ഹാജിപൂർ (ബിഹാർ) : ചരക്ക് ട്രെയിനിന്‍റെ രണ്ട് ബോഗികൾ പാളം തെറ്റിയതിനെ തുടർന്ന് ട്രെയിൻ ഗതാഗതം തടസപ്പെട്ടു. ബിഹാറിലെ സമസ്‌തിപൂർ ഡിവിഷനിലെ ബഗാഹ സ്‌റ്റേഷനിൽ ചൊവ്വാഴ്‌ച വൈകുന്നേരമാണ് ട്രെയിൻ പാളം തെറ്റിയത് (Bihar: Two Wagons Of Goods Train Derail At Bagaha Station, Operations Disrupted).
സംഭവത്തെ തുടർന്ന് ചില ട്രെയിനുകൾ വഴിതിരിച്ചുവിട്ടുണ്ട്. അതേസമയം ഈ റെയിൽവേ സെക്ഷനിലൂടെ കടന്നുപോകുന്ന ചില ട്രെയിൻ സർവീസുകൾ ഭാഗികമായി നിർത്തിവെച്ചെന്ന് ഈസ്‌റ്റ്‌ സെൻട്രൽ റെയിൽവേയിലെ ചീഫ് പബ്ലിക് റിലേഷൻസ് ഓഫിസർ പറഞ്ഞു.
അപകടത്തെക്കുറിച്ചുളള കൂടുതൽ വിവരങ്ങൾ പുറത്തു വന്നിട്ടില്ല. അതേസമയം കഴിഞ്ഞ തിങ്കളാഴ്‌ച രാവിലെ രാജസ്ഥാനിലെ അജ്‌മീറിന് സമീപം സബർമതിയിൽ നിന്ന് ആഗ്രയിലേക്ക് പോകുകയായിരുന്നു പാസഞ്ചർ ട്രെയിനിന്‍റെ നാല് കോച്ചുകൾ പാളം തെറ്റിയിരുന്നു.
