मुंबई - Kartik in Bhool Bhulaiyaa 3 : रोमँटिक भूमिकांमुळे तरुणाईमध्ये प्रचंड लोकप्रिय असलेला अभिनेता कार्तिक आर्यन आता स्वतःला आव्हान देण्यासाठी वेगवेगळ्या पात्रांचा शोध घेत आहे. कार्तिक त्याच्या बहुप्रतिक्षित 'भूल भुलैया 3' चित्रपटाच्या शूटिंगमध्ये बिझी असतानाच त्याच्या विशाल भारद्वाज बरोबरच्या आगामी चित्रपटाचीही चर्चा जोरात सुरू आहे. कार्तिक आर्यन आगामी थ्रिलर चित्रपटासाठी विशालच्या बरोबर काम करणार असल्याच्या चर्चा रंगल्या आहेत.
विशाल भारद्वाज दिग्दर्शित 2025 मध्ये प्रदर्शित होणाऱ्या थ्रिलर चित्रपटावर कार्तिक आर्यन सध्या चर्चा करत आहे. या चित्रपटातील भूमिकेमुळे कार्तिकची अभिनय क्षमता वेगळ्या उंचीवर जाऊ शकते. डिजीटल रिलीजसाठी ओळखला जाणारा विशाल भारद्वाज एका नव्या प्रोजेक्टसह पुनरागमन करण्याच्या तयारीत आहे. 2018 मध्ये त्याचा 'पटाखा' हा चित्रपट प्रदर्शित झाला. त्यानंतर तो काही काळ रुपेरी पडद्यापासून थोडा दूर गेला होता. आता पुन्हा एकदा नव्या चित्रपटाची तो तयारी करत आहे.
कार्तिकच्या चाहत्यांसाठी ही खूप आनंदाची बातमी आहे. सध्या तो विद्या बालन आणि तृप्ती दिमरी यांच्या बरोबर 'भूल भुलैया 3' मध्ये काम करत आहे. या चित्रपटाकडून चाहत्यांना खूप मोठ्या अपेक्षा आहेत.
अलीकडेच, कार्तिकने इंस्टाग्राम स्टोरीजवर 'भूल भुलैया 3' च्या शूटिंग सेटवरील एक झलक शेअर केली आहे. दिग्दर्शक अनीस बज्मीच्या पायाला दुखापत असतानाही तो नाईट शिफ्टमध्येही काम करत असल्याचे व्हिडिओवरून दिसून आले होते. या महिन्याच्या सुरुवातीला चित्रपटाचे शूटिंग सुरू झालं आहे. विशेष म्हणजे अनीस बज्मी जखमी असूनही पायात प्रॅक्चरसह व्हीलचेअरवरून दिग्दर्शन करत आहे.
'भूल भुलैया 3' चित्रपट यंदाच्या दिवाळीत रिलीज होणार आहे. त्याच्याकडे याशिवाय 'आशिकी 3', कबीर खानचा 'चंदू चॅम्पियन' आणि करण जोहरचा शीर्षक न ठरलेल्या एका चित्रपटासह इतरही रोमांचक चित्रपट आहेत. हंसल मेहताच्या 'कॅप्टन इंडिया'मध्येही तो काम करत आहे.
हेही वाचा -
