मुंबई : 2024 वर्ष संपण्यासाठी काही दिवसच उरले आहेत. यावर्षी भारतीय चित्रपटसृष्टीत अनेक मोठे चित्रपट रुपेरी पडद्यावर प्रदर्शित झाले होते. यापैकी काही चित्रपटानं बॉक्स ऑफिसवर रेकॉर्डही तोडले आणि जबरदस्त कमाई देखील केली. याशिवाय यावर्षातील खास चित्रपटांमधील दमदार कॅमिओ हा प्रेक्षकांना खूप आवडला होता. चित्रपटामधील काही कॅमिओ मोठ्या पडद्यावर आल्यावर प्रेक्षकांना देखील आश्चर्य वाटलं होतं. चला तर मग वर्षाच्या सुरुवातीपासून तर शेवटपर्यंतच्या चित्रपटांमधील दमदार कॅमिओवर एक नजर टाकूया.
Salman Khan in Singham Again 🤡
— Aman Verma (@cinebaap_yt) December 9, 2024
Salman Khan in Baby John 🔥
see the difference pic.twitter.com/lYkGecFDjq
'सिंघम अगेन' आणि 'भूल भुलैया 3'चा कॅमिओ : यंदाची दिवाळी चित्रपट रसिकांसाठी धमाकेदार ठरली. यावर्षी दिवाळीच्या शुभ मुहूर्तावर दोन मोठे चित्रपट चित्रपटगृहांमध्ये प्रदर्शित झाले होते. यात कार्तिक आर्यन स्टारर हॉरर कॉमेडी 'भूल भुलैया 3' आणि दुसरा रोहित शेट्टीचा 'सिंघम अगेन' होता. दोन्ही चित्रपटांनी बॉक्स ऑफिसवर जबरदस्त कमाई केली. 'भूल भुलैया 3'मध्ये शाहरुख खान कॅमिओ भूमिकेत दिसला होता, तर अजय देवगणच्या कॉप युनिव्हर्स 'सिंघम अगेन'मध्ये बॉलिवूड सुपरस्टार सलमान खाननं कॅमिओ करून प्रेक्षकांना आश्चर्यचकित केलं होतं. रोहित शेट्टीच्या चित्रपटात सलमान 'चुलबुल सिंघम'च्या भूमिकेत दिसला होता. चित्रपटाच्या शेवटी सलमानचा कॅमिओ वापरण्यात आला होता.
I think #AkshayKumar deserves credit for the movie #Stree2.His role in the movie is stronger and more entertaining than in #KhelKhelMain finally, Akshay Kumar will get a hit. and I hope it joins the 300 crore club." #Stree2Review pic.twitter.com/tS0SkH42Zr
— Sandeep Pathak⛳ (@iPandit_Pathak) August 14, 2024
'स्त्री 2' कॅमिओ : अभिनेत्री श्रद्धा कपूर आणि राजकुमार यांच्या हॉरर कॉमेडी 'स्त्री 2'मध्ये तमन्ना भाटिया आणि अक्षय कुमार कॅमिओ भूमिकेत दिसले होते. या चित्रपटातील अक्षय कुमारचा कॅमिओ पाहून प्रेक्षक चकित झाले होते. 'स्त्री 2' चित्रपटातील खिलाडी कुमारची एन्ट्री एखाद्या आश्चर्यकारक कॅमिओपेक्षा कमी नव्हती. याशिवाय तमन्नाची देखील एन्ट्रीमुळे प्रेक्षक खुश झाले होते.
Favourite cameo in #Kalki? pic.twitter.com/w8y7MsRAET
— Southwood (@Southwoodoffl) August 22, 2024
'कल्की 2898 एडी' कॅमिओ : 'कल्की 2898 एडी'मधील कॅमिओंमुळे प्रेक्षक आश्चर्यचकित झाले होतं. या चित्रपटामध्ये दिग्दर्शक एसएस राजामौली हे छोट्या भूमिकेत दिसले होते. 'कल्की 2898 एडी' चित्रपटातील राजामौली यांचा ॲक्शन सीन रिलीजच्या पहिल्याच दिवशी सोशल मीडियावर व्हायरल झाला होता. राजामौली यांची चित्रपटातील ही कॅमिओ भूमिका प्रेक्षकांना खूप आवडली होती. याशिवाय विजय देवरकोंडा, दुल्कर सलमान आणि मृणाल ठाकूर देखील 'कल्की 2898 एडी'मध्ये कॅमिओ भूमिकेत दिसले होते. मात्र एसएस राजामौली यांच्या कॅमिओनं प्रेक्षकांना अधिक आश्चर्यचकित केलं होतं.
Janhvi Kapoor in Teri Baaton Mein Aisa Uljha Jiya 🤍✨ pic.twitter.com/5kcbJmww05
— 𝐍𝐆𝐊11 𝕏 (@YoursNGK11) March 23, 2024
बॅड न्यूज कॅमिओ : आनंद तिवारी दिग्दर्शित विकी कौशल, तृप्ती डिमरी आणि एमी विर्क स्टारर 'बॅड न्यूज' या चित्रपटात अनन्या पांडे एका खास कॅमिओ भूमिकेत दिसली होती. या चित्रपटामध्ये अनन्यानं सेलिब्रिटीची भूमिका साकारली होती.
तेरी बातों में ऐसा उल्झा जिया कॅमिओ : शाहिद कपूर आणि क्रिती सेनॉन अभिनीत 'तेरी बातों में ऐसा उल्झा जिया' या चित्रपटातील जान्हवी कपूरच्या कॅमिओनं एक नवीन ट्विस्ट आणला होता. या कॅमिओनं प्रेक्षकांना आश्चर्यचकित केलं होतं. क्लायमॅक्स सीनमध्ये जान्हवी कपूरची सरप्राईज एन्ट्री झाली होती. ती साइंस-फिक्शन रोमँटिक कॉमेडी चित्रपटात अचानक रोबोटिक्स कंपनीत नवीन कर्मचारी म्हणून दिसली होती.
बेबी जॉन : वरुण धवनच्या 'बेबी जॉन'मध्ये या वर्षातील सर्वात आश्चर्यकारक कॅमिओ होणार आहे. 25 डिसेंबरला रिलीज होत असलेल्या या चित्रपटात सलमान खान अनोख्या अंदाजात दिसणार आहे. 'बेबी जॉन'च्या ट्रेलरमध्ये 'भाईजान'ची झलक पाहून सर्वांनाच आश्चर्याचा धक्का बसला आहे.
