कथित बॉयफ्रेंड जहीर इक्बालनं सोनाक्षी सिन्हाला दिल्या वाढदिवसाच्या शुुभेच्छा, केली पोस्ट शेअर - sonakshi sinha birthday

Happy Birthday Sonakshi Sinha : कथित बॉयफ्रेंड जहीर इक्बालनं सोनाक्षी सिन्हाला सोशल मीडियावर एक पोस्ट शेअर करून वाढदिवसाच्या शुभेच्छा दिल्या आहेत. आता त्याची पोस्ट ही व्हायरल होत आहे.

मुंबई - Happy Birthday Sonakshi Sinha : अभिनेत्री सोनाक्षी सिन्हा संजय लीला भन्साळी यांच्या 'हीरामंडी' या डेब्यू वेब सीरीजच्या यशाचा आनंद घेत आहे.'हीरामंडी'मधील 'फरीदान' या व्यक्तिरेखेला चांगला प्रतिसाद मिळत आज 2 जून रोजी तिचा 37 वा वाढदिवस आहे. दरम्यान कथित बॉयफ्रेंड बॉलिवूड अभिनेता जहीर इक्बालनं तिला वाढदिवसाच्या शुभेच्छा दिल्या आहेत. जहीरनं त्याच्या इंस्टाग्राम अकाउंटवर सोनाक्षीबरोबरचे काही फोटो शेअर करत कॅप्शनमध्ये लिहिलं, "हॅपी बर्थडे सोनाज." फोटोमध्ये सोनाक्षी ही जहीरबरोबर खूप खुश दिसत आहे. आता सोनाक्षीचा हे फोटो पाहून अनेकजण तिला वाढदिवसाच्या शुभेच्छा देताना दिसत आहेत.

सोनाक्षी आणि जहीरच्या नात्याची अफवा : बर्थडे गर्ल सोनाक्षी सिन्हानेही जहीरच्या या पोस्टवर प्रतिक्रिया दिली आहे. या फोटोच्या कमेंट विभागात तिनं लाल हार्ट आणि हसरा चेहरा असलेले इमोजी शेअर केले आहेत. याशिवाय इतर चाहत्यांनीही दोघांवर प्रेमाचा वर्षाव केला आहे. सोनाक्षी आणि जहीरनं 'डबल एक्सएल' चित्रपटात एकत्र काम केलंय. एका संवादरम्यान जहीर म्हटलं होतं की, सोनाक्षीबरोबरच्या डेटिंग अफवांची तो पर्वा करत नाही. सोनाक्षी आणि जहीर खूपदा एकत्र स्पॉट होतात. त्याचे अनेक व्हिडिओ सोशल मीडियावर व्हायरल झालेले आहेत. याशिवाय सोनाक्षीच्या चाहत्यांना त्यांची जोडी खूप आवडते. अनेकदा सोनाक्षी जहीरबरोबर फोटो सोशल मीडियावर शेअर करत असते.

सोनाक्षी सिन्हाचा आगामी चित्रपट : दरम्यान सोनाक्षीच्या आगामी वर्कफ्रंट बोलायचं झालं तिची आताच प्रदर्शित झालेली वेब सीरीज 'हीरामंडी' ही अनेकांना आवडली आहे. या वेब सीरीमधील तिचा अभिनय अनेकांना पसंत पडला. तिनं 'हीरामंडी' वेब सीरीजसाठी खूप मेहनत केली असल्याचं तिनं एका मुलाखतीत सांगितलं होतं. आता पुढं ती 'निकिता रॉय अ‍ॅन्ड द बुक ऑफ डार्कनेस' या चित्रपटामध्ये दिसणार आहे. याशिवाय ती 'हाऊसफुल 5'मध्ये अक्षय कुमारबरोबर स्क्रिन शेअर करताना दिसेल. या चित्रपटाचं दिग्दर्शन तरुण मनसुखानी करणार आहे. 'हाऊसफुल 5'ची निर्मिती साजिद नाडियादवाला करत आहे.

हेही वाचा :