हार्दिक पांड्यापासून विभक्त झाल्यानंतर नताशा स्टॅनकोविचची पहिली सोशल मीडिया पोस्ट - Natasa Stankovic post

Natasa Stankovic post : हार्दिक पांड्यापासून विभक्त झाल्याची घोषणा केल्यानंतर अभिनेत्री नताशा स्टॅनकोविकने त्यांचा मुलगा अगस्त्य बरोबरची पहिली पोस्ट सोशल मीडियावर शेअर केली. नताशा आणि हार्दिकच्या विभक्त होण्याच्या पोस्टमध्ये मुलगा अगस्त्य याची पालक म्हणून जबाबदारी स्वीकारल्याचं म्हटलं होतं.

मुंबई -Natasa Stankovic post : नताशा स्टॅनकोविच आणि हार्दिक पांड्या यांनी अनेक महिन्यांपासून सुरू असलेल्या घटस्फोटाच्या चर्चांना पूर्णविराम देत विभक्त होण्याची अधिकृत घोषणा केली आहे. त्यांनी एक संयुक्त निवेदन जारी केलं आणि त्यांच्या निर्णयामागील कठीणता मान्य करून त्यांचा 3 वर्षांचा मुलगा अगस्त्य याच्या सह-पालकत्वाची जबाबदारी घेत असल्याचं सांगितलं.

घटस्फोटाची बातमीला प्रसिद्धी मिळाल्यानंतर नताशानं तिच्या सोशल मीडियावर अगस्त्यचा एक हृदयस्पर्शी व्हिडिओ शेअर केला. हार्दिकपासून विभक्त झाल्याची घोषणा केल्यानंतर ही तिची पहिली सोशल मीडिया अ‍ॅक्टिव्हिटी आहे. अभिनेत्री नताशा नुकतीच मुंबई विमानतळावर अगस्त्य याच्या बरोबर दिसली होती. ते नताशाच्या मूळ गावी, सर्बियाला परत जात होते. पापाराझींची उपस्थिती असूनही तिनं बॅग सावरणं आणि आपल्या मुलाला मार्गदर्शन करण्यावर लक्ष केंद्रित केलं होतं.

View this post on Instagram

A post shared by @natasastankovic__

18 जुलै रोजी, हार्दिक पांड्या आणि नताशा यांनी त्यांच्या संबंधित सोशल मीडिया हँडलवर विभक्त झाल्याची घोषणा केली. "4 वर्षे एकत्र राहिल्यानंतर, नताशा आणि मी एकमेकांपासून वेगळे होण्याचा निर्णय घेतला आहे. आम्ही एकत्र प्रयत्न केले आणि आमच्या बाजूनं सर्व काही दिलं आहे. आम्हाला विश्वास आहे की हे आमच्या दोघांच्या हिताचे आहे," असं पोस्टमध्ये म्हटलं होतं.

या विभक्त झालेल्या जोडप्यानं असंही ठामपणे सांगितलं की त्यांचं अनेक वर्षांचे नातं संपवणं हा त्यांच्यासाठी कठीण निर्णय होता. "आम्ही एकत्र आनंद, परस्पर आदर आणि साहचर्य लक्षात घेऊन आणि आम्ही एक कुटुंब म्हणून वाढलो. त्यामुळं आमच्यासाठी हा खूपच कठीण निर्णय होता." पोस्टमध्ये पुढे असे लिहिले आहे की, "आमचे अगस्त्यवर कायम आशीर्वाद राहतील. तो आमच्या दोघांच्याही जीवनाच्या केंद्रस्थानी राहील आणि आम्ही त्याच्या आनंदासाठी पालक म्हणून जे काही करू शकतो ते नक्की करु. आम्ही तुमच्या समर्थनाची मनापासून विनंती करतो आणि या कठीण आणि संवेदनशील काळात आम्हाला गोपनीयता देण्यासाठी सहकार्य केल्याबद्दल आम्ही आभारी आहोत. हार्दिक आणि नताशा."

2018 पासून दोघांचे नाते अफवांचा विषय बनले होते, नताशानं 2019 च्या इन्स्टाग्राम पोस्टमध्ये सार्वजनिकपणे पांड्याला तिचा 'बेस्ट फ्रेंड' म्हटलं होतं. 1 जानेवारी 2020 रोजी त्यांनी लग्न केलं आणि त्याच वर्षी जुलैमध्ये अगस्त्य हा मुलगा त्यांच्या संसारत आला. 14 फेब्रुवारी 2023 रोजी उदयपूरमध्ये त्यांनी पुन्हा एकदा आपल्या नात्याची शपथ घेतली होती.

हेही वाचा -