കോഴിക്കോട് : വടകര, കോഴിക്കോട് ലോക്‌സഭ മണ്ഡലങ്ങളിലെ സ്ഥാനാര്‍ഥികള്‍ക്കുള്ള ചിഹ്നങ്ങള് വ്യക്തമായി. പ്രധാന രാഷ്ട്രീയ പാര്‍ട്ടികളുടെ ചിഹ്നങ്ങളിൽ പുതുമയില്ലെങ്കിലും സ്വതന്ത്രന്മാർമാരുടെ ചിഹ്നങ്ങളിലാണ് പ്രധാന സ്ഥാനാർഥികളുടെ നോട്ടം. സ്വതന്ത്രനാണെങ്കിലും 'പാര'യാകാൻ മത്സരിക്കുന്നവരും ഈ പട്ടികയിൽ ഉണ്ടല്ലോ. അപ്പോൾ ചിഹ്നങ്ങളിൽ എവിടെയെങ്കിലും സാമ്യത വന്നാൽ പരാതി പ്രളയമായിരിക്കും. അതുകൊണ്ട് തന്നെ ചിഹ്നങ്ങൾ പരിശോധിക്കാം.
വടകര മണ്ഡലത്തിലെ സ്ഥാനാര്‍ഥികളും ചിഹ്നങ്ങളും :
- പ്രഫുല്‍ കൃഷ്‌ണന്‍ (ബിജെപി) - താമര
- കെ കെ ശൈലജ ടീച്ചര്‍ (സിപിഎം) - ചുറ്റിക അരിവാള്‍ നക്ഷത്രം
- ഷാഫി പറമ്പില്‍ (കോണ്‍ഗ്രസ്) - കൈ
സ്വതന്ത്രര്‍
- കുഞ്ഞിക്കണ്ണന്‍ പയ്യോളി - ഓട്ടോറിക്ഷ
- മുരളീധരന്‍ - ഫ്രോക്ക്
- ശൈലജ പി (w/o കുഞ്ഞിരാമന്‍) - മോതിരം
- ഷാഫി (s/o മൊയ്‌തീന്‍) - ബാറ്റ്‌സ്‌മാന്‍
- ഷാഫി ടി പി (s/o അബ്‌ദുള്‍ റഹ്‌മാന്‍ ടി പി) - ഗ്ലാസ് ടംബ്ലര്‍
- ഷൈലജ (w/o ജയകൃഷ്‌ണന്‍) - ഡിഷ് ആന്‍റിന
- കെ കെ ഷൈലജ (w/o രാജന്‍) - പായ് - വഞ്ചിയും തുഴക്കാരനും
കോഴിക്കോട് മണ്ഡലത്തിലെ സ്ഥാനാര്‍ഥികളും ചിഹ്നങ്ങളും :
- അറമുഖന്‍ (ബിഎസ്‌പി) - ആന
- എളമരം കരീം (സിപിഎം) - ചുറ്റിക അരിവാള്‍ നക്ഷത്രം
- എം ടി രമേശ് (ബിജെപി) - താമര
- എം കെ രാഘവന്‍ (കോണ്‍ഗ്രസ്) - കൈ
- അരവിന്ദാക്ഷന്‍ നായര്‍ (ഭാരതീയ ജവാന്‍ കിസാന്‍ പാര്‍ട്ടി) - ഡയമണ്ട്
- ഡോ. എം ജ്യോതിരാജ് (എസ്‌യുസിഐ -കമ്മ്യൂണിസ്‌റ്റ്) - ബാറ്ററി ടോര്‍ച്
സ്വതന്ത്രര്‍
- അബ്‌ദുല്‍ കരീം (s/o അയമ്മദ് കുട്ടി) - ബീഡ് നെക്ലെയ്‌സ്
- അബ്‌ദുല്‍ കരീം (s/o മഹമ്മൂദ്) - ഡിഷ് ആന്‍റിന
- അബ്‌ദുല്‍ കരീം (s/o അസൈന്‍) - ബെല്‍റ്റ്
- എന്‍ രാഘവന്‍ (s/o ദാമു) - പേന സ്‌റ്റാന്‍ഡ്
- രാഘവന്‍ (s/o നാരായണന്‍ നായര്‍) - ഗ്ലാസ് ടംബ്ലർ
- ടി രാഘവന്‍ (s/o വെള്ളന്‍കുട്ടി) - ലേഡി ഫിങ്കര്‍
- ശുഭ - ടെലിവിഷന്‍
ചിഹ്നങ്ങളുടെ കാര്യത്തില്‍ നേരത്തേ തീരുമാനമായവർ പ്രചാരണത്തിന്‍റെ പല ഘട്ടങ്ങൾ പിന്നിട്ട് കഴിഞ്ഞു. പെരുന്നാള്‍, വിഷു ആശംസകൾ നേരാനുള്ള തിരക്കിലായിക്കഴിഞ്ഞു അവർ. എന്നാൽ ചിഹ്നം അനുവദിച്ച് കിട്ടിയ അപര സ്വതന്ത്രൻമാരിൽ പലരും അവരുടെ അടയാളങ്ങളെ കുറിച്ച് പഠിച്ച് വരുന്നതേയുള്ളൂ.
