सांगली - जिल्ह्यातील कुरळपमध्ये दसऱ्यादिवशी पोलीस ठाण्यात दसरा साजरा केला जातो. दसऱ्यादिवशी सोने म्हणून आपट्याची पाने लुटण्याची कुरळपमध्ये पन्नास वर्षांची परंपरा आजही कायम आहे.
हेही वाचा - दसरा मेळावा! शिवसेनेसाठी आता सत्ता हिच 'शीव' झाली आहे का?
सांगली जिल्ह्यातील वाळवा तालुक्यातील कुरळप येथे आपट्याची पाने सोने म्हणून लुटण्याची परंपरा गेली पन्नास वर्षांपासून आजही सुरु आहे. दसऱ्यादिवशी सायंकाळी ६ वाजता हनुमान देवाची पालखी गावातील सर्व देवांची भेट घेऊन पोलीस ठाण्यात आणली जाते. यावेळी पहिले पोलीस पाटील रामराव विठोजी पाटील यांच्या व पोलीस अधिकारी यांच्या हस्ते आपट्याच्या पानांची पूजा करून पोलीस स्टेशनमध्ये जमलेल्या नागरिकांना ही आपट्याची पाने सोने म्हणुन लुटण्याची परंपरी होती.
हेही वाचा - बीड : ओबीसी समाजाला आम्हीच संवैधानिक अधिकार मिळवून दिला - अमित शाह
तीच परंपरा आजही त्यांच्या सुपुत्र व राजाराम बापू, पी. आर. पाटील व पोलीस अधिकारी अरविंद काटे यांच्या हस्ते आपट्याच्या पानाची पूजा केल्यानंतर गावातील जमलेले गावकरी पोलीस ठाण्यातच आपट्याच्या पानाच्या ढिगावर तुटून पडतात. सोने म्हणून पळवून नेऊन गावातील सर्व देवांना अर्पण करतात तर एकमेकांना आपट्याची पाने सोने घ्या सोन्यासारखे रहा असा संदेश दिले जातात.
हेही वाचा - 'मनसे' करणार का 'राज'कीय सीमोल्लंघन?
