बजावणार आहे.

मुंबई Swapnil Kusale Get Promotion : पॅरिस ऑलिम्पिकमध्ये महाराष्ट्राचा नेमबाज स्वप्नील कुसाळे यानं चमकदार कामगिरी करत देशाचं नाव उंचावलं आहे. स्वप्निल यानं ऑलिम्पिकमध्ये पुरुषांच्या 50 मीटर थ्री पोझिशन रायफल नेमबाजीत प्रथमच कांस्यपदक जिंकलं आहे. स्वप्निल याच्या या जागतिक कामगिरीमुळे भारतीय रेल्वेमध्येही सध्या आनंदाची लाट आहे. स्वप्नील कुसाळे हे मध्य रेल्वेच्या पुणे विभागात तिकीट तपासणीस आहे. मात्र, आता स्वप्निल याच्या जागतिक कामगिरीमुळे मध्य रेल्वेनं त्याला 'अधिकारी पदी' प्रमोशन दिल्याचं जाहीर केलं आहे.

स्वप्निल कुसाळे याला दिलेलं पदोन्नतीचं पत्र (Reporter)

स्वप्निलच्या अचूक निशाण्यानं तिसरं कास्यपदक : मध्य रेल्वेचे महाव्यवस्थापक राम करण यादव यांनी सांगितलं की, स्वप्नील कुसाळे याला लवकरच अधिकारी पदी पदोन्नती देऊन ओएसडी (ऑफिसर ऑन स्पेशल ड्युटी) पद दिलं जाईल. बक्षिसाची रक्कमही रेल्वेकडून दिली जाणार आहे. सोबतच स्वप्निल याचं आगमन होताच भव्य स्वागताची तयारी सुरू असल्याची माहिती मध्य रेल्वेचे महाव्यवस्थापक राम करण यादव यांनी दिली आहे. पात्रता फेरीत सातव्या स्थानावर असलेल्या स्वप्नील यानं 8 नेमबाजांच्या अंतिम फेरीत 451.4 गुण मिळवलं आणि तिसरं स्थान मिळविलं. स्वप्निल हे आधी सहाव्या स्थानावर होते. त्यानंतर त्यांनी तिसरं स्थान मिळवलं. स्वप्निल कुसाळे यांच्या अचूक निशानेबाज कामगिरीमुळे या खेळांमधील भारताचे हे तिसरं कांस्यपदक आहे.

स्वप्निल कुसळे याची ओएसडी पदी नियुक्ती : स्वप्निल कुसाळे याची ओएसडी पदी नियुक्ती झाल्यानंतर त्याला मध्य रेल्वेच्या स्पोर्ट्स विभागाचा अधिकारी केलं जाणार आहे. स्वप्निल सध्या मध्य रेल्वेच्या पुणे मंडळात तिकीट चेकर या पदावर कार्यरत आहे. त्याची अधिकारी पदी नियुक्ती केल्यानंतर मुंबईत बदली केली जाणार असल्याची माहिती मध्य रेल्वेनं दिली आहे. याबाबत अधिक माहिती अशी की, जे कर्मचारी राष्ट्रीय किंवा आंतरराष्ट्रीय पातळीवरील खेळांची तयारी करतात त्यांना मध्य रेल्वेकडून विशेष सवलत दिली जाते. हे खेळाडू रेल्वे तसेच आपल्या देशाचं प्रतिनिधित्व करतात. त्यामुळे मध्य रेल्वे या कर्मचाऱ्यांना 365 दिवसांपैकी 300 दिवस खेळाच्या सरावासाठी विशेष सूट देते. या कर्मचाऱ्यांना कार्यालयात न येता आपल्या सरावाच्या ठिकाणी जाणं बंधनकारक असते. भारताच्या ऑलिम्पिक इतिहासात प्रथमच नेमबाजांनी एकाच खेळात तीन पदकं जिंकली आहेत.

हेही वाचा :