पुणे - एक मराठा लाख मराठा अशा घोषणा देत चाकण औद्योगिक नगरीत मोठे आंदोलन उभे राहिले. या आंदोलनात अनेकांवर गुन्हेही दाखल करण्यात आले. मात्र आपण दिलेल्या संघर्षाला यश मिळाल्याने चाकणमध्ये फटाक्यांची आतिषबाजी करत एकमेकांना पेढे भरवून आनंदोत्सव साजरा करण्यात आला.
जल्लोष करताना नागरिक तर प्रतिक्रिया देताना कार्यकर्ते
महाराष्ट्रातील मराठा समाजाला सरकारी नोकऱ्या व शिक्षण प्रवेशात आरक्षण देणारा राज्य सरकारचा कायदा घटनेनुसार कायद्याच्या चौकटीत असल्याचा निर्णय मुंबई उच्च न्यायालयाने दिला. या निर्णयाचे चाकणमधील सकल मराठा समाजाने जोरदार स्वागत केले.
मराठा आरक्षण कायद्याला न्यायालयाने वैध ठरवल्याने नागरिकांनी एकमेकांना पेढे भरवले. फटक्यांची आतषबाजी करत 'एक मराठा, लाख मराठा', जय जिजाऊ.. जय शिवराय.. अशा घोषणा देत या निर्णयाचे स्वागत करण्यात आले.
