नागपूर : महा मेट्रोचे व्यवस्थापकीय संचालक डॉ. ब्रिजेश दीक्षित यांना पुन्हा एकदा मुदतवाढ देण्याचा प्रस्ताव सरकारने नामंजूर केला आहे. ज्यामुळे दीक्षित यांचा कार्यकाळ 15 मे रोजी संपुष्टात आला. मुदत वाढ न मिळाल्याने दीक्षित यांनी राज्याच्या वित्त विभागाचे अतिरिक्त मुख्य सचिव डॉ. नितीन करीर यांच्याकडे सोमवारी पदभार सोपविला आहे.
आठ वर्षांपासून दीक्षित यांच्याकडे मेट्रोचे नेतृत्व : गेल्या आठ वर्षांपासून दीक्षित यांच्याकडे मेट्रोचे नेतृत्व होते. 2014 मध्ये नागपूर मेट्रो सुरू करण्यासाठी नागपूर मेट्रो रेल्वे प्रकल्प स्थापन करण्यात आला होता. त्यानंतर या प्रकल्पाचे नाव बदलून महामेट्रो असं करण्यात आलं. ब्रिजेश दीक्षित यांच्या कार्यकाळात नागपुरात 38 किलोमीटरच्या मेट्रो मार्ग कार्यान्वित झाला. 11 डिसेंबर 2022 रोजी पंतप्रधान नरेंद्र मोदी यांच्या हस्ते नागपूर मेट्रोच्या संपूर्ण टप्प्याचे उद्घाटन आणि दुसऱ्या टप्प्याचे भूमिपूजन करण्यात आले होते. दीक्षित यांच्या नेतृत्वात महा मेट्रो ने पुणे मेट्रो रेल्वे प्रकल्पाचे कामही सुरू केले आहे.
आमदार विकास ठाकरे यांनी केली होती तक्रार : काही दिवसांपूर्वी पश्चिम नागपूरचे काँग्रेसचे आमदार विकास ठाकरे यांनी डॉक्टर दीक्षित यांच्या मुदत वाढीवर आक्षेप घेतला होता. त्यांनी या संदर्भात पंतप्रधान मोदी यांना पत्र लिहून दिक्षित यांना मुदतवाढ देऊ नये अशी मागणी केली होती. ठाकरे यांनी डॉक्टर दीक्षित यांच्या कामगिरीवर प्रश्नचिन्ह उपस्थित करत त्यांच्या विरोधात सीबीआय चौकशीची मागणी केली होती.
भ्रष्टाचाराचा केला आरोप : नागपूर मेट्रोच्या कारभारात गैरप्रकार आणि पैशाचा दुरुपयोग झाल्याचा आरोप ठाकरे यांनी केला होता. ब्रिजेश दीक्षित हे केंद्रीय मंत्री नितीन गडकरी यांच्या गुड बुक मधले समजले जातात.
हेही वाचा -
- Rahul Narwekar News : भरत गोगावलेंची पुन्हा नियुक्ती होऊ शकते -राहुल नार्वेकर
- Kalicharan Maharaj News: समाजात तेढ निर्माण करणारे वक्तव्य केल्याने कालीचरण महाराजांसह भाजप पदाधिकाऱ्यांवर गुन्हा; भाजपने फेटाळले आरोप
- Trimbakeshwar Temple Nashik: त्र्यंबकेश्वर मंदिरात संदलची चादर नेल्याने गुन्हा दाखल; देवेंद्र फडणवीस यांनी दिले चौकशीचे आदेश
