वाशिम: गुन्हा केला दुचाकीने; दंड झाला चारचाकीला

वाशिम जिल्ह्यासह (Washim District) अन्य शेजारील जिल्ह्यात मोटारसायकल चोरीचे प्रमाण मोठ्या प्रमाणात वाढले आहे. अशा चोरीच्या मोटारसायकलवर आपल्या मनाचा नंबर टाकून बिनधास्तपणे गाड्या चालवीत आहेत.

वाशिम : भरधाव वेगासह ट्रिपल सीट मोटारसायकलवरील प्रमाण मोठ्या प्रमाणात वाढले आहे. त्याचबरोबर मागील वर्षी लॉकडाऊनमध्ये विनाकारण रिकाम्या फिरणाऱ्यावर पोलिसांनी ऑनलाईन ई चलान सुरू केले. यादरम्यान वाशिम जिल्ह्यातील शिरपूर पोलिसांनी एका ट्रिपल सीट मोटारसायकलला ई चालान दिले होते. तिचा दंड मात्र चारचाकीला झाल्याचा प्रकार उघड झाला आहे. त्यामुळं जिल्ह्यात मोठ्या प्रमाणात चोरीचे वाहन असल्याचे दिसत आहे.

शिरपूर पोलिसांनी 8 जुलै 2020 रोजी एका ट्रिपल सीट मोटारसायकल MH 37 Z 302 या मोटारसायकलला ई चालान केले. मात्र, दंड वेळेवर न भरल्यामुळे कारवाईची नोटीस अभिजित गीदरा मालेगाव या चारचाकी मालकाला गेली. 200 रुपये दंड भरा किंवा लोकअदालतीमध्ये उपस्थित रहा असे कळविले त्यामुळं चारचाकी मालकाला धक्काच बसला. असा प्रकार घडल्याने, जिल्ह्यात अशा किती चोरीच्या नंबर प्लेटच्या गाड्या आहेत. दरम्यान या डुप्लिकेट मोटारसायकल चा तपास शिरपूर पोलिस करीत आहेत.

मोटारयसायकल चोरीचे प्रमाण वाढले
वाशिम जिल्ह्यासह अन्य शेजारील जिल्ह्यात मोटारसायकल चोरीचे प्रमाण मोठ्या प्रमाणात वाढले आहे. अशा चोरीच्या मोटारसायकलवर आपल्या मनाचा नंबर टाकून बिनधास्तपणे गाड्या चालवीत आहेत. मात्र, शिरपूर येथे घडलेल्या प्रकारामुळे परिवहन विभागाला अधिक लक्ष देण्याची गरज निर्माण झाली आहे.
हेही वाचा - Param Bir Waze Meeting : सिंग-वाझे भेटीबाबत चौकशीचे आदेश - गृहमंत्री वळसे