नांदेड - अ‍ॅड. गुणरत्न सदावर्ते यांचा पाठलाग करुन त्यांचे फोटो काढणाऱ्या २ जणांना पोलिसांनी ताब्यात घेतले आहे. . गुणरत्न सदावर्ते हे शहरातील आयटीआय परिसरातून आपल्या वाहनामधून जात असताना २ युवकांनी त्यांचा पाठलाग करुन फोटो काढण्याचा प्रयत्न केला.
अ‍ॅड. गुणरत्न सदावर्ते
२ जण सदावर्ते यांचे फोटो घेत असल्याची बाब त्यांचे अंगरक्षक सांगळे व लाठकर यांच्या निदर्शनास आला. त्यांनी त्या २ युवकांना पकडून सुरुवातीला विमानतळ पोलिसांच्या ताब्यात दिले. परंतू, सदरील घटना शिवाजीनगर पोलिसांच्या हद्दीत घडली असल्याने विमानतळ पोलीस स्थानकाचे पो. नि. ननवरे यांनी त्या दोन युवकांना शिवाजीनगर पोलिसांच्या ताब्यात दिले आहे. अ‍ॅड. गुणरत्न सदावर्ते यांनी मराठा आरक्षण बेकायदेशीर असून हे आरक्षण बंद करावे या संदर्भाने उच्च न्यायालयात याचिका दाखल केली होती.
