തിരുവനന്തപുരം : ഇന്ത്യന്‍ റെയില്‍വേയില്‍ 18,799 ലോക്കോ പൈലറ്റുമാരുടെ ഒഴിവുകള്‍ നികത്താനുണ്ടെന്ന് റെയില്‍വേ റിക്രൂട്ട്‌മെന്‍റ്‌ ബോര്‍ഡ് അറിയിച്ചു. അസിസ്റ്റന്‍റ്‌ പൈലറ്റുമാരുടെ 5,696 ഒഴിവിലേക്ക് ഈ വര്‍ഷം ആദ്യം ക്ഷണിച്ചിരുന്ന അപേക്ഷയ്ക്കു പുറമേയാണിത്. പുതിയ നിര്‍ദേശങ്ങള്‍ക്കായി ഉദ്യോഗാര്‍ഥികള്‍ റെയില്‍വേ റിക്രൂട്ട്‌മെന്‍റ്‌ ബോര്‍ഡുകളുടെ വെബ്സൈറ്റ് ഇടയ്ക്കിടെ പരിശോധിക്കണമെന്ന് ബോര്‍ഡ് ചെയര്‍മാന്‍ അറിയിച്ചു. തിരുവനന്തപുരം ആര്‍ആര്‍ബിയുടെ വെബ്സൈറ്റ് - www.rrbthiruvananthapuram.gov.in.
ബെലില്‍ 20 പ്രോജക്‌ട്‌ എന്‍ജിനീയര്‍മാരുടെ ഒഴിവ്‌
ഭാരത് ഇലക്ട്രോണിക്‌സ്‌ ലിമിറ്റഡിന്‍റെ (ബെല്‍) ഗാസിയാബാദ് യൂണിറ്റില്‍ പ്രോജക്‌ട്‌ എന്‍ജിനീയര്‍മാരുടെ 20 ഒഴിവുകളിലേക്ക് കരാര്‍ അടിസ്ഥാനത്തില്‍ അപേക്ഷ ക്ഷണിച്ചു. ശമ്പളം: 40,000-55,000 രൂപ. 55 ശതമാനം മാര്‍ക്കോടെ കമ്പ്യൂട്ടര്‍ സയന്‍സിലുള്ള ബിഇ/ബിടെക് പ്രോഗ്രാമിങ് ലാംഗ്വേജുകളില്‍ 2 വര്‍ഷത്തെ പ്രവൃത്തി പരിചയം. പ്രായം 32 കവിയരുത്. തപാലിലാണ് അപേക്ഷ അയയ്‌ക്കേണ്ടത്. വിശദ വിവരങ്ങള്‍ക്ക് www.bel.india.in എന്ന വെബ് സൈറ്റ് സന്ദര്‍ശിക്കുക. അപേക്ഷ സ്വീകരിക്കുന്ന അവസാന തീയതി ജൂണ്‍ 28.
