पुणे - दुचाकी आणि मोबाईल चोरी करणाऱ्या दोन आरोपींना वानवडी पोलिसांनी अटक केली आहे. पोलिसांनी जवळपास ३ लाख रूपये रकमेचे दुचाकी व मोबाईल जप्त केले आहेत. अशी माहिती पोलीस निरीक्षक क्रांतीकुमार पाटील यांनी दिली.
दोन चोरांना अटक, ३८ मोबाईल तर २ दुचाकी जप्त
राजू खरे आणि साहिल इनामदार अशी दोघां चोरांची नावे आहेत. त्यांनी शिवाजीनगर व वानवडी परिसरात केलेल्या चोऱ्या उघडकीस आणण्यात पोलिसांना यश आले आहे.
कारवाई दरम्यान पोलिसांनी दोन दुचाकी ज्याची किंमत ४० हजार रुपये आहे. तर ३८ मोबाईल ज्याची किंमत २ लाख ६० हजार रुपये एवढी किंमत आहे. असा एकूण ३ लाख रुपये रक्कम असलेली चोरी पोलिसांनी जप्त केली आहे. आरोपींनी अजून कुठे गुन्हे केले आहेत का? याचा तपास वानवडी पोलीस करत आहेत.
