ഹൈദരാബാദ്: ഫുട്ബോൾ താരം ക്രിസ്റ്റ്യാനോ റൊണാൾഡോ സമൂഹമാധ്യമമായ എക്‌സില്‍ പോസ്റ്റ് ചെയ്‌ത ഒരു വീഡിയോയെ ചൊല്ലിയാണ് ആരാധക്കിടയില്‍ ഇപ്പോള്‍ ചര്‍ച്ച. വീഡിയോയിൽ റൊണാൾഡോയുടെ വീടിന്‍റെ ചുമരിൽ ക്രിക്കറ്റ് താരം എം.എസ് ധോണിയുടെ ജേഴ്‌സി 7. ഇത് കണ്ട് റൊണാൾഡോ ധോണിയുടെ ആരാധകനാണോയെന്ന് സമൂഹമാധ്യമങ്ങളില്‍ ആരാധകർക്കിടയില്‍ ആകാംക്ഷയായി.
റൊണാൾഡോയുടെ വീട്ടിൽ ധോണിയുടെ ജേഴ്‌സി എങ്ങനെ?, ധോണി തന്‍റെ ജേഴ്‌സി റൊണാൾഡോയ്ക്ക് സമ്മാനിച്ചോ? നെറ്റിസൺസ് ചോദ്യങ്ങൾ ഉയർത്തിക്കൊണ്ടിരുന്നു. റൊണാൾഡോയുടെ വീഡിയോ സമൂഹമാധ്യമങ്ങളില്‍ വൈറലായിരുന്നു.
— Cristiano Ronaldo (@Cristiano) August 15, 2024
എന്നാല്‍ റൊണാൾഡോയുടെ വീട്ടിൽ താരത്തിന്‍റെ കൈവശമുള്ള ഏഴാം നമ്പർ ജേഴ്‌സി ധോണിയുടേതല്ലെന്നാണ് റിപ്പോർട്ട്. കഴിഞ്ഞ 20 വർഷമായി റൊണാൾഡോ ഏഴാം നമ്പർ ജേഴ്‌സിയാണ് ഉപയോഗിക്കുന്നതെന്നതും ശ്രദ്ധേയമാണ്. സഊദി ക്ലബായ അൽ-നസറുമായി കരാർ ഒപ്പിട്ട ശേഷവും റൊണാൾഡോ 7-ാം നമ്പർ ജേഴ്‌സി ധരിക്കുന്നത് തുടരുന്നു. വീഡിയോയിൽ പിന്നിലുള്ള ഏഴാം നമ്പർ ജേഴ്‌സി അൽ-നാസറിന്‍റേതാണെന്നും പറയപ്പെടുന്നു. 2003 മുതൽ 2009 വരെ മാഞ്ചസ്റ്റർ യുണൈറ്റഡിനായി കളിച്ച റൊണാൾഡോ ഇപ്പോഴും ഏഴാം നമ്പർ ജേഴ്‌സിയാണ് ധരിക്കുന്നത്.
നേരത്തെ റയൽ മാഡ്രിഡിന് വേണ്ടി കളിക്കുമ്പോൾ ഒമ്പതാം നമ്പർ ജേഴ്‌സി ധരിച്ചിരുന്നു. അതിനുശേഷം യുവന്‍റ്സ് ടീമിലെത്തിയ റൊണാൾഡോ വീണ്ടും ഏഴാം നമ്പർ ജേഴ്‌സിയിലേക്ക് മാറി. 2021ൽ മാഞ്ചസ്റ്ററുമായി കരാർ ഒപ്പിട്ട റൊണാൾഡോ ഏഴാം നമ്പർ ജേഴ്‌സിയിൽ തുടരുകയാണ്. 2023-ൽ മാഞ്ചസ്റ്റർ യുണൈറ്റഡ് വിട്ട് അൽ-നസറിൽ ചേർന്നതിന് ശേഷം റൊണാൾഡോ അതേ നമ്പർ 7 ജേഴ്‌സി ധരിക്കുന്നു.
അതേസമയം, ഫസ്റ്റ് ക്ലാസ് ക്രിക്കറ്റിലും ഐപിഎൽ മത്സരങ്ങളിലും അന്താരാഷ്ട്ര ക്രിക്കറ്റിലും ധോണി ഏഴാം നമ്പർ ജേഴ്‌സി ഉപയോഗിക്കുന്നുണ്ട്. അന്താരാഷ്ട്ര ക്രിക്കറ്റിൽ നിന്ന് ധോണി വിരമിച്ചതിന് ശേഷം ബിസിസിഐ ഏഴാം നമ്പര്‍ പിന്‍വലിച്ചു. ഇനി ഇന്ത്യൻ ടീമിലെ ഒരു കളിക്കാരനും അവരുടെ ജേഴ്‌സിയുടെ പിന്നിൽ ഏഴാം നമ്പർ ധരിക്കാൻ കഴിയില്ലെന്നത് ശ്രദ്ധേയമാണ്.
