ठाणे: आरोपी विशाल उर्फ सोनू हा शहाड भागातील बंदरपाडा परिसरात कुटुंबासह राहतो. त्यातच २३ एप्रिल २०२० रोजी सकाळी ११ वाजल्याच्या सुमारास मृतक गणेशप्रसाद हा शहाड-बंदरपाडा परिसरातून सायकलवर किराणा दुकानातून सामान घेऊन जात होता. यावेळी सायकल चालवत असताना त्याला दम आणि थकवा जाणवल्याने शहाड भागातील बंदरपाडा येथील श्रेया पॅलेस गल्लीत सायकल थांबून गल्लीत विश्रंतीसाठी थांबला होता. तर दुसरीकडे त्यावेळीच सर्वत्र कोरोनाचा प्रादुभाव मोठ्या प्रमाणात होता. नागरिक त्यावेळी घाबरून होते. त्यातच परिसरातील काही नागरिकांनी मृत गणेशप्रसादला तो थकलेल्या अवस्थेत बसल्याचे पाहून काही नागरिकांनी त्याच्याकडे विचारपूस केली होती.
उपचारादरम्यान मृत्यू : नागरिकांनी विचारपूस केल्याने मृत गणेशप्रसाद त्या ठिकाणावरून जात असतानाच, कोरोना रुग्ण असल्याच्या संशयातून आरोपी विशाल उर्फ सोनुने गणेशप्रसादच्या दिशेने खुर्ची भिरकावून फेकली. त्यामुळे गणेशप्रसादने घाबरून पळ काढला. अचानक त्या ठिकाणी असलेल्या गटारात पडल्याने त्याच्या डोक्याला गंभीर दुखापत झाली होती. त्यावेळी त्याला उपचारासाठी रुग्णालयात दाखल करण्यात आले. मात्र त्याचा मृत्यू झाला होता. त्यावेळी खडकपाडा पोलिसांनी घटनेची नोंद करून तपास सुरू केला होता.
गुन्हा दाखल : ३५ महिन्याच्या पोलीस तपासानंतर त्याच्या मृत्यूस कारणीभूत विशाल उर्फ सोनू असल्याचे समोर येताच, सहाय्यक पोलीस निरीक्षक शरद झिने यांच्या तक्रारीवरून खडकपाडा पोलीस ठाण्यात विशाल उर्फ सोनूवर गुन्हा दाखल करण्यात आला. याचा पुढील तपास सहाय्यक पोलीस निरीक्षक ए. यशवंतराव करीत आहेत.
पोटात हवा भरण्यात आल्याने तरुणाचा मृत्यू: ठाणे जिल्ह्यातील भिवंडी शहरातील सिल्क मिल्स लूम कारखान्यात 2 डिसेंबर, 2021 रोजी अब्दुल मन्सूरी या तरुणाचा हवा पोटात भरण्यात आल्याने मृत्यू झाला होता. याप्रकरणी निजामपूर पोलीस ठाण्यात मृत्यूस कारणीभूत ठरलेल्या दोघा कामगारांवर गुन्हा दाखल करण्यात आला होता. त्या दोघांना अटक करण्यात आली होती.
मित्रामुळे झाला घात: मित्रांच्या थट्टेमुळे भिवंडीमधील कामगाराचे प्राण गेले होते. मोठ्या वाहनांच्या टायरमध्ये हवा भरणाऱ्या कॉम्प्रेशन प्रेशर मशीनचा पाईप तरुणाच्या गुदव्दारात लावून पोटात हवा भरण्यात आली. या तरुणाचा मृत्यू झाल्याची धक्कादायक घटना घडली होती. अब्दुल रफिक मन्सुरी (वय ३२) असे मृत्यू झालेल्या तरुणाचे नाव होते. भिवंडी शहरातील सिल्क मिल्स लूम कारखान्यात अब्दुल मन्सूरी या तरुणाचा हवा पोटात भरण्यात आल्याने मृत्यू झाला होता. याप्रकरणी निजामपूर पोलीस ठाण्यात मृत्यूस कारणीभूत ठरलेल्या दोघा कामगारांवर गुन्हा दाखल करण्यात आला होता. त्या दोघांना अटक करण्यात आली आहे.
