ദേർ അൽ-ബലാഹ്: വടക്കൻ ലെബനനിലെ അപ്പാർട്ട്മെന്‍റ് കെട്ടിടത്തിൽ ഇസ്രയേൽ വ്യോമാക്രമണത്തിൽ 18 പേർ കൊല്ലപ്പെട്ടതായി ലെബനീസ് റെഡ് ക്രോസ് അറിയിച്ചു. ഹിസ്ബുള്ളയുടെ ശക്തികേന്ദ്രങ്ങളിൽ നിന്ന് വളരെ അകലെ, ലെബനന്‍റെ തെക്ക്- കിഴക്ക് ഭാഗത്തുള്ള ഐറ്റോ ഗ്രാമത്തിലെ ഒരു ചെറിയ അപ്പാർട്ട്മെന്‍റിലാണ് ഇസ്രയേല്‍ ആക്രമണം നടത്തിയത്. അതേസമയം, ഇസ്രയേൽ സൈന്യം ഇത് സംബന്ധിച്ച് പ്രതികരിച്ചിട്ടില്ല.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
ഗാസ മുനമ്പിലെ ആശുപത്രി അങ്കണത്തിൽ ഇന്ന് ഇസ്രയേൽ നടത്തിയ വ്യോമാക്രമണത്തിൽ നിരവധി പേരാണ് കൊല്ലപ്പെട്ടത്. സിവിലിയന്മാർക്കിടയിൽ ഒളിച്ചിരിക്കുന്ന തീവ്രവാദികളെ ലക്ഷ്യമിട്ടാണ് ആക്രമണം നടത്തുന്നത് എന്നാണ് ഇസ്രയേലിന്‍റെ ന്യായീകരണം. സാധാരണക്കാര്‍ അഭയം തേടുന്ന ഷെൽട്ടറുകളും ക്യാമ്പുകളുമാണ് ഇസ്രയേല്‍ ആക്രമിക്കുന്നത്.
