पालघर - जिल्ह्यातील वाडा तालुक्यातील नाणे गावात स्वच्छ भारत अभियानाअंतर्गत शौचालयाची बांधकामे करण्यात येणार होती. मात्र, वाढीव कुटुंब तसेच तुटपुंज्या किंमतीत शौचालय बांधता आले नाही किंवा कुणाला त्याचा लाभ मिळाला नाही. अशा १२५ कुटुंबांच्या शौचालयांचे उद्घाटन जिल्हाधिकारी कैलास शिंदे यांच्या हस्ते करण्यात आले.
शौचालयामध्ये सौर दिव्यांचीही सोय करण्यात आली आहे. सर्वांनी शौचालयाचा वापर करावा आणि काही अडचणी असल्यास त्या दुरूस्त कराव्या, असे जिल्हाधिकारी कैलास शिंदे म्हणाले. तसेच स्वच्छ गाव आणि स्वच्छ पाणी, अशी संकल्पनाही त्यांनी यावेळी मांडली. स्वच्छ भारत अभियानाअंतर्गत पालघर जिल्ह्यातील नाणे गावात विविध संस्थांच्या पुढाकाराने आणि मदतीने बांधण्यात आलेल्या शौचालयांचे उद्घाटन त्यांनी यावेळी केले. यावेळी शौचालयात लागणारी प्लास्टिकची बादली आणि इतर साहित्य महिला वर्गाला देण्यात आले. यावेळी त्यांनी शौचालयाच्या वापरासोबतच स्वच्छ भारत अभियानाचे महत्त्व उपस्थितांना पटवून दिले.
हेही वाचा - शिवभोजन योजनेचा पालकमंत्री दादाजी भुसे यांच्या हस्ते शुभारंभ
हेही वाचा - वाडा ग्रामीण रुग्णालयात बेबी कॉर्नरची स्थापना, गरोदर मातांसह बालकांना पुरवणार अत्याधुनिक सुविधा
