मुंबई - Indian 2 Trailer : कमल हसनच्या 'इंडियन 2' चा बहुप्रतीक्षित ट्रेलर 25 जून रोजी संध्याकाळी रिलीज झाला. हा चित्रपट शंकर दिग्दर्शित 1996 मध्ये आलेल्या ब्लॉकबस्टर 'इंडियन'चा सिक्वेल आहे. ट्रेलरची सुरुवात देशातील वाढती बेरोजगारी, बोकाळलेल्या भ्रष्टाचाराबाबत लोकांमध्ये चिंता पसरवण्याच्या दृश्याने होते. कमल हासन 28 वर्षांनी पुन्हा एकदा या चित्रपटातून एक जागरुक स्वातंत्र्यसैनिक आणि सेनापती म्हणून आपल्या भूमिकेत परतल्याचं पाहायला मिळणार आहे. हा चित्रपट जुलैमध्ये प्रदर्शित होत आहे.
'इंडियन 2' चित्रपटाचा ट्रेलर पाहून सोशल मीडियावर प्रतिक्रियांचा महापूर आला आहे. नेटिझन्सनी कमल हासनच्या सेनापतीचं स्वागत केलं आहे. "कमल हासन अधिक एस शंकर यांची ब्लॉकबस्टर मुव्ही", असं एकानं वर्णन केलंय. "विक्रम नंतर आता भारताची घटना हिंदुस्थानी वाचवणार", अशी एका प्रेक्षकाची प्रतिक्रिया आहे. "1996 मध्ये रिलीज झालेला हिंदुस्थानी किंवा इंडियनची आठवण झाली. त्याचा दुसरा भाग पाहणं हे खरंच नॉस्टेल्जिक आहे", असं एकानं म्हटलंय.
28 वर्षांनी सेनापतीच्या भूमिकेत परतला कमल हासन
कमल हसन स्टारर 'इंडियन 2' चा ट्रेलर मंगळवारी संध्याकाळी रिलीज झाला. शंकर दिग्दर्शित, हा चित्रपट 1996 मध्ये आलेल्या 'इंडियन' चित्रपटाचा सिक्वेल आहे. हा चित्रपट हिंदुस्थानी या नावानंही हिंदीत प्रदर्शित झाला होता आणि यामध्ये कमल हासननं व्यवस्थेतील भ्रष्टाचाराविरुद्ध लढणाऱ्या सेनापती नावाच्या स्वातंत्र्यसैनिकाची भूमिका साकारली होती. कमल या भूमिकेत अप्रतिम दिसत आहे.
