नांदेड - लातूर जिल्ह्यातील उदगीरची जिल्हा निर्मिती होणार आहे. त्यामुळे देगलूर उदगीरमध्ये समाविष्ट होणार, याबाबतचे वृत्त प्रसारित होताच देगलूर तालुक्याला उदगीरला न जोडता, देगलूरलाच स्वतंत्र जिल्हयाचा दर्जा द्यावा, अशी मागणी या भागातील सर्वपक्षीय नेत्यांनी केली आहे.
देगलूरचे नाव कोणत्याही प्रस्तावित जिल्ह्याला न जोडता देगलूरलाच स्वतंत्र जिल्ह्याचा दर्जा द्यावा, या मागणीसाठी सर्व पक्षांचे नगरसेवक, राजकीय पदाधिकारी, सर्व जाती धर्माचे पदाधिकारी, सामजिक कार्यकर्ते यांच्या वतीने देगलूर येथे चिंतन बैठक आयोजित करण्यात आली होती. या बैठकीत देगलूर जिल्हा झाला पाहिजे, यासाठी समिती स्थापन करून लढा देण्याचा निर्णय घेण्यात आला. याबाबत शिष्टमंडळ जिल्हाधिकारी अरूण डोंगरे यांना भेटणार असल्याचे सांगण्यात आले.
हेही वाचा : तळोजा एमआयडीसीमध्ये अमोनिया वायूची गळती.. ग्रामस्थांना उलट्यांचा त्रास
