എറണാകുളം : അപ്പാനി ശരത്, ശ്വേതാ മേനോൻ, ശബരീഷ് വർമ എന്നിവർ പ്രധാന കഥാപാത്രങ്ങളായി മനോജ് ടി യാദവ് എഴുതി സംവിധാനവും ചെയ്യുന്ന ജങ്കാർ എന്ന ചിത്രത്തിന്റെ ഫസ്റ്റ് ലൂക്ക് പോസ്റ്റർ പുറത്തിറങ്ങി. ത്രില്ലർ ജോണർ പ്രതിഫലിപ്പിക്കുന്ന പോസ്റ്റർ ചിത്രത്തെ കുറിച്ചുള്ള പ്രതീക്ഷകൾക്ക് സാധ്യത വർദ്ധിപ്പിച്ചിട്ടുണ്ടെന്ന് റിപ്പോർട്ട്.
എംസി മുവീസിന്റെ ബാനറിൽ ബാബുരാജ് എംസി നിർമ്മിക്കുന്ന ചിത്രത്തിൽ അപ്രതീക്ഷിതമായി ഒരു തുരുത്തിലേക്ക് എത്തപ്പെടുന്ന യുവാവും, യുവതിയും അവിടെ നേരിടേണ്ടിവരുന്ന സംഭവബഹുലമായ കാര്യങ്ങളാണ് പ്രമേയമാക്കുന്നത്. പകയും പ്രതികാരവും പ്രണയവുമെല്ലാം ചിത്രത്തിന്റെ പശ്ചാത്തലത്തെ ബലപ്പെടുത്തുന്നു.
അപ്പാനി ശരത്തിന്റെ അഭിനയ ജീവിതത്തിലെ മികച്ച കഥാപാത്രങ്ങളിൽ ഒന്നാകും ജങ്കാറിലേത്. സുധീർ കരമന, അജ്മൽ സെയിൻ, ബൈജു പി കലാവേദി, ഷീല ശ്രീധരൻ, രേണു സൗന്ദർ, സ്നേഹ, ആലിയ, അമിത മിഥുൻ, ഗീതി സംഗീത, ജോബി പാല, സലീഷ് വയനാട്, നവനീത് കൃഷ്ണ, ഷാബു പ്രൌദീൻ, രാജു, റാം, അനീഷ് കുമാർ, കുമാർ തൃക്കരിപ്പൂർ, പ്രിയ കോട്ടയം, ഷജീർ അഴിക്കോട് എന്നിവരും ചിത്രത്തിൽ പ്രധാന കഥാപാത്രങ്ങളായി എത്തുന്നു .