सोलापूर - बार्शीत अखिल भारतीय विद्यार्थी परिषदेच्यावतीने तीनशे फूट तिरंगा ध्वजाची रॅली काढण्यात आली. स्वातंत्र्यदिनाच्या पूर्वसंध्येला काढण्यात आलेल्या रॅलीत बार्शीतील सर्वच महाविद्यालयाचे विद्यार्थी आणि विद्यार्थिनी मोठ्या संख्येने सहभागी झाले होते.
बार्शीमध्ये तिरंगा रॅली
यावेळी सहभागी विद्यार्थ्यांनी देशभक्तीपर घोषणा दिल्या. बार्शी शहराच्या प्रमुख मार्गावरून निघालेल्या रॅलीने समस्त बार्शीकरांचे लक्ष वेधून घेतले. विद्यार्थ्यांच्या या रॅलीतून लोकांमध्ये देशप्रेमाचा संदेश जावा. देशनिष्ठा जागृत व्हावी, हीच भावना रॅली मागे असल्याचे अखिल भारतीय विद्यार्थी परिषदेच्यावतीने सांगण्यात आले.
