नवी मुंबई - ठाणे-बेलापूर रस्त्यावरिल काम सुरू असताना महानगर गॅसची पाईपलाईन फुटली. या पाईपलाईनमधून मोठ्या प्रमाणात गॅस गळती होत होती. यामुळे परिसरातील नागरिकांमध्ये घबराटीचे वातावरण निर्माण झाले. अग्निशनन दलाला घटनेची माहिती कळताच त्यांनी घटनास्थळी धाव घेत गॅस गळती रोखली. यामुळे मोठा अनर्थ टळला. ही घटना आज दुपारी दोन वाजण्याच्या सुमारास घडली.
ठाणे-बेलापूर रस्त्यावर पदपथाचे काम सुरू आहे. त्यासाठी क्रेनच्या सहाय्याने रस्ता खोदण्याचे काम सुरू होते. त्यावेळी क्रेन चालकाचा रस्ता शोधताना भूमिगत महानगर गॅसची पाईपलाईनला क्रेनचा धक्का लागला आणि पाईपलाईन फुटली. यावेळी मोठ्या प्रमाणात गॅसची गळती होऊ लागली. तब्बल एक तास या पाईपलाईनमधून गॅस गळती होत होती आणि त्याच्या आवाजामुळे आजूबाजूच्या परिसरात घबराट पसरली होती.
अग्निशमन दलाला याची माहिती मिळाली. तेव्हा अग्निशनम दलाच्या जवानांनी घटनास्थळी धाव घेतली आणि गॅस गळती रोखली. सुदैवाने या घटनेत कोणत्याही प्रकारे जिवीतहानी झालेली नाही. दरम्यान, पदपथाचे काम करताना योग्य ती काळजी घेतली नसल्याने ही घटना घडली असल्याचे बोलले जात आहे.
हेही वाचा - महाराष्ट्रात अनलॉक करण्याची घाई करणार नाही - मुख्यमंत्री उद्धव ठाकरे
हेही वाचा - सातासमुद्रापार बाप्पाचा गजर; अमेरिकेत पेणकर कुटुंबीयांनी केली गणरायाची प्रतिष्ठापना
