മൂന്നാർ ഭൂമികൈയ്യേറ്റം; ഭൂസംരക്ഷണ സേന ഉദ്യോഗസ്ഥരെ സ്ഥലം മാറ്റി കളക്‌ടറുടെ ഉത്തരവ്, സ്റ്റേ ചെയ്‌ത് ഹൈക്കോടതി

ഇടുക്കി: മൂന്നാർ കയ്യേറ്റമൊഴിപ്പിക്കലുമായി ബന്ധപ്പെട്ട ഭൂസംരക്ഷണ സേന ഉദ്യോഗസ്ഥരെ സ്ഥലം മാറ്റിയ ഇടുക്കി കലക്‌ടറുടെ ഉത്തരവ് സ്റ്റേ ചെയ്‌ത് ഹൈക്കോടതി. സ്ഥലം മാറ്റ നടപടി ദുരുദ്ദേശപരമെന്ന് അമിക്കസ് ക്യൂറി കോടതിയെ അറിയിച്ചിരുന്നു. തുടർന്നാണ് കോടതി കലക്‌ടറുടെ നടപടി സ്റ്റേ ചെയ്‌തത്.

ദേവികുളത്ത് കയ്യേറ്റമൊഴിപ്പിക്കലുമായി ബന്ധപ്പെട്ട ഭൂമി പരിശോധനയ്ക്ക് എത്തിയ ഭൂസംരക്ഷണ സേന ഉദ്യോഗസ്ഥർക്ക് നേരെ സിപിഐ പ്രാദേശിക നേതാവ് ഭീഷണി മുഴക്കിയതിനു പിന്നാലെയായിരുന്നു സ്ഥലം മാറ്റിക്കൊണ്ടുള്ള കലക്‌ടറുടെ ഉത്തരവ് വന്നത്.